Gwefan llywodraeth y DU

Wrth bwy i gwyno

Cysylltwch â'r cwmni trenau dan sylw os yw'ch cwyn yn ymwneud â thocynnau a theithio ar drên, gan gynnwys pethau fel:

• mae rhywun wedi gwerthu'r tocyn anghywir ar gyfer eich siwrnai
• trenau hwyr neu oedi wrth aros am drên
• yr wybodaeth sydd ar gael mewn gorsafoedd neu ar drenau
• gorlenwi ar drên
• rydych wedi cael tocyn cosb ac yn dymuno apelio
• ymddygiad staff ar drên neu mewn gorsaf
• cael mynediad at y trên neu i'r orsaf ac unrhyw gymorth a gawsoch neu na chawsoch chi
• roeddech chi'n hwyr yn cael gwybod am newidiadau i wasanaeth rheilffordd oherwydd gwaith peirianyddol

Ceir rhestr o gwmnïau trên ym Mhrydain Fawr a dolenni at eu manylion cyswllt ar wefan National Rail. Gallwch hefyd weld pa gwmni sy'n rhedeg pa orsaf.

Os gwnaethoch brynu eich tocyn gan adwerthwr – oddi ar wefan gwerthu tocynnau, er enghraifft – cysylltwch â nhw'n uniongyrchol os nad ydych yn fodlon â'u gwasanaeth.

• Rhestr o gwmnïau trên – National Rail Opens new window

• Cael gwybod pwy sy'n rheoli gorsaf – National Rail Opens new window

Cwynion am yr Heddlu Trafnidiaeth Prydeinig

Cysylltwch â'r Heddlu Trafnidiaeth Prydeinig yn uniongyrchol ar gyfer cwynion ynglŷn â'u hymddygiad neu ar gyfer mater cyffredinol yn ymwneud â phlismona.

• Cwynion – Yr Heddlu Trafnidiaeth Prydeinig Opens new window

• Diogelwch teithwyr rheilffyrdd

Cwynion am eiddo rheilffyrdd, sŵn trenau neu waith cynnal a chadw ar draciau

Cysylltwch â Network Rail ar 08457 11 41 41 os ydych chi'n poeni am bethau fel:

• gwaith peirianneg yn hwyr yn y nos ar draciau rheilffordd ger eich cartref
• diogelwch a safon traciau, pontydd a chroesfannau
• sŵn o drenau neu waith peirianyddol
• ymddygiad cyflogeion Network Rail
• unrhyw broblemau a achosir gan graffiti, fandaliaeth, planhigion, coed neu anifeiliaid ger traciau rheilffordd

• Network Rail – help ar gyfer problemau ar y rheilffyrdd Opens new window

• Gwybodaeth am lygredd sŵn

Cwynion am ystyriaethau iechyd a diogelwch

Mae'n gyfrifoldeb ar gwmnïau trên a gweithredwyr gorsafoedd i wneud yn siŵr eu bod yn gweithio'n ddiogel. Rhaid iddynt wneud yn siŵr bod gweithdrefnau ar waith, er enghraifft, i atal pobl rhag cael damweiniau mewn gorsafoedd, drwy lithro neu ddisgyn er enghraifft. Os ydych chi'n bryderus nad yw cwmni trên neu weithredwr gorsaf yn gwneud hynny'n ddiogel, cysylltwch â nhw'n gyntaf. Gall y Swyddfa Rheoleiddio Rheilffyrdd hefyd ymchwilio i gwynion gan aelodau o'r cyhoedd ynglŷn ag arferion anniogel yn y diwydiant rheilffyrdd.

• Rhestr o gwmnïau trên – National Rail Opens new window

• Cael gwybod pwy sy'n rheoli gorsaf – National Rail Opens new window

• Cysylltu â'r Swyddfa Rheoleiddio Rheilffyrdd Opens new window

Sut mae gwneud cwyn

Mae'n syniad da gwneud cwyn pan mae'r broblem yn codi drwy gysylltu ag aelod o staff yn yr orsaf neu ar y trên. Os na allwch gwyno ar y pryd, dylech wneud cwyn yn ysgrifenedig o fewn 28 diwrnod i'r broblem.

