Gwefan llywodraeth y DU

Gwella'ch CV

Gall fod yn anodd diweddaru eich CV os ydych chi wedi bod yn gweithio neu allan o waith am gyfnod hir.

Bydd angen i chi ysgrifennu CV llwyddiannus i roi argraff gyntaf dda i ddarpar gyflogwyr, a goresgyn y rhwystr cyntaf i ganfod swydd.

• Gwella'ch CV ar ôl 50

Rhaglenni ceisio gwaith i bobl dros 50

Os nad ydych chi'n gweithio, boed hynny'n wirfoddol neu am i chi gael eich diswyddo, gall gymryd amser i ganfod swydd arall, faint bynnag yw eich oed. Fodd bynnag, mae eich profiad helaeth yn y gweithle yn werthfawr iawn, a gallwch ddefnyddio eich gwybodaeth a'ch sgiliau i ganfod swydd.

Mae yna raglenni ac adnoddau arbenigol ar gael i bobl dros 50 i'ch helpu i ganfod gwaith neu ddysgu sgiliau newydd.

• Rhaglenni gwaith i bobl dros 50

Ceisiadau, llythyrau a chyfweliadau am swyddi

Mae yna lawer o bethau y gallwch eu gwneud i sicrhau bod eich cais am swydd a'ch cyfweliad yn llwyddiannus. Mae gwybodaeth a chyngor ymarferol wedi cael eu rhoi at ei gilydd i’ch helpu chi i baratoi.

• Llythyrau a ffurflenni cais am swyddi (adran cyflogaeth)

• Paratoi am gyfweliad (adran cyflogaeth)

Dysgu drwy weithio

Mae dysgu wrth eich gwaith, boed hynny drwy astudio ar gyfer cymhwyster neu drwy ddilyn hyfforddiant penodol, yn ffordd wych o gael amser i ddysgu. Os ydych chi eisoes yn y gwaith, mae'n bosibl y gall eich cyflogwr helpu. Os ydych chi am ddychwelyd i weithio, gallwch roi cynnig ar raglen dysgu yn y gwaith.

• Dysgu drwy weithio (adran addysg a dysgu)

Eich helpu i mewn i waith

Ar wahanol adegau yn eich bywyd, efallai y bydd angen cymorth a chefnogaeth ychwanegol arnoch i'ch helpu i mewn i waith. Os ydych chi'n rhiant unigol, yn anabl, yn gadael yr ysgol neu'r coleg, dros 50, neu'n ddi-waith, mae cymorth ymarferol ar gael.

• Eich helpu i fynd i weithio (adran cyflogaeth)

Pa yrfa sy'n iawn i chi?

Gall canfod yr yrfa iawn roi boddhad mawr, felly mae'n werth rhoi rhywfaint o ymdrech i gynllunio gyrfa. Dechreuwch drwy feddwl am yr hyn sy'n eich cymell chi fel person, yna meddyliwch am yrfaoedd sy'n cyd-fynd â'ch sgiliau a'ch diddordebau.

• Pa yrfa sy'n iawn i chi? (adran cyflogaeth)

Dysgu personol a chyngor gyrfaoedd

Os ydych chi'n chwilio am gyngor ar ddysgu personol a gyrfaoedd, gallwch ei gael mewn ffordd sy'n addas i chi. Gallwch gyfarfod cynghorydd wyneb yn wyneb, sgwrsio dros y ffôn neu gysylltu â chynghorydd drwy e-bost: pa un bynnag sydd fwyaf cyfleus.

• Dysgu personol a chyngor gyrfaoedd (adran addysg a dysgu)

Budd-daliadau a chymorth wrth fynd yn ôl i weithio

Os ydych chi'n dychwelyd i weithio ar ôl derbyn budd-dal, bydd rhai o'ch budd-daliadau'n stopio'n awtomatig ar unwaith. Bydd rhai'n parhau am ychydig ar ôl i chi ddechrau gweithio i'ch rhoi ar ben ffordd. Efallai y byddwch yn gallu cael budd-daliadau eraill pan fyddwch yn gweithio.

• Budd-daliadau a help wrth fynd yn ôl i'r gwaith (adran arian, treth a budd-daliadau)

Rhagor o ddolenni defnyddiol

• Lwfans Ceiswyr Gwaith (adran arian, treth a budd-daliadau)

• Chwilio am swydd (adran cyflogaeth)

Cysylltiadau defnyddiol

• Cysylltiadau gwaith a gyrfaoedd

• Cysylltiadau i bobl dros 50