Gwefan llywodraeth y DU

Sut i gwyno am wasanaethau bws neu fysiau moethus

Os oes gennych gŵyn am wasanaeth bws, dylech ysgrifennu at y cwmni i ddechrau. Rhowch gymaint ag y bo modd o fanylion am y daith, ac os oes modd, cynnwys y tocyn.

Os ydych yn dal i fod yn anhapus ar ôl hynny, gallwch fynd at y corff perthnasol sy'n delio â chwynion.

Llundain, Yr Alban a Gogledd Iwerddon

Mae’r cyrff cwynion statudol hyn yn delio â chwynion am wasanaethau bws yn eu hardaloedd:

• London TravelWatch
• Passengers' View Scotland
• Cyngor Defnyddwyr Gogledd Iwerddon

Gallant eich helpu gyda'r agweddau masnachol, megis prisiau tocynnau a lefelau gwasanaeth, tocynnau, amserlenni a llwybrau bysiau.

• Mwy am London TravelWatch Opens new window

• Mwy am Gyngor Defnyddwyr Gogledd Iwerddon Opens new window

• Mwy am Passengers' View Scotland Opens new window

Lloegr (y tu allan i Lundain) a Chymru

Ar gyfer Lloegr (y tu allan i Lundain) a Chymru, dylid anfon cwynion at y Corff Apeliadau Bysiau. Gallant eich helpu i ddatrys cwynion yn ymwneud â:

• diffyg dibynadwyedd
• prydlondeb
• ymddygiad staff
• gwybodaeth wael

Fodd bynnag, yn wahanol i'r cyrff yn Llundain, yr Alban a Gogledd Iwerddon, ni allant eich helpu gyda'r agweddau masnachol.

Gall y Corff Apeliadau Bysiau hefyd ddelio â chwynion o rannau eraill o'r DU sydd y tu allan i'r cylch o gyrff a sonnir amdanynt uchod, megis gwasanaethau bws moethus.

• Ymweld â gwefan y Corff Apeliadau Bysiau Opens new window

Newidiadau i wasanaethau

Os na fydd cwmni'n fodlon darparu neu barhau i redeg gwasanaeth oherwydd nad oes digon o deithwyr yn ei ddefnyddio, efallai y gallech dderbyn cymorth gan:

• eich cyngor lleol
• Weithrediaeth Cludiant Teithwyr

• Dod o hyd i'ch cyngor lleol

• Dod o hyd i'ch Gweithrediaeth Cludiant Teithwyr lleol Opens new window

Cwyno am safonau

Mae cwynion ynghylch safonau cwmnïau bysiau yn cynnwys materion yn ymwneud â:

• diogelwch
• cynnal a chadw cerbyd
• prydlondeb gwasanaethau bysiau lleol

Dylai’r fath hyn o gwynion gael eu cyfeirio at:

• gomisiynydd traffig yr ardal draffig berthnasol
• Asiantaeth Gwasanaethau Cerbydau a Gweithredwyr (VOSA)

• Dod o hyd i gomisiynydd traffig Opens new window

• Mwy am VOSA Opens new window

Cwyno am arosfannau a gorsafoedd bysiau

Os ydych am gwyno am loches, arosfan neu orsaf bysiau, cysylltwch ag adran drafnidiaeth eich cyngor lleol.

• Dod o hyd i'ch cyngor lleol

Cysylltiadau defnyddiol

• Y Corff Apeliadau Bysiau Opens new window

• London Travelwatch Opens new window

• Cyngor Defnyddwyr Gogledd Iwerddon Opens new window

• Mwy am 'Passengers' View' - yr Alban Opens new window