Gwefan llywodraeth y DU

Asesiadau athrawon

Ar ddiwedd pob cyfnod allweddol, bydd athrawon yn asesu perfformiad eich plentyn yn ffurfiol i fesur eu cynnydd er mwyn iddynt wybod pa blant y mae’n bosib y bydd angen cymorth ychwanegol arnynt. Er enghraifft, ym mis Mehefin bydd plant ym mlwyddyn 1 yn sefyll gwiriad ffoneg. Dim ond ychydig funudau bydd hwn yn cymryd i gwblhau.

Ffoneg yw’r ffordd fwyaf effeithlon o ddysgu plant ifanc i ddarllen. Drwy ffoneg mae plant yn dysgu sut i adnabod sain pob llythyren, a’r seiniau y mae gwahanol gyfuniadau o lythrennau yn eu gwneud. Er enghraifft, “sh” neu “oo”, a chymysgu seiniau gyda’i gilydd o’r chwith i’r dde i wneud gair.

Wrth gwrs, bydd athro/athrawes eich plentyn yn asesu'r modd y mae eich plentyn yn dysgu yn anffurfiol ar adegau eraill, er mwyn cynllunio ar gyfer y dyfodol. Er enghraifft, mae'n bosib y byddan nhw'n gwrando ar eich plentyn yn darllen neu'n edrych ar waith mathemateg y mae wedi bod yn ei wneud. Bydd rhai ysgolion hefyd yn defnyddio profion dewisol i asesu cynnydd plant.

• Darllen mwy am wiriadau ffoneg yn ysgolion Opens new window

Lefelau y Cwricwlwm Cenedlaethol

Yn ystod Cyfnod Allweddol 1, 2 a 3 asesir y cynnydd yn y mwyafrif o bynciau'r Cwricwlwm Cenedlaethol yn erbyn wyth lefel. Ar ddiwedd Cyfnodau Allweddol 1, 2 a 3 bydd yr ysgol yn anfon adroddiad atoch yn dweud wrthych ar ba lefel y mae eich plentyn yn gweithio.

Yng Nghyfnod Allweddol 1, seilir y lefel ar asesiad yr athro, gan ystyried perfformiad eich plentyn mewn amryw o dasgau a phrofion.

Yng Nghyfnod Allweddol 2, bydd y lefel yn adlewyrchu asesiad yr athro a chanlyniadau'ch plentyn mewn profion cenedlaethol.

Yng Nghyfnod Allweddol 3, seilir y lefel ar asesiad yr athro.

I gael gwybod mwy am lefelau'r Cwricwlwm Cenedlaethol, edrychwch ar ‘Deall y Cwricwlwm Cenedlaethol’

• Deall y Cwricwlwm Cenedlaethol

Profion 'diwedd cyfnod allweddol'

Bydd eich plentyn yn cymryd profion cenedlaethol ar ddiwedd Cyfnod Allweddol 2. Bwriad y profion yw dangos a yw'ch plentyn yn gweithio ar yr un lefel, ar lefel uwch neu ar lefel is na'r lefel darged ar gyfer eu hoed.

Mae hyn yn helpu'r plentyn i gynllunio ar gyfer dysgu yn y dyfodol. Mae hefyd yn golygu bod ysgolion yn gallu gweld a ydyn nhw'n dysgu plant mewn ffordd effeithiol, drwy gymharu perfformiad eu disgyblion â'r canlyniadau cenedlaethol.

Asesiadau athrawon, tasgau a phrofion yng Nghyfnod Allweddol 1

Bydd asesiad yr athro/athrawes ar gyfer plant saith oed yn cynnwys y canlynol:

Mae'r asesiadau hyn yn ystyried perfformiad eich plentyn yn nhasgau Cyfnod Allweddol 1 ac yn y profion ar gyfer plant saith oed. Mae'r tasgau a'r profion yn delio â:

Gellir cynnal y tasgau a'r profion unrhyw bryd, fel y dymuna'r ysgol. Ni fyddant yn para mwy na thair awr gyda'i gilydd. Ni cheir adroddiad ar y canlyniadau ar wahân ond fe'u defnyddir i helpu'r athrawon asesu gwaith eich plentyn. Erbyn iddynt gyrraedd saith oed, disgwylir i'r rhan fwyaf o blant gyrraedd lefel 2.

Bydd eich awdurdod lleol yn cysoni asesiadau athrawon. Pwrpas hyn yw sicrhau bod asesiadau'r athrawon o waith y plant yn gyson.

Profion ac asesiad athrawon yng Nghyfnod Allweddol 2

Ym Mhrofion Cyfnod Allweddol 2 ar gyfer plant 11 oed, profir y canlynol:

Cynhelir y profion hyn ar ddiwrnodau penodol yng nghanol mis Mai, ac ni threulir mwy na phum awr a hanner i gyd ar y rhain.

Bydd asesiad yr athro/athrawes yn cynnwys:

Erbyn iddynt gyrraedd 11 oed, disgwylir i'r rhan fwyaf o blant gyrraedd lefel 4.

• Y Cwricwlwm Cenedlaethol i blant rhwng pump ac 11 oed

• Datblygu sgiliau mathemateg plant rhwng pump ac 11 oed

• Datblygu sgiliau darllen, ysgrifennu a sillafu plant rhwng pump ac 11 oed

Asesiadau athrawon yng Nghyfnod Allweddol 3

Bydd asesiad yr athro/athrawes ar gyfer plant 14 oed yn cynnwys y canlynol:

• Saesneg
• mathemateg
• gwyddoniaeth
• hanes
• daearyddiaeth
• ieithoedd tramor modern
• dylunio a thechnoleg
• Technoleg Gwybodaeth a Chyfathrebu (TGCh)
• celf a dylunio
• cerddoriaeth
• addysg gorfforol
• dinasyddiaeth
• addysg grefyddol

Erbyn iddynt gyrraedd 14 oed, disgwylir i'r rhan fwyaf o blant gyrraedd lefel 5.

• Y Cwricwlwm Cenedlaethol ar gyfer pobl ifanc 11 i 16 oed

• Helpu eich plentyn sydd rhwng 11 ac 14 oed i ddysgu

Adroddiad ysgol eich plentyn

Mae'n bosib y bydd canlyniadau'r profion ac asesiadau'r athrawon yn wahanol, ac mae'n bwysig edrych ar y ddau er mwyn cael golwg gyflawn ar gynnydd eich plentyn. Er enghraifft, mae'n bosib bod athro/athrawes yn teimlo bod eich plentyn yn gwneud yn well mewn pwnc drwyddo draw nag y mae yng ngwahanol elfennau'r pwnc a brofir mewn prawf.

Ar ddiwedd pob cyfnod allweddol, byddwch yn cael adroddiad gan yr ysgol yn dweud wrthych:

Mwy o ddolenni defnyddiol

• Darllen gwybodaeth fanylach am y Cwricwlwm Cenedlaethol Opens new window

• Cael gwybod mwy am y cwricwlwm a chymwysterau Opens new window

• Darllen arweiniad i rieni am y cwricwlwm cynradd Opens new window

• Siarad â rhieni a gofalwyr eraill am addysg gynradd (Mumset) Opens new window

• Siarad â rhieni a gofalwyr eraill am addysg uwchradd (Mumset) Opens new window

Cysylltiadau defnyddiol

• Cysylltiadau rhieni