Gwefan llywodraeth y DU

Pam mae angen i chi roi gwybod am newidiadau mewn manylion personol

Mae’n bwysig i chi ddweud wrth Gyllid a Thollau EM am newidiadau yn eich manylion personol. Byddant yn gallu diweddaru eich cofnod Yswiriant Gwladol a gwneud yn siŵr ei fod yn cyfateb i'r enw cywir, a gallant gysylltu â chi os bydd angen.

Er enghraifft, efallai y bydd angen iddynt wneud y canlynol:

• dweud wrthych nad ydych wedi talu digon o gyfraniadau Yswiriant Gwladol mewn blwyddyn dreth i gyfrif tuag at rhai o fudd-daliadau’r wladwriaeth, a beth y gallwch ei wneud i newid hyn – darllenwch y canllaw isod ynghylch llythyrau bwlch yn eich cofnod Yswiriant Gwladol i gael gwybod rhagor
• eich gwahodd i hawlio unrhyw Bensiwn sylfaenol y Wladwriaeth y mae gennych hawl iddo pan fyddwch yn dynesu at oedran Pensiwn y Wladwriaeth

• Llythyr 'Bwlch yn eich cofnod Yswiriant Gwladol'

Newid enw neu statws priodasol

Os byddwch chi’n priodi, yn ffurfio partneriaeth sifil neu’n newid eich enw am unrhyw reswm arall, mae angen i chi roi gwybod i Gyllid a Thollau EM.

• Cael gwybod sut i roi gwybod i'ch Swyddfa Dreth eich bod wedi newid eich enw neu'ch cyfeiriad – gwefan Cyllid a Thollau EM Opens new window

Newid cyfeiriad

Os byddwch chi’n newid eich cyfeiriad bydd angen i chi roi gwybod i Gyllid a Thollau EM, hyd yn oed os ydych chi'n talu rhywfaint neu'ch holl gyfraniadau Yswiriant Gwladol drwy'r system Talu Wrth Ennill (PAYE) a'ch bod eisoes wedi dweud wrth eich cyflogwr.

• Cael gwybod sut i roi gwybod i'ch Swyddfa Dreth eich bod wedi newid eich enw neu'ch cyfeiriad – gwefan Cyllid a Thollau EM Opens new window

Dechrau neu roi'r gorau i fod yn hunangyflogedig

Dechrau bod yn hunangyflogedig

Rhaid i chi roi gwybod i Gyllid a Thollau EM eich bod yn hunangyflogedig cyn gynted ag y bo modd – hyd yn oed os ydych chi eisoes yn llenwi ffurflen dreth bob blwyddyn. Os na fyddwch chi’n rhoi gwybod iddynt, efallai y bydd yn rhaid i chi dalu dirwy.

Rhoi’r gorau i fod yn hunangyflogedig

Os byddwch chi’n rhoi’r gorau i fod yn hunangyflogedig, rhowch wybod i Gyllid a Thollau EM cyn gynted ag y bo modd.

• Cysylltu â Chyllid a Thollau EM Opens new window

Mae gennych ‘dystysgrif dewis y gyfradd is’ (reduced rate election) ac rydych wedi ysgaru neu'n wraig weddw

Os ydych wedi ysgaru, os yw’ch priodas wedi’i diddymu, neu os ydych chi'n wraig weddw a bod gennych dystysgrif dewis y gyfradd is, efallai y byddwch yn colli eich hawl:

• i dalu cyfraniadau Yswiriant Gwladol Dosbarth 1 is, os ydych chi'n gyflogai
• i beidio â thalu cyfraniadau Yswiriant Gwladol Dosbarth 2, os ydych chi’n hunangyflogedig

Dilynwch y ddolen isod i gael gwybod rhagor am ddewis cyfraddau is a sut i roi gwybod bod eich amgylchiadau wedi newid.

• Menywod priod, gwragedd gweddw a chyfraniadau Yswiriant Gwladol is

Mwy o ddolenni defnyddiol

• Rhoi gwybod am newidiadau a allai effeithio ar eich treth

• Awdurdodi cyfrifydd i ddelio â Chyllid a Thollau EM ar eich rhan

• Beth ddylech ei wneud ynghylch trethi a budd-daliadau ar ôl marwolaeth