Gwefan llywodraeth y DU

Gwirio’r enw a’r cyfeiriad

Mae angen gwirio'r enw a'r cyfeiriad ar bob cais V55/4 a V55/5 sy'n un o'r canlynol:

Delwyr ceir

Bydd delwyr ceir sy'n meddu ar drwydded lawn i gynhyrchu platiau masnachwyr yn gwirio enwau a chyfeiriadau a darparu manylion y cais trosglwyddo neu aseinio wrth gofrestru’r cerbyd.

Bydd delwyr ceir sydd heb trwydded lawn i gynhychu platiau masnachwyr yn cynnwys yr holl ddogfennau perthnasol sy'n cadarnhau enw a chyfeiriad yr ymgeisydd sydd eu hangen i drethu a chofrestru'r cerbyd. Ym mhob achos, bydd y dogfennau adnabod yn cael eu dychwelyd syth atoch chi.

Ni fydd unrhyw gais nad yw'n cynnwys y dogfennau perthnasol yn cael ei brosesu a chaiff ei ddychwelyd atoch gan y swyddfa DVLA leol.

Dogfennau sydd eu hangen

Mae'n rhaid cynnwys naill ai eich trwydded yrru cerdyn-llun DVLA neu un ddogfen wreiddiol o bob un o'r rhestri isod wrth gyflwyno'ch cais. Ni dderbynnir copïau.

Dogfen i gadarnhau eich enw

• trwydded yrru bapur gyfredol DVLA
• pasport y DU, yr Undeb Ewropeaidd neu dramor
• tystysgrif briodas
• dyfarniad nisi neu absoliwt
• tystysgrif geni

Dogfennau i gadarnhau eich cyfeiriad

• bil gwasanaeth - nwy, trydan, dŵr, ffôn cartref - o fewn y tri mis diwethaf ac yn dangos y cyfeiriad presennol
• datganiad banc neu gymdeithas adeiladu - o fewn y tri mis diwethaf ac yn dangos y cyfeiriad presennol
• cerdyn meddygol
• bil treth gyngor ar gyfer y flwyddyn hon

Ceisiadau gan gwmnïau ceir fflyd a cheir cwmni

Bydd rhaid i ymgeiswyr ddarparu dwy ddogfen o blith y rhestr ganlynol gydag un o'r rheini'n dangos eu cyfeiriad ar y pryd:

Yr unig dystiolaeth fydd yn dderbyniol ar ei phen ei hun fydd trwydded platiau masnachwyr a ddarperir gan y DVLA (neu rif trwydded masnachwyr).

• tystysgrif gofrestru tŷ'r cwmnïau (â sêl arni)
• tystysgrif gofrestru TAW
• bil cwmni gwasanaethau - o fewn y 3 mis diwethaf ac yn dangos y cyfeiriad presennol
• bil treth gyngor cwmni
• datganiad banc neu gymdeithas adeiladu - o fewn y tri mis diwethaf ac yn dangos y cyfeiriad presennol
• tystysgrif yswiriant cwmni
• llythyr gan Gyllid y Wlad yn dangos manylion y cwmni a chyfeirnod treth
• cyfriflen morgais cwmni
• cytundeb prydlesu eiddo
• llythyr cyfreithiwr ynghylch trawsgludo eiddo
• trwydded credyd defnyddwyr

Ceisiadau drwy'r post

Gellir gwneud cais drwy'r post drwy anfon y cais am drosglwyddo neu aseinio rhif arbennig a'r ffurflenni V55/4 neu V55/5 i'ch swyddfa DVLA leol. Dylech sicrhau eich bod yn cynnwys dogfen(nau) yn cadarnhau eich enw a'ch cyfeiriad, y dogfennau angenrheidiol i drethu a chofrestru'ch cerbyd, e.e. tystysgrif yswiriant, tystysgrif MOT, taliad priodol am ddisg dreth cerbyd.

Dychwelyd eich dogfennau adnabod

Gan amlaf, bydd eich dogfennau yn cael eu dychwelyd gyda disg dreth eich cerbyd. Os hoffech chi i'r DVLA ddychwelyd eich dogfennau drwy wasanaeth danfon arbennig, rhaid i chi ddarparu amlen gwasanaeth danfon arbennig gyda'ch enw a'ch cyfeiriad arni a honno wedi'i thalu amdani'n barod. Ni all DVLA warantu y byddwn yn anfon eich dogfennau yn ôl atoch erbyn dyddiad neu ddigwyddiad arbennig (er enghraifft, gwyliau).

Os na dderbynnir dogfennau adnabod yn ôl

Os na fyddwch yn cysylltu â ni o fewn tri mis i ddyddiad eich cais, ni fydd y DVLA yn gallu ymchwilio i'r sefyllfa yn y swyddfa DVLA leol na gyda'r Post Brenhinol. Ni fydd y DVLA yn atebol am unrhyw hawliad a wneir ar ôl y cyfnod o dri mis.