Gwefan llywodraeth y DU

Rheolau'r Ffordd Fawr

Gallwch fynd ar eich beic ar y rhan fwyaf o ffyrdd a:

• lonydd beicio (ar y ffordd)
• traciau ar gyfer beicio a llwybrau ceffylau (sydd oddi ar y ffordd)
• lonydd bysiau – os ceir arwydd yn dangos bod beicwyr yn cael eu defnyddio

Fodd bynnag, ddylech chi ddim beicio, er enghraifft:

• ar y palmant – oni bai fod arwyddion yn dangos bod beicwyr yn cael mynd arno
• drwy olau coch
• i lawr stryd un ffordd y ffordd anghywir – oni bai fod arwyddion yn dangos y caiff beicwyr wneud yn wahanol
• ar draws croesfan pelican, pâl neu sebra – ond cewch feicio ar draws croesfan twcan pan fyddwch yn gweld y golau gwyrdd ar gyfer beicwyr
• ar draffyrdd
• lle ceir arwydd 'dim beicio'

Mae'r rheolau hyn i'w gweld yn Rheolau'r Ffordd Fawr – mae cryn dipyn o'r rheolau'n ofynion cyfreithiol. Os byddwch yn anufuddhau i'r rheolau hyn, rydych chi'n cyflawni trosedd.

• Rheolau'r Ffordd Fawr – Rheolau i feicwyr

• Rheolau'r Ffordd Fawr – Arwyddion a marciau

• Rheolau'r Ffordd Fawr – Cynnwys llawn

Dod o hyd i lwybr beicio

Ar lwybrau beicio, ceir cyfarwyddiadau sy'n dangos lle gallwch fynd ar eich beic ar ffyrdd neu rannau o ffyrdd sy'n addas ar gyfer beicwyr. Fel rheol, maent yn cynnwys cyfuniad o ffyrdd tawel, lonydd beicio a chyfleusterau oddi ar y ffordd, megis croesfannau. Mae'n bosib y bydd llwybrau beicio hefyd yn dangos i chi lle mae angen i chi ddod oddi ar eich beic er mwyn croesi ffordd arbennig o brysur neu gylchfan.

Mae nifer o lonydd a llwybrau beicio lleol yn rhan o rwydweithiau beicio lleol neu'r Rhwydwaith Beicio Cenedlaethol. Gallwch gael map o'r Rhwydwaith Beicio Cenedlaethol gan yr elusen Sustrans. Mae'r rhwydwaith yn cynnwys dros 12,000 o filltiroedd o lwybrau beicio ar ffyrdd, llwybrau di-draffig a lonydd tawel.

• Y Rhwydwaith Beicio Cenedlaethol – Sustrans Opens new window

Llwybrau beicio lleol

Cysylltwch â'ch cyngor lleol i gael gwybodaeth am lwybrau beicio yn eich ardal.

• Dod o hyd i'ch cyngor lleol

Gallwch ddefnyddio cynlluniwr beicio Cross & Stitch i gynllunio llwybr beicio mewn ardaloedd penodol. Gallwch hefyd roi awgrymiadau ar gyfer gwella'r llwybrau neu'r adnodd.

• Dod o hyd i lwybr beicio Opens new window

Llwybrau beicio ar gyfer Llundain

Gallwch chwilio am lwybrau beicio yn Llundain drwy ddefnyddio cynlluniwr taith Transport for London. Gallwch hefyd archebu canllawiau beicio am ddim a chael gwybod am y cynllun llogi beic a phriffyrdd beicio Llundain.

• Cynlluniwr Taith Transport for London Opens new window

• Mapiau a llwybrau beicio – Transport for London Opens new window

• Cynllun llogi beic Llundain - Transport for London Opens new window

• Traffyrdd beicio Llundain – Transport for London Opens new window

Mae gan Ymgyrch Beicio Llundain hefyd lyfrgell o lwybrau beicio sy'n cynnwys Llundain i gyd.

