Gwefan llywodraeth y DU

Cofnod y gyrrwr

Mae cofnod y gyrrwr yn ffordd o’ch helpu chi a’ch hyfforddwr gyrru i wneud y canlynol:

• nodi meysydd lle mae angen i chi ddatblygu eich sgiliau a’ch dealltwriaeth
• cadw cofnod o’ch cynnydd wrth i chi ddysgu gyrru

Mae’n cynnwys:

• rhestr o 24 sgil allweddol y gellir gofyn i chi eu dangos yn y prawf gyrru ymarferol
• lle i’ch hyfforddwr gofnodi eich cynnydd drwy’r pum lefel a geir yn y cofnod

Bydd angen i chi wneud y canlynol:

• dysgu’r sgil ac yna ymarfer er mwyn cael profiad
• dysgu a datblygu’r theori a’r gyrru ymarferol ar yr un pryd

• Download ‘Cofnod y gyrrwr ar gyfer y rheini sy’n dysgu gyrru’ (PDF, 238K)

• Cymorth gyda ffeiliau PDF

Beth yw'r pum lefel?

Dyma beth mae pob lefel yn ei olygu:

• lefel un – caiff y sgil ei gyflwyno
• lefel dau – gallwch ei gyflawni gyda chyfarwyddyd llawn
• lefel tri – gallwch ei gyflawni'n gywir pan fyddwch yn cael eich cymell
• lefel pedwar – nid oes angen i chi gael eich cymell prin ddim
• lefel pump – gallwch ei gyflawni drwy’r amser heb gael eich cymell

Dylai eich hyfforddwr roi ei lofnod a chofnodi’r dyddiad wrth lefelau un i bedwar, a dylai ychwanegu'r manylion llawn pan fyddwch yn cyrraedd lefel pump.

Bydd cofnod y gyrrwr yn eich atgoffa o'r hyn rydych chi'n ceisio'i gyflawni, sut mae gwneud hynny ac i ba raddau rydych chi'n llwyddo.

Ymarfer eich sgiliau gyrru

Mae’n bwysig eich bod yn ymarfer yr hyn rydych yn ei ddysgu yn ystod eich gwersi. Trafodwch gyda'ch hyfforddwr a'r sawl a fydd yn eich helpu i ymarfer, er mwyn penderfynu beth mae angen i chi ei wneud.

Ceisiwch ymarfer:

• ar gynifer o wahanol ffyrdd ag y bo modd
• mewn pob math o draffig a thywydd, hyd yn oed wedi iddi dywyllu
• ar ffyrdd deuol lle mae'r uchafswm cyflymder cenedlaethol yn berthnasol – efallai y bydd gofyn i chi yrru ar ffyrdd fel hyn yn ystod eich prawf

Dylech gadw cofnod o unrhyw ymarfer a wnewch rhwng gwersi ar wahanol ffyrdd ac yn ystod gwahanol dywydd. Bydd hyn yn eich helpu i gofio faint rydych chi wedi’i ymarfer mewn gwahanol dywydd.

Dylech chi hefyd gofnodi unrhyw bryderon sydd gennych ynglŷn â gyrru ac yna'u trafod gyda'ch hyfforddwr.

• Download ‘Taflen ymarfer preifat cofnod y gyrrwr’ (PDF, 39K)

• Cymorth gyda ffeiliau PDF

Pryd i sefyll eich prawf ymarferol

Ni fyddwch chi'n barod i sefyll eich prawf nes byddwch wedi cael llofnod yn y blychau lefel pump. Erbyn hyn, dylech fod yn gallu gyrru'n ddiogel heb i'ch hyfforddwr neu'r person sy'n eich helpu i ymarfer eich cyfarwyddo.

• Gwylio fideo am y prawf gyrru ymarferol Opens new window

Mynd â rhywun gyda chi ar eich prawf gyrru

Mae'r Asiantaeth Safonau Gyrru yn eich annog i fynd â rhywun gyda chi ar eich prawf gyrru, sef:

• fel arfer, yr unigolyn sydd wedi eich dysgu i yrru
• ond gallai fod yn berthynas neu’n ffrind
• rhaid iddo fod yn hŷn nag 16 mlwydd oed
• ni chaiff gymryd unrhyw ran yn y prawf
• bydd yn gallu gweld sut byddwch chi’n perfformio yn ystod y prawf

I gael y budd gorau o hyn, gofynnwch i’ch hyfforddwr fynd gyda chi. Gall roi cyngor i chi am sut i wella eich sgiliau gyrru – p’un ai pasio ynteu fethu'r prawf fyddwch chi.

Os hoffech fynd â rhywun gyda chi, cofiwch drafod y peth â'r unigolyn hwnnw pan fyddwch chi'n paratoi ar gyfer eich prawf.

Mwy o ddolenni defnyddiol

• Download ‘Cofnod y gyrrwr - rhan yr hyfforddwr’ (PDF, 142K)

• Cymorth gyda ffeiliau PDF

• Sut i baratoi ar gyfer eich prawf theori

• Egluro'r prawf theori

• Egluro'r prawf car ymarferol

• Tanysgrifio i hysbysiadau e-bost yr Asiantaeth Safonau Gyrru