Gwefan llywodraeth y DU

‘Dyddiad cau’ Treth Etifeddu ar ôl marwolaeth

Y dyddiad cau ar gyfer Treth Etifeddu yw chwe mis ar ôl diwedd y mis pan fu farw'r unigolyn (gweler y tabl isod).

Rhaid i chi dalu Treth Etifeddu cyn y cewch chi'r grant profiant (neu gadarnhad yn yr Alban).

Talu Treth Etifeddu mewn rhandaliadau

Os ydych chi’n talu Treth Etifeddu mewn rhandaliadau, mae’r rhandaliad cyntaf yn ddyledus chwe mis ar ôl y farwolaeth ar y dyddiad cau a ddangosir uchod (gweler y tabl). Mae’r ail randaliad yn ddyledus 12 mis ar ôl hynny.

• Talu Treth Etifeddu mewn rhandaliadau blynyddol

Talu Treth Etifeddu ar rodd

Os bydd rhywun yn rhoi rhodd i chi ac yna'n marw o fewn saith mlynedd – ac os oes angen talu Treth Etifeddu ar y rhodd – mae’r taliad ar y rhodd yn ddyledus o fewn chwe mis i’r farwolaeth ar y dyddiad cau a ddangosir uchod (gweler y tabl).

• Pryd mae'n rhaid talu Treth Etifeddu ar rodd?

‘Dyddiadau cau’ Treth Etifeddu – ymddiriedolaeth

Os yw gwerth yr asedau a drosglwyddir yn fwy na’r trothwy ar gyfer Treth Etifeddu (£325,000 ym mlwyddyn dreth 2012-13), efallai y bydd angen talu Treth Etifeddu:

• ar asedau a drosglwyddir i ymddiriedolaeth
• ar asedau a drosglwyddir o ymddiriedolaeth
• bob deng mlynedd ar ôl trosglwyddo’r asedau gwreiddiol i ymddiriedolaeth

Mae’r dyddiad cau yn dibynnu ar pryd y trosglwyddir yr asedau:

• ar gyfer asedau a drosglwyddir rhwng 5 Ebrill a 1 Hydref, 30 Ebrill y flwyddyn ganlynol yw’r dyddiad cau
• ar gyfer unrhyw drosglwyddiad arall, y dyddiad cau yw chwe mis o ddiwedd y mis pan wnaed y trosglwyddiad
  

• Ymddiriedolaethau a Threth Etifeddu

Beth fydd yn digwydd os na fyddwch yn talu erbyn y dyddiad cau?

Os na fyddwch yn talu'r holl Dreth Etifeddu erbyn y dyddiad cau, bydd Cyllid a Thollau EM yn codi llog ar y swm sy'n weddill beth bynnag fo'ch rheswm dros beidio â thalu erbyn y dyddiad cau.

• Llog ar Dreth Etifeddu – sut a phryd y codir llog

• Talu Treth Etifeddu mewn rhandaliadau blynyddol

Taliadau cosb

Os oes Treth Etifeddu yn ddyledus, mae gennych 12 mis o ddiwedd y mis pan fu’r unigolyn farw i gyflwyno cyfrif Treth Etifeddu llawn – mae hyn yn cynnwys ffurflen IHT400, ac unrhyw bapurau a thudalennau ategol sy’n berthnasol i’r broses profiant (neu gadarnhad yn yr Alban).

Oni bai fod gennych esgus rhesymol dros beidio â chyflwyno cyfrif llawn a chywir o fewn 12 mis, efallai y bydd yn rhaid i chi dalu dirwy, yn ychwanegol at unrhyw log sy'n ddyledus gennych.

• Dirwyon cosb a beth sy'n cael ei dderbyn fel esgus rhesymol Opens new window

Angen rhagor o help?

• Cysylltu â'r Llinell Gymorth Profiant a Threth Etifeddu

Mwy o ddolenni defnyddiol

• Sut mae talu Treth Etifeddu Opens new window

Cysylltiadau defnyddiol

• Llinell Gymorth Profiant a Threth Etifeddu