Gwefan llywodraeth y DU

Yn y cartref - cyngor diogelwch cyffredinol

• nid yw gwelyau bync a gwelyau caban yn addas i blant o dan chwech oed - os oes gennych welyau bync neu welyau caban dysgwch eich plentyn i beidio â chwarae ar y bync uchaf byth
• defnyddiwch wydr diogelwch mewn drysau a ffenestri gwydr neu gorchuddiwch y cwarelau gyda haenen ddiogelwch neu gardbord - bydd hyn yn rhwystro plant rhag cael briw difrifol os byddant yn baglu neu'n syrthio i'r gwydr

• Cael gwybod mwy am wydr diogelwch a dod o hyd i gwmni gwydr Ffederasiwn Gwydr a Gwydro lleol Opens new window

Grisiau a chanllawiau grisiau

• pan fydd eich babi yn dechrau cropian, gosodwch giatiau diogelwch er mwyn eu rhwystro rhag dringo neu ddisgyn i lawr y grisiau
• mae damweiniau'n digwydd pan mae plant ifanc yn dringo dros neu drwy ganllawiau grisiau - os yw'r bylchau'n fwy na 6.5cm (2.5 modfedd), gorchuddiwch y bylchau gyda byrddau neu rwydi diogelwch
• gorchuddiwch unrhyw fylchau mewn rheiliau llorweddol gan ei bod yn hawdd dringo arnynt
• sicrhewch nad oes llanastr fel teganau neu ddillad ar y grisiau
• anogwch blant hŷn i beidio â chwarae ar y grisiau neu redeg i fyny ac i lawr arnynt

• Gwyliwch ‘Diogelwch yn y cartref’ ar YouTube Opens new window

Ffenestri

• gosodwch gloeon neu gliciedau diogelwch i rwystro ffenestri rhag agor mwy na 6.5 cm (2.5 modfedd) - dylai hyn atal plant rhag gallu gwasgu drwyddynt
• symudwch ddodrefn fel gwelyau a chadeiriau oddi wrth ffenestri er mwyn atal plant rhag eu dringo a disgyn oddi arnynt

Balconïau

• peidiwch â gadael i blant iau fynd ar falconïau oni bai eich bod chi gyda hwy
• dylech gloi drysau balconïau pan na fyddwch yn eu defnyddio
• er mwyn sicrhau bod plant yn ddiogel, dylai bod rhwystr o leiaf 110 cm (43 modfedd) o uchder o amgylch ymyl y balconi
• os yw'r bylchau rhwng y rheiliau syth ar falconi yn uwch na 6.5cm (2.5 modfedd), dylech eu gorchuddio

Y tu allan

• anogwch eich plant i beidio â dringo ar doeau neu fannau uchel eraill fel siediau a ffensys
• os ydych yn gadael i'ch plentyn chwarae yn y coed, sicrhewch fod y canghennau wedi'u tocio er mwyn eu rhwystro rhag dringo'n uwch na'r uchder y gallech eu codi i'w tynnu oddi arnynt yn hawdd
• rhowch offer chwarae (fel siglenni, sleidiau ac ati) ar rywbeth meddal fel gwair wedi'i ddyfrio'n dda neu fat - peidiwch â'u rhoi ar balmant, tarmac neu goncrit byth
• os bydd offer chwarae mewn parciau chwarae yn hen neu wedi'u difrodi - neu os nad ydynt ar arwyneb meddal, peidiwch â'u defnyddio
• anogwch blant i wisgo helmed seiclo wedi'i ffitio'n briodol pryd bynnag y byddant yn reidio beic - ar y ffordd ac oddi arni

• Mwy am ddiogelwch ar y ffordd ac ar feic

Babanod

Er nad yw babanod yn gallu symud llawer, maent yn dal i allu gwingo, cicio neu rowlio eu hunain i sefyllfaoedd peryglus. Dilynwch yr awgrymiadau hyn er mwyn helpu i'w cadw'n ddiogel:

• peidiwch â gadael babi ar ei ben ei hun ar unrhyw arwyneb uchel
• dylech newid babi ar y llawr bob amser er mwyn lleihau'r perygl iddo syrthio
• os yw eich babi mewn sedd car neu grud sy'n bownsio, rhowch nhw ar y llawr, ddim ar arwyneb uchel
• tynnwch deganau crud mawr o grud y babi unwaith y bydd yn gallu eistedd neu fynd ar ei bedwar, gan y gall babanod ddefnyddio teganau i ddringo o'r crud
• os byddwch yn cario babi i lawr y grisiau, cadwch un law yn rhydd bob amser i ddefnyddio'r canllaw grisiau rhag ofn i chi faglu neu golli eich cydbwysedd
• peidiwch byth â gadael i blentyn ifanc gario babi i lawr y grisiau
• pan fyddwch yn gosod babi yn ddiogel mewn cadair uchel, pram neu gadair wthio, defnyddiwch yr harnais pum pwynt (dau strap ysgwydd, dau strap clun a strap fforch)
• os ydych yn prynu harnais ar wahân, chwiliwch am un wedi'i wneud at Safon Brydeinig 6684
• defnyddiwch fframiau cerdded at Safon Brydeinig EN 1273:2005 yn unig - nid yw fframiau cerdded hŷn mor ddiogel
• peidiwch byth â gadael babi ar ei ben ei hun mewn ffrâm cerdded

• Cael gwybod mwy am Safonau Prydeinig Opens new window

Mewn argyfwng

Os yw eich plentyn yn anymwybodol ar ôl iddo syrthio:

• ffoniwch 999 ar unwaith a gofynnwch am ambiwlans
• rhowch wybod i'r gwasanaeth ambiwlans os yw eich plentyn yn anymwybodol ai peidio - byddant yn dweud wrthych beth i'w wneud tra'r ydych yn aros

Os daw eich plentyn yn ymwybodol tra'r ydych yn aros, dywedwch wrtho am aros mor llonydd â phosibl.

Cyrsiau cymorth cyntaf

Mae'n syniad da i bob rhiant a gofalwr ddysgu cymorth cyntaf. I gael rhagor o wybodaeth am gyrsiau cymorth cyntaf, cliciwch ar y dolenni isod.

• Y Groes Goch Brydeinig Opens new window

• Ambiwlans St John Opens new window

Ymddiriedolaeth Atal Damweiniau Plant

Darparwyd y wybodaeth ar y dudalen hon gan Ymddiriedolaeth Atal Damweiniau Plant. I gael mwy o wybodaeth ynghylch damweiniau plant ymwelwch â gwefan Wythnos Diogelwch Plant.

• Wythnos Diogelwch Plant Opens new window

• Gwefan Ymddiriedolaeth Atal Damweiniau Plant Opens new window

Cysylltiadau defnyddiol

• Cysylltiadau rhieni