Gwefan llywodraeth y DU

Amdano cŵn cymorth a chynorthwyo

Nid yw cŵn cynorthwyo yn addas i bawb. Rhaid i chi benderfynu a fyddai ci cynorthwyo yn addas i chi gan ystyried eich amgylchiadau unigol.

Mae angen edrych ar ôl cŵn cynorthwyo, gan eu cadw'n daclus, eu bwydo, gadael iddynt gael ymarfer corff a'u cymryd at y milfeddyg, yn union fel unrhyw gi arall.

Fodd bynnag, mae cŵn cynorthwyo wedi dod â llawer o annibyniaeth a hyder, yn ogystal â chwmpeini, i fywydau nifer o bobl.

Cŵn ar gyfer pobl ddall neu bobl â nam ar eu golwg

Mae Cymdeithas Cŵn Tywys i Bobl Ddall yn darparu hyfforddiant a chefnogaeth i bobl sy'n ddifrifol wan eu golwg a fyddai'n hoffi cael ci tywys.

Er mwyn dod yn berchen ar gi tywys, rhaid i chi fod dros 16 oed, yn byw yn y DU ac yn ddifrifol wan eich golwg, a all fod law yn llaw ag anableddau eraill. Rhaid i chi fod yn ddigon iach i ddefnyddio'r ci a gofalu amdano hefyd.

• Gwefan Cymdeithas Cŵn Tywys i Bobl Ddall Opens new window

Cŵn ar gyfer pobl fyddar neu bobl â nam ar eu clyw

Mae Cŵn Clyw ar gyfer Pobl Fyddar yn hyfforddi cŵn i roi gwybod i bobl fyddar am synau nad ydynt yn gallu'u clywed megis cloc larwm, babi'n crio, larymau mwg a llawer o bethau eraill.

I ddod yn berchen ar gi clyw, rhaid i chi fod yn ddifrifol wan eich clyw neu'n hollol fyddar, a rhaid i chi fod dros 18 mlwydd oed. Rhaid i chi hefyd allu gofalu am y ci.

• Gwefan Cŵn Clyw ar gyfer Pobl Fyddar Opens new window

Cŵn cymorth eraill

Mae rhai elusennau'n hyfforddi cŵn i helpu a chynorthwyo perchnogion anabl gydag anabledd penodol.

Gellir hyfforddi cŵn cymorth i rai ag anabledd i wneud llawer o bethau. Mae enghreifftiau yn cynnwys

• mynd i nôl pethau
• gwasgu botymau rheoli
• rhoi goleuadau ymlaen a'u diffodd
• agor a chau drysau
• llwytho a dadlwytho'r peiriant golchi
• helpu wrth siopa
• cynorthwyo wrth wisgo a dadwisgo
• mynd i nôl help os bydd angen

Gellir hyfforddi ci hefyd mewn ffyrdd eraill, er enghraifft, rhybuddio'r perchennog ei fod ar fin cael ffit epileptig.

Cŵn sy'n cynorthwyo gydag awtistiaeth

Gellir paru cŵn sy'n cynorthwyo gydag awtistiaeth â phlant awtistig a'u teuluoedd.

Mae ci sy'n cynorthwyo gydag awtistiaeth yn gweithio fel tywysydd ac angor i'r plentyn, ac yn ganolbwynt cyson iddo. Gall hyn fod yn galonogol i'r plentyn, gan ei dawelu, sy'n galluogi plant awtistig i wneud gwell synnwyr o'r byd o'u cwmpas, ac ymateb i'r byd hwnnw.

• Gwefan Support Dogs Opens new window

• Gwefan Canine Partners Opens new window

• Gwefan Dog For The Disabled Opens new window