Gwefan llywodraeth y DU

Lleihau eich bil Treth Cyngor

Efallai y gallwch leihau eich bil:

• os yw'r eiddo yn wag
• os dim ond un oedolyn sy'n byw yno
• os ydych chi'n anabl
• os ydych chi'n fyfyriwr
• os ydych chi'n fyfyriwr nyrsio

Os ydych chi ar incwm isel, mae'n bosib y byddwch yn gymwys i gael Budd-dal Treth Cyngor.

Mae'r bil Treth Cyngor llawn yn seiliedig ar o leiaf ddau oedolyn yn byw mewn cartref. Os mai dim ond un oedolyn sy'n byw mewn cartref (fel eu prif gartref), mae Treth y Cyngor yn gostwng 25 y cant. Nid yw'r bil yn codi os oes mwy na dau oedolyn yn y cartref.

Ni fydd rhai pobl yn cael eu cyfrif wrth gyfrifo faint o oedolion sy'n byw yn eich cartref. Os nad yw'r eiddo yn brif gartref i'r bobl sy'n byw yno, efallai y ceir gostyngiad.

Drwy ddilyn y ddolen isod, gallwch gael rhagor o wybodaeth ynghylch gostyngiadau a phobl nad ydynt yn cael eu hystyried mewn asesiad Treth Cyngor yn adran 10 i 13 y daflen 'Treth Cyngor - arweiniad i'ch bil'.

Efallai y bydd ambell annedd hefyd, wedi'i heithrio rhag Treth Cyngor. Gallwch ddarllen y manylion am ba fath o anheddau sydd wedi'u heithrio yn adrannau 14 i 17 y daflen 'Treth Cyngor - arweiniad i'ch bil'.

• Cael gwybod mwy am ostyngiadau ar y Dreth Gyngor Opens new window

• Gwneud cais am ostyngiad ar y Dreth Gyngor Opens new window

• Treth Cyngor - arweiniad i'ch bil (dogfen PDF, 155K) Opens new window

• Cymorth gyda ffeiliau PDF

Eithriadau rhag talu Treth Cyngor

Efallai y bydd rhai anheddau wedi'u heithrio rhag talu treth cyngor.

Gallwch ddarllen y manylion am ba fath o anheddau sydd wedi'u heithrio yn adrannau 14 i 17 y daflen 'Treth Cyngor - arweiniad i'ch bil'.

Defnyddiwch y dolenni isod i ganfod a ydych yn gymwys i gael gostyngiadau, eithriadau neu gymorth ariannol wrth dalu Treth Cyngor, ac er mwyn gwneud cais ar-lein. Bydd y dudalen a gyrhaeddwch yn gofyn i chi roi manylion ble'r ydych yn byw ac yna'n mynd â chi at wefan eich cyngor lleol lle gallwch gael rhagor o wybodaeth.

• Gwneud cais am ostyngiad Treth Cyngor Opens new window

Cynllun gostwng band ar gyfer anabledd

Os ydych chi'n anabl a bod angen mwy o le arnoch, bydd y cynllun gostwng band ar gyfer anabledd yn eich helpu i gael gostyngiad ar eich Treth Cyngor. Ar ôl i chi gael y gostyngiad, bydd yn costio'r un fath â phetaech yn y band Treth Cyngor nesaf i lawr.

• Dod o hyd i'r band Treth Gyngor ar gyfer eich eiddo Opens new window

• Dysgu mwy am ostwng y band Treth Cyngor Opens new window

• Mwy am ostwng y Dreth Gyngor i bobl anabl (adran pobl anabl)

Cael cymorth ariannol - Budd-dal Treth Cyngor ac Ad-daliad Ail Oedolyn

Os ydych ar incwm isel, neu'n byw gydag oedolyn arall (nid eich partner) sydd ar incwm isel, efallai y gallwch hawlio y Budd-dal Treth Cyngor neu'r Ad-daliad Ail Oedolyn. Gyda'r rhain bydd rhywfaint neu'r cyfan o'ch Treth Cyngor yn cael ei dalu ar eich rhan.

Defnyddiwch y ddolen isod i gael mwy o wybodaeth.

• Taflen ffeithiau Budd-dal y Dreth Gyngor