Gwefan llywodraeth y DU

Sgrapio eich cerbyd

Rhaid i chi fynd â’ch cerbyd i gyfleuster trin cymeradwy, lle gwneir yn siŵr ei fod yn cael ei ddatgymalu mewn modd sy’n gyfeillgar â’r amgylchedd.

Gallwch chi fynd â’r cerbydau canlynol:

• ceir
• faniau ysgafn
• cerbydau modur tair olwyn - ac eithrio beiciau modur tair olwyn

Cyfleusterau trin awdurdodedig

Os bydd y cyfleuster yn cytuno i gymryd eich cerbyd, byddwch chi’n cael Tystysgrif Dinistrio ganddynt ar unwaith. Byddant hefyd yn dweud wrth DVLA nad chi sy’n gyfrifol am y cerbyd bellach. Cadwch y dystysgrif fel prawf bod y cerbyd wedi cael ei ddinistrio ac nad chi sy’n gyfrifol amdano bellach.

Os oes gennych chi gerbyd ar wahân i’r rheini sydd wedi’i rhestru eisoes, bydd dal yn rhaid i chi fynd â’ch cerbyd i gyfleuster trin awdurdodedig er mwyn sicrhau ei fod yn cael ei ddinistrio yn unol â safonau amgylcheddol. Byddant yn trefnu i gofnod y cerbyd yn DVLA gael ei ddiweddaru â Hysbysiad Dinistrio.

• Dod o hyd i'ch cyfleuster trin awdurdodedig agosaf Opens new window

Dweud wrth DVLA nad yw’r cerbyd gennych mwyach

Os na chewch chi Dystysgrif Dinistrio, neu os nad yw’ch cerbyd yn cael ei ddinistrio, dylech lenwi adran V5C/3 ‘Hysbysiad gwerthu neu drosglwyddo’ eich tystysgrif cofrestru cerbyd (V5C), a’i hanfon i DVLA, Abertawe, SA99 1BD.

Dylech chi gael llythyr yn cadarnhau nad chi sy’n gyfrifol am y cerbyd bellach. Os na chewch chi’r llythyr hwn cyn pen pedair wythnos, ffoniwch 0300 790 6802 i gael rhagor o gyngor. Gall defnyddwyr ffôn testun ffonio 0300 123 1279.

Os ydych chi wedi datgymalu’r cerbyd eich hun, mae’n rhaid i chi naill ai barhau i’w drethu neu roi gwybod i DVLA eich bod chi’n ei gadw oddi ar y ffordd gyhoeddus. Gallwch wneud hyn drwy wneud datganiad HOS (Hysbysiad Oddi-ar-y-Ffordd Statudol). Bydd rhaid i chi wneud datganiad HOS pob blwyddyn nes eich bod chi wedi mynd â’ch cerbyd i gyfleuster trin awdurdodedig, neu wedi rhoi gwybod i DVLA eich bod wedi cael gwared arno.

I gael rhagor o wybodaeth ynghylch HOS, dilynwch y ddolen isod.

• Pryd i gyflwyno HOS (Hysbysiad Oddi-ar-y-Ffordd Statudol)

Rhif cofrestru personol ar eich cerbyd

Bydd angen i chi drosglwyddo neu gadw eich rhif cofrestru personol cyn i chi cael waredu’r cerbyd. Os na wnewch chi hynny, byddwch chi’n colli eich hawl i'r rhif cofrestru.

Dywedwch wrth eich cwmni yswiriant am beidio â gwaredu’r cerbyd nes bydd y cais am drosglwyddo neu gadw’r rhif cofrestru wedi’i gwblhau. Gofynnwch iddynt wneud yn siŵr bod y cerbyd ar gael i’w archwilio.

Bydd angen i chi gael y canlynol hefyd:

• llythyr o ddim diddordeb gan y cwmni yswiriant yn cadarnhau eu bod yn fodlon i chi drosglwyddo neu gadw rhif cofrestru’r cerbyd
• copi o adroddiad y peiriannydd yn cadarnhau manylion y cerbyd

• Platiau a rhifau cofrestru personol

Yswiriant trydydd parti ar eich cerbyd

Os yw’ch cerbyd wedi cael ei ddifrodi mewn damwain, os bydd yn costio mwy na gwerth y cerbyd ei hun i’w drwsio, ac os nad ydych chi am gadw’r cerbyd, rhaid i chi ddweud wrth DVLA. Anfonwch eich tystysgrif cofrestru yn ôl, gan esbonio’r newidiadau angenrheidiol, i DVLA, Abertawe, SA99 1BR.

Dylech chi gael llythyr yn cadarnhau nad chi sy’n gyfrifol am y cerbyd bellach. Os na chewch chi’r llythyr hwn cyn pen pedair wythnos, ffoniwch 0300 790 6802 i gael rhagor o gyngor. Gall defnyddwyr ffôn testun ffonio 0300 123 1279.

Taliad colled gyflawn am eich cerbyd

Os yw eich cwmni yswiriant yn penderfynu bod eich cerbyd y tu hwnt i'w adfer, rhaid i chi roi'r cerbyd iddynt yn gyfnewid am daliad colled gyflawn.

Bydd angen i chi wneud y canlynol:

• llenwi adran V5C/3, ‘Hysbysiad gwerthu neu drosglwyddo’, ar eich tystysgrif cofrestru a’i hanfon i DVLA, Abertawe, SA99 1BD.
• rhoi gweddill y dystysgrif cofrestru i’r cwmni yswiriant

Efallai y bydd eich cwmni yswiriant yn gofyn i chi am y dystysgrif cofrestru i gyd, ac yna’n ei llenwi ar eich rhan a’i hanfon i DVLA.

Os bydd hyn yn digwydd, ysgrifennwch at DVLA i wneud yn siŵr bod eich enw’n cael ei dynnu o’r cofnod. Rhowch y dyddiad y trosglwyddwyd y cerbyd i’r cwmni yswiriant, ynghyd ag enw a chyfeiriad y cwmni, a’i anfon i DVLA, Abertawe, SA99 1BR.

Os nad yw’ch cerbyd wedi cael ei sgrapio, ac os byddwch chi’n dewis cadw’r hyn sydd wedi’i adfer, dylai’r V5C fod yn eich meddiant.

Hefyd, efallai y bydd angen cynnal Archwiliad Adnabod Cerbyd ar eich cerbyd cyn y bydd modd ei ddefnyddio ar y ffordd eto.

• Archwiliad Adnabod Cerbyd

Mwy o ddolenni defnyddiol

• Sut mae cael archwiliad adnabod cerbyd