Gwefan llywodraeth y DU

Debyd uniongyrchol
Mae talu drwy ddebyd uniongyrchol yn rhoi'r awdurdod i'ch cyngor hawlio taliadau o'ch cyfrif banc. Bydd angen i chi lenwi ffurflen debyd uniongyrchol, sydd ar gael gan eich cyngor ac yna'i dychwelyd atynt. Bydd debydau uniongyrchol yn parhau nes y byddwch yn dweud wrth eich banc am roi'r gorau i wneud y taliadau. Os bydd eich taliad yn cynyddu, gall eich cyngor gynyddu'r swm y byddwch yn ei dalu hefyd ar yr amod eu bod wedi rhoi gwybod i chi.

Archeb sefydlog

Mae archeb sefydlog yn rhoi cyfarwyddyd i'ch banc dalu symiau penodol o arian i'ch cyngor. I drefnu archeb sefydlog, rhaid i chi ddweud wrth eich banc faint i'w dalu i'r cyngor, ar ba ddyddiadau, gan roi rhif cyfeirnod eich Treth Cyngor i'ch banc. Bydd angen i chi adnewyddu eich archeb sefydlog bob blwyddyn gan y bydd swm y rhandaliadau a'r rhif cyfeirnod yn newid yn fwy na thebyg.

Ar-lein ac e-filio

Mae llawer o gynghorau yn derbyn taliadau ar-lein, ac yn cynnig gwasanaeth electronig neu wasanaeth e-filio. Bydd y dolenni isod yn gofyn i chi roi manylion eich cyfeiriad ac yna'n mynd â chi at wefan eich awdurdod lleol lle gallwch gael mwy o wybodaeth.

Drwy'r post

Os ydych am dalu drwy'r post, anfonwch eich taliad i'r cyfeiriad a ddangosir ar eich bil. Bydd eich bil yn nodi i bwy i wneud y siec neu'r archeb bost yn daladwy. Dylech ysgrifennu eich enw llawn, cyfeiriad a rhif cyfeirnod eich Treth Cyngor ar gefn y siec pan fyddwch yn ei hanfon. Peidiwch ag anfon arian parod drwy'r post gan nad yw'n ffordd ddiogel o dalu.

Dros y ffôn

Efallai y gallwch dalu dros y ffôn, ac mae gan lawer o gynghorau wasanaeth ffôn rhyngweithiol.

Yn bersonol

Efallai y bydd eich cyngor yn derbyn taliadau gennych yn bersonol. Byddant yn rhoi manylion lle gallwch fynd i dalu eich bil. Cofiwch fynd â'ch bil gyda chi.

Ffyrdd eraill

Mae dulliau eraill o dalu yn cynnwys 'Paypoint' neu 'Quickcards' ar gyfer taliadau arian parod mewn swyddfeydd post, banciau, archfarchnadoedd, a siopau hwylus.