Gwefan llywodraeth y DU

Cwynion i'r cwmni trên

Bydd cwmnïau trên yn pennu pris tocynnau a chostau parcio mewn gorsafoedd ar eu llwybrau nhw. Gallant ymateb i gwestiynau neu gwynion sy'n ymwneud â phrisiau tocynnau a chostau parcio car.

Bydd pris ambell docyn safonol yn cael ei reoleiddio (ei fonitro) gan y llywodraeth fel rhan o gytundebau gyda'r cwmnïau trên. Gall eich cwmni trên ddweud wrthych a yw'r tocyn rydych chi'n sôn amdano yn cael ei reoleiddio. Os yw'ch cwyn yn ymwneud â'r modd y mae pris tocynnau'n cael eu rheoleiddio, dylech gysylltu â'r adran briodol yn y llywodraeth.

Ewch i 'Gwasanaethau rheilffyrdd ym Mhrydain Fawr' i gael mwy o wybodaeth ynghylch sut mae pris tocynnau'n cael ei fonitro a chyngor ynghylch pa adran i gysylltu â hi. Mae 'Cwyno am wasanaethau rheilffyrdd' yn cynnwys cyngor ynghylch beth i'w ddweud yn eich cwyn a sut mae dilyn trywydd y gŵyn wedyn.

• Gwasanaethau rheilffyrdd ym Mhrydain Fawr

• Cwyno am wasanaethau rheilffyrdd

Sut mae'r gyfraith gystadleuaeth yn effeithio ar docynnau rheilffordd a chostau parcio mewn gorsafoedd

Bydd cwmnïau trên yn cystadlu am gontractau'r llywodraeth ('masnachfreintiau'), er mwyn:

• rhedeg gwasanaethau trên
• darparu meysydd parcio mewn gorsafoedd

Pan fyddant yn rhedeg eu masnachfraint, mae cwmnïau trên yn gorfod cadw at y gyfraith gystadleuaeth. Yn unol â Deddf Cystadleuaeth 1998, mae'n anghyfreithlon i gwmnïau trên wneud rhai pethau, megis:

• gosod prisiau
• defnyddio eu sefyllfa bwerus yn y farchnad i fanteisio ar deithwyr

Tocynnau trên a'r gyfraith gystadleuaeth

Os bydd cwmni trên yn cadw at y gyfraith gystadleuaeth, ni fydd y prisiau a osodant ar gyfer tocynnau yn anghyfreithlon o uchel.

Mae pris tocyn trên yn annhebygol o fod yn anghyfreithlon o uchel:

• os yw'r pris yn cael ei reoleiddio
• os yw'n costio llai na phris tocyn rheoledig y gallech chi ei ddefnyddio yn ei le
  os yw'n debyg i bris tocyn rheoledig y mae cwmni trên gwahanol yn ei godi am siwrnai debyg
• os yw'n docyn dosbarth cyntaf (gan fod teithwyr yn dewis talu mwy am docynnau dosbarth cyntaf er mwyn cael gwasanaeth o well ansawdd)
• os yw'n fras yn codi ochr yn ochr â chyfradd chwyddiant
• os yw ar gyfer siwrnai lle byddai modd i chi, yn realistig, ddewis teithio ar fath arall o drafnidiaeth, megis bws moethus

Os nad ydych chi'n fodlon â phris parcio mewn gorsaf drenau, cysylltwch â gweithredwr yr orsaf

• Cael gwybod pwy sy'n rheoli gorsaf – National Rail Opens new window

Costau parcio mewn gorsafoedd a'r gyfraith gystadleuaeth

Nid yw'r prisiau a godir mewn meysydd parcio ceir mewn gorsafoedd yn cael eu rheoleiddio – bydd gweithredwr yr orsaf yn penderfynu faint i'w godi. Mae'n annhebygol y bydd cost parcio ceir mewn gorsaf yn torri'r gyfraith gystadleuaeth.

Ni fydd modd ymchwilio i gost parcio'r orsaf oni bai ei fod yn ddrutach na chost naw allan o ddeg o feysydd parcio yn yr ardal ac:

• nad oes meysydd parcio arhosiad hir na lle i barcio ar y stryd gerllaw (o fewn pellter cerdded, neu oddeutu kilometr/hanner milltir i ffwrdd)
• na fyddai'n realistig i chi gerdded, beicio, na defnyddio trafnidiaeth gyhoeddus yn hytrach na gyrru i'r orsaf honno a pharcio ynddi
• nad oes gorsafoedd eraill gyda meysydd parcio rhatach lai na 15 munud i ffwrdd mewn car
• na allech chi ddefnyddio mathau eraill o drafnidiaeth ar gyfer y siwrnai gyfan

• Deddf Cystadleuaeth 1998 Opens new window

Sut i gwyno bod pris tocyn neu gost parcio yn torri'r gyfraith gystadleuaeth

Mae gan y Swyddfa Rheoleiddio Rheilffyrdd bwerau i ymchwilio pan fydd cwmni trên wedi torri'r gyfraith gystadleuaeth. Os ydych chi'n meddwl bod pris tocyn neu gost parcio car yn anghyfreithlon o uchel, gallwch gwyno i'r Swyddfa Rheoleiddio Rheilffyrdd. Rhaid i chi roi eich cwyn ar bapur a darparu tystiolaeth ategol – ceir canllawiau ar y ffurflen gwyno ynghylch sut i wneud hyn.

• Sut i gwyno dan y gyfraith gystadleuaeth Opens new window

Mwy o ddolenni defnyddiol

• Teithio ar drên (adran pobl anabl)

• Llwybrau trên ac amserlenni – Cynlluniwr Taith Cross & Stitch Opens new window