Gwefan llywodraeth y DU

Llyfrynnau gwybodaeth

Mae'r Adran Iechyd yn cyhoeddi dau lyfryn gwybodaeth am daliadau uniongyrchol. Mae un ohonynt yn fersiwn hawdd ei ddarllen. Gellir eu llwytho oddi ar wefan yr Adran Iechyd neu gellir eu harchebu dros y ffôn.

Enw'r llyfryn safonol yw 'A guide to receiving direct payments from your local council'.

Enw'r llyfryn hawdd ei ddarllen yw 'An easy guide to direct payments'.

Os archebwch y llyfryn hawdd ei ddarllen dros y ffôn, gallwch ofyn am becyn sy'n cynnwys llyfr, CD-ROM a thâp sain.

I archebu copi o'r naill gyhoeddiad neu'r llall, ffoniwch linell archebu cyhoeddiadau'r Adran Iechyd.

Ffôn: 08701 555 455

Ffôn testun: 08700 102 870

Mae'r llinellau ar agor rhwng 8.00 am a 6.00 pm o ddydd Llun i ddydd Gwener.

• Canllaw i dderbyn taliadau uniongyrchol o'ch cyngor lleol - Gwefan yr Adran Iechyd Opens new window

• Canllaw cyflym i daliadau uniongyrchol - Gwefan yr Adran Iechyd Opens new window

Ymholiadau penodol

Os oes gennych gwestiwn am eich sefyllfa eich hun, eich cyngor lleol yw'r lle cyntaf i holi. Mae pob cyngor yn gweithredu'r broses taliadau uniongyrchol yn ei ffordd ei hun. Gall y cyngor hefyd eich rhoi chi mewn cysylltiad â gwasanaethau cymorth lleol.

Efallai hefyd y byddai'n ddefnyddiol i chi drafod eich sefyllfa gyda phobl anabl eraill sydd â phrofiad o ddefnyddio taliadau uniongyrchol.

• Cynghorau lleol

• Cysylltu â phobl anabl a mudiadau anabledd eraill

Sut mae cwyno

Os ydych yn anhapus gyda'ch cyngor lleol, gallwch ddefnyddio trefn gwyno eich cyngor lleol.

Os ydych yn anhapus gyda'r gwasanaethau sy'n cael eu darparu gan asiantaeth neu ofalwr, dylech gwyno wrth yr asiantaeth neu drafod y mater gyda'r unigolyn.