Gwefan llywodraeth y DU

Y rheoliadau ar gyfer mabwysiadu rhwng gwledydd

Caniateir mabwysiadu rhwng gwledydd yn yr achosion canlynol:

• pan nad oes modd gofalu am y plentyn mewn amgylchedd diogel yn ei wlad ei hun
• pan fyddai mabwysiadu er budd gorau'r plentyn a ddim yn effeithio ar ei hawliau dynol a gydnabyddir yn rhyngwladol
• pan fydd asiantaeth mabwysiadu yn y DU yn asesu bod y sawl sy'n mabwysiadu yn gymwys ac yn addas i fabwysiadu o wlad dramor

Y camau cyntaf ar gyfer mabwysiadu plentyn o dramor

Os ydych chi’n dymuno mabwysiadu plentyn o dramor dylech gael sgwrs gydag un o’r canlynol:

• eich awdurdod lleol
• asiantaeth mabwysiadu wirfoddol sydd wedi’i chofrestru i ddarparu gwasanaeth mabwysiadu rhwng gwledydd

Gellir dod o hyd i fanylion cyswllt y rhain yn yr adran mabwysiadu rhwng gwledydd ar wefan yr Adran Addysg.

• Manylion cyswllt ar gyfer mabwysiadu rhwng gwledydd (Yr Adran Addysg) Opens new window

Mabwysiadu rhwng gwledydd – y broses

Pan fyddwch wedi penderfynu mabwysiadu plentyn o wlad dramor, bydd asiantaeth mabwysiadu yn y DU yn asesu pa mor addas ydych chi. Bydd yr asesiad hwn yr un fath â phe baech yn mabwysiadu yn y DU.

Yna, bydd y canlynol yn digwydd:

• bydd y papurau perthnasol yn cael eu hanfon i’r Adran Addysg i’w gwirio a rhoddir tystysgrif sy’n dangos eich bod yn gymwys i fabwysiadu
• yna, bydd yr Adran Addysg yn anfon y gwaith papur at yr awdurdod yn y wlad dramor, a fydd yn mynd ati i'ch paru â phlentyn
• byddwch yn mynd i ymweld â’r plentyn yn ei wlad
• bydd eich asiantaeth mabwysiadu yn gofyn i chi gadarnhau eich bod am fwrw ymlaen â’r broses fabwysiadu
• bydd angen i chi ofyn am y cadarnhad angenrheidiol o’r wlad dramor a gan y DU i ddychwelyd adref gyda’r plentyn (bydd eich asiantaeth mabwysiadu yn eich cynghori)

• Beth yw mabwysiadu a phwy gaiff wneud cais?

Rheoliadau eraill y mae angen i chi eu hystyried

Bydd eich asiantaeth mabwysiadu yn gallu rhoi cyngor i chi am faterion fel y canlynol:

• yr amodau a'r gofynion cyfreithiol ar gyfer mabwysiadu plant o wlad dramor i'r DU
• a oes angen i chi ail fabwysiadu eich plentyn yn y DU
• pa wledydd na chewch fabwysiadu ohonynt
• mabwysiadu gan ddinasyddion Prydeinig sy’n byw dramor
• cofrestru achosion mabwysiadu tramor

Gallwch gael gwybodaeth fanwl am y materion hyn yn yr adran mabwysiadu rhwng gwledydd ar wefan yr Adran Addysg.

• Yr Adran Addysg Opens new window

Mwy o ddolenni defnyddiol

• Cofnodion mabwysiadu (adran y llywodraeth, dinasyddion a hawliau)

• Archebu tystysgrif mabwysiadu (adran y llywodraeth, dinasyddion a hawliau)

Cysylltiadau defnyddiol

• Cysylltiadau rhieni