Gwefan llywodraeth y DU

Beth mae trosglwyddiad i ymddiriedolaeth yn ei olygu?

Gelwir y sawl sy’n rhoi’r asedau mewn ymddiriedolaeth yn ‘setlwr’. Gall y broses o drosglwyddo asedau i ymddiriedolaeth gynnwys adeiladau, tir neu arian, a gall fod yn un o’r canlynol:

• rhodd a wnaed yn ystod bywyd person
• trosglwyddiad neu drafodyn sy’n lleihau gwerth ystad y setlwr (er enghraifft, os bydd ased yn cael ei werthu i ymddiriedolwyr am bris llai na'i werth ar y farchnad) – bydd y golled i ystad y person yn cael ei hystyried yn rhodd neu’n drosglwyddiad

Cyfrifo a oes Treth Etifeddu'n ddyledus

Ar gyfer y rhan fwyaf o ymddiriedolaethau, mae Treth Etifeddu’n ddyledus pan fyddwch chi’n gwneud trosglwyddiadau y mae eu cyfanswm yn uwch na throthwy’r Dreth Etifeddu (£325,000 ar gyfer blwyddyn dreth 2012-13). Gallwch gyfrifo hyn drwy adio gwerth unrhyw drosglwyddiadau (yn seiliedig ar werth y golled i ystad y setlwr) ac unrhyw roddion trethadwy a wnaed gan y setlwr yn ystod y saith mlynedd flaenorol. Mae’n rhaid talu Treth Etifeddu ar bopeth sy’n uwch na’r trothwy.

Os mai’r ymddiriedolwyr fydd yn talu, 20 y cant fydd y gyfradd dreth. Os mai’r setlwr fydd yn talu’r Dreth Etifeddu yn hytrach na’r ymddiriedolwr, mae hyn yn golygu mwy o golled i ystad y setlwr. Felly, bydd y swm treth sy’n ddyledus yn cynyddu. Mae’r cyfrifiadau hyn yn gymhleth.

Sut mae talu eich Treth Etifeddu

Os oes Treth Etifeddu yn ddyledus ar eich trosglwyddiad i ymddiriedolaeth, bydd angen i chi lenwi’r ffurflenni canlynol:

• IHT100 – ‘Cyfrif Treth Etifeddu’
• IHT100a – ‘Gifts and other transfers of value’

• Llenwi ffurflen IHT100 Cyfrif Treth Etifeddu

• Talu Treth Etifeddu

• Ffurflen IHT100 Opens new window

• Ffurflen IHT100a Opens new window

Marwolaeth o fewn saith mlynedd i'r trosglwyddiad

Os byddwch chi’n marw o fewn saith mlynedd i wneud trosglwyddiad i ymddiriedolaeth, bydd yn rhaid i’ch ystad dalu Treth Etifeddu ar y gyfradd lawn o 40 y cant. Bydd hyn yn hytrach nag 20 y cant, sef y gyfradd is sy’n daladwy pan wneir y taliad yn ystod eich oes.

Os felly, bydd yn rhaid i’ch cynrychiolydd personol – a fydd yn rheoli eich ystad ar ôl i chi farw – dalu 20 y cant arall o'ch ystad yn seiliedig ar werth y trosglwyddiad gwreiddiol.

Os nad oedd Treth Etifeddu’n ddyledus pan wnaethoch chi’r trosglwyddiad, bydd gwerth y trosglwyddiad yn cael ei ychwanegu at eich ystad wrth gyfrifo a oes Treth Etifeddu’n ddyledus.

• Treth Etifeddu ac ymddiriedolaethau ar ôl marwolaeth

• Sut mae prisio ystad rhywun sydd wedi marw Opens new window

Os ydych chi’n parhau i gael budd o rodd mewn ymddiriedolaeth

Os byddwch chi'n rhoi rhodd mewn unrhyw fath o ymddiriedolaeth ond yn parhau i gael budd o’r rhodd – er enghraifft, rydych wedi rhoi’ch tŷ yn rhodd ond yn dal i fyw ynddo – byddwch yn talu 20 y cant ar y trosglwyddiad, a bydd y rhodd yn dal i gyfrif fel rhan o’ch ystad. Gelwir y rhoddion hyn yn ‘rhoddion gyda budd amodol’ – gallwch gael gwybod rhagor drwy ddilyn y ddolen isod at ‘Trosglwyddo eich cartref i’ch plant’.

O ganlyniad, mae’n bosibl y bydd rhaid gwneud dau daliad Treth Etifeddu ar ôl i chi farw:

• taliad pan fyddwch chi’n trosglwyddo’r rhodd i ymddiriedolaeth
• taliad i’ch ystad ar ôl i chi farw – oherwydd bydd yr ased yn dal i gael ei ystyried yn rhan o’ch ystad

I osgoi trethiant dwbl, dim ond y taliad uchaf o’r taliadau hyn fydd yn rhaid i chi ei dalu – mewn geiriau eraill, ni fydd yn rhaid i chi byth dalu mwy na 40 y cant o Dreth Etifeddu.

• Trosglwyddo eich cartref i'ch plant Opens new window

Rhoi rhodd mewn ymddiriedolaeth ar gyfer person anabl

Does dim rhaid i chi dalu Treth Etifeddu yn syth os byddwch chi’n rhoi rhodd mewn ymddiriedolaeth ar gyfer rhywun anabl.

Ond cofiwch, efallai y bydd Treth Etifeddu yn dal yn ddyledus ar ôl i chi farw – gweler yr adrannau uchod.

Yn y canllaw isod, cewch ragor o wybodaeth ynghylch sut mae Treth Etifeddu yn berthnasol i ymddiriedolaethau ar gyfer person anabl.

• Pa ymddiriedolaethau sy'n talu Treth Etifeddu?

Mwy o ddolenni defnyddiol

• Treth Etifeddu wrth drosglwyddo arian neu eiddo

• Ffurflen IHT100 Cyfrif Treth Etifeddu, arweiniad a thudalennau atodol Opens new window

Cysylltiadau defnyddiol

• Cysylltu ag Ymddiriedolaethau ac Ystadau Cyllid a Thollau EM