• Mapiau beicio Camden – Ymgyrch Beicio Llundain Opens new window

Beicio yng nghefn gwlad

Gallwch fynd ar eich beic yng nghefn gwlad ar ffyrdd cyhoeddus, ar lwybrau arbennig ar gyfer beiciau ac ar draciau beicio. Bydd arwyddion traffig yn dangos i chi pa lwybrau sydd ar gael i feicwyr. Gallwch hefyd ddefnyddio llwybrau ceffylau, ond mae'n rhaid i chi ildio i bobl sy'n marchogaeth ac i gerddwyr. I gael rhagor o wybodaeth am lwybrau ceffylau a sut mae dod o hyd iddynt, ewch i 'Hawliau tramwy cyhoeddus'.

• Hawliau tramwy cyhoeddus (adran yr amgylchedd a byw'n wyrdd)

I ddod o hyd i lwybr beicio mewn fforest neu goedwig, defnyddiwch y gwasanaeth a gynigir ar wefan y Comisiwn Coedwigaeth.

• Dod o hyd i lwybr beicio mewn coedwig – Y Comisiwn Coedwigaeth Opens new window

Beicio ar hyd llwybrau tynnu ar lan camlesi

Os ydych chi'n bwriadu beicio ar hyd llwybr tynnu ar lan camlas, holwch a oes angen i chi arddangos trwydded ar eich beic. Gallwch weld pa gamlesi y mae angen i chi gael trwydded am ddim ar eu cyfer a llwytho trwydded i lawr oddi ar wefan Waterscape Dyfrffyrdd Prydain.

• trwydded beicio Dyfrffyrdd Prydain i lawr Opens new window

• Cyngor am feicio mewn ffordd ystyriol ar lwybrau tynnu – Waterscape Opens new window

Does dim angen trwydded arnoch i feicio ar lwybrau tynnu Llundain, ond mae'n rhaid i chi ddilyn cod ymddygiad llwybrau tynnu Llundain.

• Cod ymddygiad llwybrau tynnu Llundain Opens new window

Mynd â'ch beic ar drafnidiaeth gyhoeddus

Os oes arnoch eisiau mynd â'ch beic ar fws neu fws moethus, holwch y cwmni. Efallai y bydd angen i chi dynnu eich beic oddi wrth ei gilydd a rhoi gorchudd amdano.

Os ydych chi'n teithio ar drên gyda'ch beic, holwch y cwmni trên cyn prynu eich tocyn.

Mynd â beiciau sy'n plygu ar drenau

Cewch deithio gyda beic sy'n plygu ar bob gwasanaeth heb orfod wynebu cyfyngiadau. Efallai y bydd angen i chi roi gorchudd amdano ar rai gwasanaethau.

Mynd â beiciau safonol ar drenau

Nid yw nifer o gwmnïau trên yn caniatáu i chi deithio gyda beic safonol yn ystod oriau brig. Mae oriau brig yn gyffredinol rhwng 7.00 am a 10.00 am a rhwng 4.00 pm a 7.00 pm. Efallai y bydd angen i chi gadw lle ar gyfer eich beic ar ambell siwrnai.

I gael cyngor manwl am bob gwasanaeth trên a dolenni at fanylion cyswllt cwmnïau trên, ewch i wefan Ymholiadau National Rail.

• Mynd â'ch beic ar drên – Ymholiadau National Rail Opens new window

• Cwmnïau gweithredu trenau – Ymholiadau National Rail Opens new window

Teithio gyda beic yn Llundain

I gael cyngor ynghylch pryd y cewch deithio ar fysiau, ar drenau neu ar y tiwb yn Llundain, ewch i wefan Transport for London.

• Beiciau ar drafnidiaeth gyhoeddus – Transport for London Opens new window

Lonydd beicio a pharcio eich beic

Eich cyngor lleol sy'n gyfrifol am ddarparu a chynnal a chadw rhwydweithiau a lonydd beicio, megis arwyddion a stondinau cadw beiciau, yn eich ardal leol. Cysylltwch â'ch cyngor os hoffech gael gwybodaeth am stondinau neu lonydd beicio sydd ar gael ar hyn o bryd neu sydd yn yr arfaeth yn eich ardal.

• Dod o hyd i'ch cyngor lleol

Mwy o ddolenni defnyddiol

• Diogelwch ar gefn beic (adran rhieni)