Gwefan llywodraeth y DU

Beth yw’r Cerdyn Trên i Bobl Hŷn?

Mae'r Cerdyn Trên i Bobl Hŷn ar gael i bawb sy'n 60 oed a throsodd. Gallwch ei ddefnyddio ledled Cymru, Lloegr a'r Alban ac mae'n ddilys am 12 mis.

Bydd Cerdyn Trên i Bobl Hŷn yn arbed arian i chi ar y rhan fwyaf o docynnau – fel arfer, traean i ffwrdd ar y rhan fwyaf o docynnau safonol a dosbarth cyntaf.

Gall ymwelwyr i Brydain hefyd brynu Cerdyn Trên i Bobl Hŷn, cyn belled â'u bod yn 60 oed a throsodd.

Pryd mae'r consesiynau trenau'n berthnasol

Gellir defnyddio'r Cerdyn Trên i Bobl Hŷn ledled y wlad.

Gallwch hefyd gael disgownt ar rai mathau o docynnau a gynigir gan gwmnïau trên unigol, felly holwch yn lleol am fanylion.

Pryd gallwch chi deithio

Gallwch ddefnyddio'r Cerdyn Trên i Bobl Hŷn ledled Prydain unrhyw adeg. Yr unig gyfyngiad yw teithiau ar adegau prysur yn y bore yn ardal Llundain a De Ddwyrain Lloegr, o ddydd Llun i ddydd Gwener (heb gynnwys gwyliau cyhoeddus). Mae'n well gwneud yn siŵr pan fyddwch yn prynu'r tocyn.

Prynu Cerdyn Trên i Bobl Hŷn

I brynu eich Cerdyn Trên i Bobl Hŷn, bydd rhaid i chi lenwi ffurflen gais. Gallwch gael ffurflen o swyddfa docynnau eich gorsaf agosaf, neu gallwch lenwi'r ffurflen ar wefan y Cerdyn Trên i Bobl Hŷn.

• Gwefan Cerdyn Trên i Bobl Hŷn Opens new window

Beth fydd ei angen arnoch

Os ydych chi'n ymgeisio am y tro cyntaf, bydd angen y canlynol arnoch:

• ffurflen gais wedi'i llenwi
• naill ai eich tystysgrif geni neu basport neu drwydded yrru i brofi eich oed
• taliad

Os ydych chi'n adnewyddu eich Cerdyn Trên i Bobl Hŷn, bydd angen y canlynol arnoch:

• ffurflen gais wedi'i llenwi
• eich Cerdyn Trên presennol
• taliad

Gallwch ddod o hyd i brisiau a manylion talu cyfredol y Cerdyn Trên ar wefan y Cerdyn Trên i Bobl Hŷn.

• Gwefan y Cerdyn Trên i Bobl Hŷn Opens new window

Lle i brynu neu adnewyddu eich Cerdyn Trên i Bobl Hŷn

Mae tair ffordd y gallwch brynu neu adnewyddu eich Cerdyn Trên i Bobl Hŷn.

• Prynu Cerdyn Trên i Bobl Hŷn ar-lein Opens new window

Gair i gall

Cofiwch:

• bydd angen i chi fynd â'ch Cerdyn Trên i Bobl Hŷn gyda chi i archebu eich tocyn a'i gadw gyda chi wrth deithio
• er mwyn arbed arian wrth brynu tocynnau ar-lein, bydd angen i chi dicio'r blwch i nodi eich bod yn ddeilydd Cerdyn Trên i Bobl Hŷn
• allwch chi ddim defnyddio eich Cerdyn Trên i Bobl Hŷn i brynu tocyn ar ôl mynd ar drên, heblaw os nad oedd modd prynu tocyn yn yr orsaf
• at eich defnydd chi eich hun y mae'r Cerdyn Trên i Bobl Hŷn, ac ni ellir ei ddefnyddio ar gyfer unrhyw oedolion neu blant sydd gyda chi

Buddiannau eraill

O bryd i'w gilydd, bydd gwahanol gwmnïau trenau'n hysbysebu cynigion arbennig i ddalwyr Cerdyn Trên i Bobl Hŷn. Mae rhain yn cynnwys mynediad dau am bris un i atyniadau – amgueddfeydd, orielau, y theatr, tai bwyta, teithiau ar gwch – a chynigion arbennig ar lety a thai bwyta. Cymrwch gip ar wefan y Cerdyn Trên i Bobl Hŷn i gael gwybod am y buddiannau.

• Cynigion y Cerdyn Trên i Bobl Hŷn Opens new window

Mwy o ddolenni defnyddiol

• Teithio ar drên (adran teithio a thrafnidiaeth)

• Teithio ar drên (adran pobl anabl)

Cysylltiadau defnyddiol

• Cysylltiadau teithio a hamdden

• Cysylltiadau dros 50