Gwefan llywodraeth y DU

A yw Budd-dal Plant yn effeithio ar eich credydau treth?

Nid yw Budd-dal Plant yn cael ei ystyried fel incwm os ydych yn gwneud cais am gredydau treth.

A yw Budd-dal Plant yn effeithio ar eich budd-daliadau eraill?

Nid yw Budd-dal Plant yn cael ei ystyried fel incwm ar gyfer budd-daliadau eraill.

Os ydych chi’n hawlio Budd-dal Tai neu Fudd-dal Treth Cyngor

Os ydych chi'n cael Budd-dal Tai neu Fudd-dal Treth Cyngor, ni fydd eich Budd-dal Plant yn cael ei ystyried fel incwm. Ond bydd angen i’r swyddfa sy’n delio â’ch budd-dal wybod eich bod yn cael Budd-dal Plant er mwyn iddynt allu cyfrifo faint i’w dalu i chi.

Hawlio Budd-dal Tai neu Fudd-dal Treth Cyngor am y tro cyntaf

Pan fyddwch yn hawlio’r rhain am y tro cyntaf, byddant yn gofyn faint o blant rydych chi'n gofalu amdanynt ac a ydych chi'n cael Budd-dal Plant ar eu cyfer. Bydd hyn yn helpu'r swyddfa sy'n delio â'ch Budd-dal Tai neu Fudd-dal Treth Cyngor i gyfrifo faint i’w dalu i chi.

Weithiau, efallai y byddant yn gofyn i chi ddangos prawf o'ch Budd-dal Plant. Gallai hyn ddigwydd oherwydd bod ansicrwydd ynghylch ble mae’ch plentyn yn byw fel arfer, neu a yw'ch plentyn yn hŷn nag 16 oed.

Os ydych eisoes yn cael Budd-dal Tai neu Fudd-dal Treth Cyngor

Os byddwch chi’n dechrau cael Budd-dal Plant am y tro cyntaf, rhowch wybod i’r swyddfa sy'n talu eich budd-dal. Er enghraifft, pan fyddwch yn cael eich plentyn cyntaf. Efallai y bydd hynny'n gwneud gwahaniaeth i faint o fudd-dal gewch chi.

Mae angen i chi hefyd ddweud wrthynt os bydd eich Budd-dal Plant yn newid neu'n dod i ben. Er enghraifft, os byddwch yn cael plentyn arall neu os bydd eich plentyn yn gadael cartref neu'n gadael yr ysgol neu'r coleg.

Manylion cyswllt ar gyfer Budd-dal Tai a Budd-dal Treth Cyngor

Os ydych yng Nghymru, Lloegr neu'r Alban

I gael gwybod pa newidiadau sy’n effeithio ar eich Budd-dal Tai neu’ch Budd-dal Treth Cyngor, cysylltwch â'ch Cyngor lleol.

• Dod o hyd i'ch cyngor lleol

Os ydych chi yng Ngogledd Iwerddon

I gael gwybod pa newidiadau sy’n effeithio ar eich Budd-dal Tai:

• cysylltwch â Gweithrediaeth Dai Gogledd Iwerddon (tenantiaid)
• cysylltwch a’r Gwasanaethau Tir ac Eiddo (perchen-feddiannwyr)

• Dod o hyd i fanylion cyswllt ar wefan Gweithrediaeth Dai Gogledd Iwerddon Opens new window

• Dod o hyd i fanylion cyswllt ar wefan y Gwasanaethau Tir ac Eiddo Opens new window

Mwy o ddolenni defnyddiol

• Credydau treth a budd-daliadau eraill

• Budd-dal Tai

• Budd-dal Treth Cyngor

• Budd-dal Plant – budd-daliadau eraill y gallech fod yn gymwys i’w cael Opens new window

Cysylltiadau defnyddiol

• Cysylltiadau arian, treth a budd-daliadau