Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Gwener, 5 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Rhieni

Tra bo'ch plentyn dramor

Er mwyn sicrhau diogelwch eich plentyn, efallai yr hoffech ystyried y materion allweddol canlynol cyn eu bod nhw’n mynd i ffwrdd.

Alcohol

Cadwch mewn cof y gall yr oedran pan mae'n gyfreithiol i yfed alcohol fod yn wahanol mewn gwledydd eraill. Mewn rhai gwledydd, gall yr oedran pan mae'n gyfreithiol i yfed alcohol fod yn uwch neu'n is nag yn y DU neu gall yfed alcohol fod yn anghyfreithlon yn gyfan gwbl. Fodd bynnag, os ydych chi'n meddwl y bydd eich mab neu'ch merch yn yfed alcohol tra'u bod dramor, mae nifer o bethau eraill i'w hystyried:

byddwch yn ymwybodol o agweddau lleol tuag at alcohol
cadwch olwg ar ddiodydd (gallai rhywun roi cyffuriau mewn diodydd sy'n cael eu hanwybyddu)
dylech osgoi alcohol tra’n nofio
peidiwch â cheisio mewngludo alcohol i wledydd ble mae wedi ei wahardd
nid yw bod yn feddw'n gyhoeddus yn edrych yn dda, lle bynnag yr ydych

Alcohol, pobl ifanc a'r gyfraith

Cyffuriau

Cyn iddynt fynd dramor, mae'n bwysig eich bod yn ceisio sicrhau bod eich mab neu'ch merch yn ymwybodol o'r materion canlynol:

mae cosbau am anufuddhau deddfau cyffuriau yn aml yn llym ac yn cynnwys dirwyon enfawr a dedfrydau carchar hir mewn amgylchiadau difrifol. Gellid eu dedfrydu i'r gosb eithaf mewn rhai gwledydd

ni ddylent gario pecynnau pobl eraill drwy'r Tollau
dywedwch wrth eich plentyn ni ddylent eistedd yng ngherbyd neb arall wrth fynd drwy Dollau neu groesi ffin - ewch allan a cherdded
ceisiwch sicrhau eu bod bob amser yn pacio eu bagiau eu hunain gan beidio byth â'u gadael heb neb i'w goruchwylio
os ydynt yn gyrru dywedwch wrth eich plentyn ni ddylent roi benthyg eu cerbyd i rywun arall
ni ddylent roi meddyginiaethau a roddwyd iddynt ar brescripsiwn gan feddyg i bobl y maent yn eu cyfarfod wrth deithio

Helpu eich plentyn i osgoi peryglon cyffuriau

Gwefan Frank Opens new window

Rhyw

Dylech sicrhau fod eich plentyn yn deall digon am beryglon cael rhyw heb warchodaeth. Gallai hyn nid yn unig leihau'r siawns o feichiogi'n anfwriadol, gallai hefyd leihau'r siawnsiau o gael clefydau a drosglwyddir trwy ryw, gan gynnwys HIV/AIDS.

Dylai pobl sy'n teithio dramor hefyd sylweddoli bod agweddau diwylliannol tuag at berthynas pobl â'i gilydd yn gwahaniaethu o wlad i wlad. Gall ymddygiad sy'n cael ei ystyried yn dderbyniol yn y DU beri tramgwydd neu achosi camddealltwriaeth mewn rhai cymunedau.