Beth i'w ddweud yn eich cwyn

Dylai eich llythyr roi'r rheswm dros eich cwyn a disgrifiad o'r hyn ddigwyddodd. Dylech gynnwys cymaint o wybodaeth â phosib, megis:

• dyddiad ac amser eich siwrnai a pha orsafoedd a ddefnyddiwyd
• faint o bobl oedd yn teithio gyda chi
• unrhyw beth rydych chi wedi'i wneud yn barod i ddatrys y broblem
• eglurhad o'r camau yr hoffech i'r cwmni eu cymryd

Os yw'ch cwyn yn ymwneud â gwybodaeth gan linell gymorth gwasanaethau cwsmer neu Wasanaeth Ymholiadau National Rail, dylech gynnwys:

• dyddiad ac amser eich galwad ffôn
• rhif llawn y ffôn a ddefnyddioch i ffonio

Ynghyd â'r llythyr, dylech anfon unrhyw:

• docynnau gwreiddiol
• dderbynebau, neu brawf o brynu neu gyfeirnod

Ewch â chopi o bopeth y byddwch yn ei anfon a gofynnwch i Swyddfa'r Post am brawf bod y llythyr wedi cael ei dderbyn. Os na fyddwch yn cael ateb o fewn deg diwrnod gwaith, ffoniwch y corff a oedd i fod i dderbyn y llythyr er mwyn gwneud yn siŵr ei fod wedi cyrraedd.

Beth i'w wneud os nad ydych chi'n fodlon â'r ymateb i'ch cwyn

Dylech allu datrys eich cwyn gyda'r cwmni trên neu'r corff dan sylw.

Os nad ydych yn fodlon â'r ymateb a gewch ynglŷn â'ch cwyn, gallwch apelio at Passenger Focus. Os yw'ch cwyn yn ymwneud â siwrnai ar reilffordd yn Llundain, cysylltwch â Travelwatch Llundain.

Os nad ydych chi'n fodlon â'r ymateb a gewch gan Network Rail, cysylltwch â'r Swyddfa Rheoleiddio Rheilffyrdd.

• Ffurflen gwyno – Passenger Focus Opens new window

• Apeliadau – Travelwatch Llundain Opens new window

• Cysylltu â'r Swyddfa Rheoleiddio Rheilffyrdd Opens new window

Cwynion am Passenger Focus, Travelwatch Llundain neu'r Swyddfa Rheoleiddio Rheilffyrdd

Os nad ydych chi'n fodlon â'r ffordd y mae Passenger Focus, Travelwatch Llundain neu'r Swyddfa Rheoleiddio Rheilffyrdd yn delio â'ch apêl, gwnewch gŵyn yn syth iddyn nhw.

Os ydych chi dal yn anfodlon gyda’ch cwyn am Passenger Focus neu’r Swyddfa Rheoleiddio Rheilffyrdd, cysylltwch â’r Ombwdsmon Seneddol.

Ar gyfer problemau gyda Travelwatch Llundain, cysylltwch â'r Ombwdsmon Llywodraeth Leol.

• Yr Ombwdsmon Seneddol – cwynion Opens new window

• Gwneud cwyn i'r Ombwdsmon Llywodraeth Leol Opens new window

Cwynion am bris tocynnau neu gostau parcio ceir mewn gorsafoedd

Os ydych chi'n meddwl bod pris tocyn ar gyfer gwasanaeth rheilffordd yn rhy ddrud, cysylltwch â'r cwmni trên yn gyntaf. I gael mwy o wybodaeth ynglŷn â chwyno am bris tocyn, dilynwch y ddolen isod.

• Cwynion am bris uchel tocynnau trên neu gost parcio car mewn gorsafoedd

Mwy o ddolenni defnyddiol

• Teithio ar drên (adran pobl anabl)

• Llwybrau trên ac amserlenni – Cynlluniwr Taith Cross & Stitch Opens new window

Cysylltiadau defnyddiol

• Yr Adran Drafnidiaeth – cysylltiadau polisi rheilffyrdd Opens new window

• Passenger Focus Opens new window

• London Travelwatch Opens new window

• Heddlu Trafnidiaeth Prydain Opens new window

• Swyddfa Rheoleiddio’r Rheilffyrdd Opens new window

• Cangen Ymchwilio i Ddamweiniau Rheilffyrdd (RAIB) Opens new window