Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Gwener, 5 Hydref 2012

dolenni i dudalennau eraill yn yr adran hon

Arian, treth a budd-daliadau

Credydau treth ar gyfer cyfnodau byr o ofal plant

Os nad ydych fel arfer yn talu am ofal plant, efallai y bydd angen i chi wneud hynny o bryd i'w gilydd o hyd. Er enghraifft, os na fyddwch yn gallu cael amser i ffwrdd o'r gwaith yn ystod gwyliau'r haf. Mynnwch wybod sut mae help am gyfnodau byr o ofal plant yn gweithio, a sut i wneud cais amdano.

Cyfnodau byr o ofal plant - sut y caiff eich credydau treth ychwanegol eu cyfrifo

Gallwch wneud cais am help gyda'ch costau gofal plant ar gyfer y cyfnod byr y mae angen gofal plant arnoch yn unig. Mae hyn yn golygu y caiff eich credydau treth ychwanegol eu cyfrifo a'u talu dros y cyfnod rydych yn defnyddio'r gofal.

Er mwyn i hyn ddigwydd, mae angen i bob un o'r canlynol fod yn wir:

dim ond o bryd i'w gilydd rydych yn defnyddio gofal plant - er enghraifft dim ond yn ystod gwyliau'r haf neu mewn argyfwng
mae eich gofal plant am gyfnod penodol - hynny yw, rydych yn gwybod pryd y bydd yn dechrau ac yn gorffen
rydych yn defnyddio gofal plant cofrestredig neu gymeradwy

Fel arall, caiff yr help ar gyfer eich gofal plant ei gyfrifo a'i dalu dros 52 wythnos.

Sut i wneud cais - os yw credydau treth yn newydd i chi

Er mwyn gwneud cais, bydd angen i chi wneud y canlynol:

cael ffurflen gais gan y Llinell Gymorth Credyd Treth
unwaith y byddwch wedi cael eich ffurflen gais, ei chwblhau - ond gan hepgor manylion eich gofal plant
anfon y ffurflen gais yn ôl i'r Swyddfa Credyd Treth

Wedyn gwnewch un o'r canlynol:

os ydych yn talu am y gofal plant nawr - caniatewch amser i'ch ffurflen ddod i law, wedyn ffoniwch y Llinell Gymorth Credyd Treth i hawlio am y cyfnod byr o ofal plant
os nad ydych yn talu am y gofal plant eto - ffoniwch y Llinell Gymorth Credyd Treth, ond peidiwch â gwneud hynny'n gynt na saith diwrnod cyn i'ch gofal plant ddechrau

Sicrhewch fod gennych y wybodaeth ganlynol wrth law cyn ffonio:

dyddiad dechrau a gorffen y gofal plant
y costau gofal plant gwirioneddol rydych yn eu talu yn ystod y cyfnod byr
manylion eich darparwr gofal plant - ei enw, ei gyfeiriad, ei rif ffôn, ei rif cofrestru neu gymeradwyo gofal plant (bydd eich darparwr gofal plant yn gallu rhoi'r wybodaeth hon i chi)

Manylion cyswllt ar gyfer y Llinell Gymorth Credyd Treth

Sut i wneud cais - os ydych eisoes yn cael credydau treth

Bydd angen i chi gysylltu â'r Llinell Gymorth Credyd Treth cyn gynted â bod eich gofal plant yn dechrau neu hyd at saith diwrnod ymlaen llaw.

Sicrhewch fod gennych y wybodaeth ganlynol wrth law pan fyddwch yn ffonio:

dyddiad dechrau a gorffen y gofal plant
y costau gofal plant gwirioneddol rydych yn eu talu yn ystod y cyfnod byr
manylion eich darparwr gofal plant - ei enw, ei gyfeiriad, ei rif ffôn, ei rif cofrestru neu gymeradwyo gofal plant (bydd eich darparwr gofal plant yn gallu rhoi'r wybodaeth hon i chi)