Gwefan llywodraeth y DU

Drwy'r post

Bydd angen i chi gwblhau 'Cais am drwydded yrru' (D1). Mae'r ffurflen hon ar gael gan wasanaeth archebu ffurflenni'r Asiantaeth Trwyddedu Gyrwyr a Cherbydau (DVLA) neu mewn rhai canghennau o Swyddfa'r Post®.

• Gwasanaeth archebu ffurflenni DVLA Opens new window

Deiliad trwydded yrru cerdyn-llun

Bydd angen i chi amgáu’r canlynol:

• eich trwydded yrru cerdyn-llun, y rhan bapur a'r ffi briodol
• dogfen(nau) adnabod gwreiddiol os yw eich enw presennol yn wahanol i'r enw ar eich trwydded yrru

Deiliad trwydded yrru bapur

Bydd angen i chi amgáu’r canlynol:

• llun pasbort, eich trwydded yrru bapur a'r ffi briodol
• dogfennaeth wreiddiol sy'n cadarnhau pwy ydych chi, neu gallwch gytuno i DVLA gadarnhau pwy ydych chi gyda'r Gwasanaeth Hunaniaeth a Phasbortau (IPS), os oes gennych chi basbort digidol

Anfonwch eich cais, gan gynnwys unrhyw ddogfennau sydd eu hangen, i DVLA, Abertawe SA99 1BU.

Gwasanaeth Gwirio Premiwm

Gallwch gyfnewid eich trwydded yrru bapur am drwydded yrru cerdyn-llun drwy ddefnyddio'r Gwasanaeth Gwirio Premiwm sydd ar gael mewn rhai canghennau o Swyddfa'r Post® neu Swyddfeydd Lleol DVLA.

• Gwasanaeth gwirio premiwm

Trwyddedau gyrru ar-lein

Bydd unrhyw gais a wnewch am drwydded yrru newydd yn dileu ardystiadau sydd wedi dod i ben yn awtomatig o'ch trwydded yrru.

Gallwch wneud y ceisiadau canlynol ar-lein a byddant yn dileu eich ardystiadau sydd wedi dod i ben:

• newid manylion eich cyfeiriad
• newid y llun ar eich trwydded yrru
• adnewyddu eich trwydded yrru os yw ar goll, wedi'i dwyn, ei difetha neu ei dinistrio
• cyfnewid eich trwydded yrru bapur am drwydded yrru cerdyn-llun
  

• Trwyddedau gyrru ar-lein