Gwefan llywodraeth y DU

Paratoi cyn gadael

Tra bo rhai trefniadau ychwanegol y gallech chi neu'ch plentyn eu hystyried er mwyn sicrhau eu diogelwch, isod mae rhai o'r prif bethau y dylech geisio sicrhau fod eich mab neu ferch yn eu gwneud cyn gadael:

• edrych ar wefan Cyngor Teithio'r Swyddfa Dramor a'r Gymanwlad (FCO), gweler y ddolen isod, neu ffonio 0845 850 2829, a sicrhewch fod eich plentyn yn gwybod beth yw cyfeiriad y Llysgenhadaeth neu Is-Genhadaeth Brydeinig rhag ofn y bydd angen cysylltu â hwy mewn argyfwng
• cael yswiriant teithio a gofalu bod hwnnw'n addas
• cael arweinlyfr da a sicrhau eu bod yn ymgyfarwyddo â'u cyrchfan. Dysgu am y cyfreithiau a'r arferion lleol
• sicrhau fod ganddynt basport dilys a'r teithebau (visas) angenrheidiol
• darganfod pa frechiadau sy'n angenrheidiol o leiaf chwe wythnos cyn mynd
• sicrhau bod y trefnydd teithiau a ddefnyddir yn aelod o Gymdeithas Trefnwyr Gwyliau Prydain (ABTA) ac, os ydynt yn hedfan, gwneud yn siŵr bod y gwyliau pecyn wedi ei ddiogelu gan Drwyddedwyr Trefnwyr Teithio Awyrennau (ATOL)
• gwneud copïau o'u pasport, o'u polisi yswiriant, o rif argyfwng 24 awr ac o fanylion eu tocynnau - gan adael copïau gyda theulu a ffrindiau
• mynd â digon o arian ar gyfer y daith ynghyd ag arian wrth gefn e.e. sieciau teithio, punnoedd sterling neu ddoleri'r UDA
• gadael copi o'r teithlyfr a dulliau o gysylltu gyda nhw gyda theulu a ffrindiau

• Cyngor teithio gan y Swyddfa Dramor a Chymanwlad Opens new window

• Gweld os oes angen cymryd rhagofalon iechyd ychwanegol Opens new window

• Gwefan Cymdeithas Trefnwyr Gwyliau Prydain (ABTA) Opens new window

• Gwefan Trwyddedwyr Trefnwyr Teithio Awyrennau Opens new window