Gwefan llywodraeth y DU

Cael pasbort am ddim - manylion

Os ydych chi'n ddinesydd Prydeinig a aned ar 2 Medi 1929 neu cyn hynny gallwch wneud cais am basbort am ddim. Gallwch gael pasbort deng mlynedd gan y Gwasanaeth Hunaniaeth a Phasbortau. Bydd y pasbort hwn am ddim p'un ai a ydych yn adnewyddu eich pasbort presennol ynteu'n cael pasbort am y tro cyntaf.

Cewch wneud cais am ad-daliad o’r ffi pasbort safonol os mae’r ddau bwynt canlynol yn gymwys, eich bod:

• wedi gwneud cais am basbort ers 19 Mai 2004
• yn gymwys i gael pasbort am ddim

Gall y Gwasanaeth Hunaniaeth a Phasbortau ateb unrhyw gwestiynau ynghylch cael eich pasbort am ddim neu wneud cais am ad-daliad ar y Llinell Gymorth Pasbortau - 0300 222 0000. Mae’r llinell ar agor rhwng 8.00 am ac 8.00 pm o ddydd Llun i ddydd Gwener a rhwng 9.00 am a 5.30 pm ar benwythnosau a gwyliau cyhoeddus. Gallwch ddod o hyd i wybodaeth lawn am bob agwedd ar basbortau a sut mae gwneud cais yn yr adran teithio a thrafnidiaeth.

• Pasbortau (adran teithio a thrafnidiaeth)

• Llinell Gymorth Pasbortau (adran cysylltiadau defnyddiol)

Sut mae gwneud cais: y pethau pwysig

Gallwch wneud cais mewn sawl ffordd. Yn gyntaf, mae angen ffurflen gais arnoch. Gallwch naill ai lenwi'r ffurflen ar-lein neu gael copi papur o'r ffurflen drwy wneud y canlynol:

• gofyn i'r Gwasanaeth Hunaniaeth a Phasbortau ar-lein, ac yna byddant yn anfon copi atoch
• ei chasglu o gangen Swyddfa'r Post sy'n cynnig y gwasanaeth Gwirio ac Anfon
• ffonio'r Llinell Gymorth Pasbortau ar 0300 222 0000 i ofyn am un

Os ydych chi'n byw y tu allan i'r DU dim ond wyneb-yn-wyneb y cewch wneud cais am basbort am ddim pan fyddwch yn ymweld â'r DU. Neu gallwch gael un drwy eich Is-genhadaeth, eich Uchel Gomisiwn neu eich Llysgenhadaeth Brydeinig leol. Ni allwch wneud cais ar-lein na thrwy'r post.

• Gofyn am ffurflen i wneud cais am basbort (Gwasanaeth Hunaniaeth a Phasbortau) Opens new window

• Gwasanaeth Gwirio ac Anfon Swyddfa'r Post (adran teithio a thrafnidiaeth)

• Llinell Gymorth Pasbortau (adran cysylltiadau defnyddiol)

• Gwneud cais am basbort ar-lein Opens new window

Cais ar-lein

Gallwch lenwi cais am basbort ar-lein. Ar ôl i chi lenwi a chyflwyno'r ffurflen (sy'n cynnwys cyfarwyddiadau llawn), bydd y Gwasanaeth Hunaniaeth a Phasbortau yn ei dychwelyd atoch i'w llofnodi a'i dyddio. Bydd angen i chi wedyn amgáu'r lluniau a'r dogfennau priodol, cyn ei dychwelyd i'r Gwasanaeth Hunaniaeth a Phasbortau i'w phrosesu.

• Gwneud cais am basport ar-lein Opens new window

Faint o amser mae'n ei gymryd i gael pasbort?

Gallwch gael eich pasbort mewn gwahanol ffyrdd, gan ddibynnu ar ba mor gyflym y mae arnoch ei angen:

• Ceisiadau safonol: ar gyfer gwasanaeth safonol drwy'r post mae'r Gwasanaeth Hunaniaeth a Phasbortau'n argymell i chi aros tair wythnos o leiaf i'ch pasbort gael ei adnewyddu.
• Ceisiadau brys: Gall y Gwasanaeth Hunaniaeth a Phasbortau brosesu ceisiadau brys yn gynt ac mae'n cynnig gwasanaeth prosesu mewn wythnos a gwasanaeth prosesu mewn diwrnod yn ei Swyddfeydd Pasbortau Rhanbarthol

• Amserlen ar gyfer ceisiadau am basbortau (adran teithio a thrafnidiaeth)

• Ffioedd pasbortau (adran teithio a thrafnidiaeth)

Teithio gyda'ch pasbort

Pan fyddwch chi'n teithio gyda'ch pasbort, mae'n syniad da:

Os digwydd i chi golli'ch pasbort neu os caiff ei ddwyn, cysylltwch â'r Is-genhadaeth, yr Uchel Gomisiwn neu'r Llysgenhadaeth Brydeinig ar unwaith.

• Swyddfeydd yr Is-Gennad Prydeinig (gwefan y Swyddfa Dramor a Chymanwlad) Opens new window

Mwy o ddolenni defnyddiol

• Gwneud cais am eich pasbort oedolyn cyntaf (adran teithio a thrafnidiaeth)

• Adnewyddu neu ymestyn eich pasbort oedolyn (adran teithio a thrafnidiaeth)