Gwefan llywodraeth y DU

Y gyfraith, cyhoeddiadau ac adroddiadau

Cyfraith y DU

Mae Cronfa Ddata Cyfraith Statud y DU yn gronfa ddata o gyfraith statudol y Deyrnas Unedig ar y we. Fe'i darperir gan y Weinyddiaeth Gyfiawnder. Mae'n cynnwys copïau o'r holl ddeddfwriaeth statudol bresennol ('cyfredol'). Dangosir y Deddfau hynny sydd wedi eu diddymu'n rhannol yn eu ffurf gweithredol cyfredol - gall hyn fod cyn lleied ag un neu ddwy adran. Ni ddangosir adrannau a ddiddymwyd, na Deddfau a ddiddymwyd yn llwyr, ar y wefan.

• Cronfa Ddata Cyfraith Statud y DU Opens new window

Trafodion y Senedd

Yr Adroddiad Swyddogol (Hansard) yw'r cofnod gair am air a olygwyd o drafodion y ddau Dŷ Senedd. Mae Hansard Tŷ'r Cyffredin yn cynnwys trafodion Siambr Tŷ'r Cyffredin, Neuadd San Steffan a'r Pwyllgorau Sefydlog. Mae Hansard Tŷ'r Arglwyddi yn cynnwys trafodion Siambr yr Arglwyddi a'r Uwch Bwyllgorau.

Caiff geiriau'r aelodau eu cofnodi gan hepgor unrhyw ail-adrodd, geiriau diangen a chamgymeriadau amlwg, ond ni chaiff dim sy'n cyfrannu at ystyr yr araith neu sy'n rhan o'r ddadl ei hepgor. Yn ogystal â hynny, mae'r Adroddiadau Swyddogol yn cynnwys y Datganiadau Ysgrifenedig perthnasol ac Atebion Ysgrifenedig perthnasol y Gweinidogion.

Ar gyfer cofnodion Seneddol hŷn, ceir ystafell chwilio er mwyn i'r cyhoedd gael gweld cofnodion o Dŷ'r Arglwyddi a Thŷ'r Cyffredin sy'n dyddio'n ôl i 1497.

• Hansard Opens new window

Mesurau gerbron y Senedd

Gallwch weld manylion am Fesurau sydd gerbron y Senedd yn ogystal â Gwelliannau iddynt a Nodiadau Esboniadol ynglŷn â chynnwys y Mesur drwy ddilyn y ddolen isod.

• Mesurau Cyhoeddus gerbron y Senedd Opens new window

Cyhoeddiadau swyddogol

Cyhoeddiadau Swyddogol y DU (UKOP) yw catalog swyddogol cyhoeddiadau swyddogol y llywodraeth. Mae'n gyfuniad o gatalog swyddogol y Llyfrfa a'r Catalog Cyhoeddiadau Swyddogol nas Cyhoeddwyd gan y Llyfrfa. Caiff UKOP ei gyhoeddi gan TSO (y Llyfrfa). Y catalogau hyn yw'r ffynonellau gwybodaeth mwyaf cynhwysfawr a diweddar am gyhoeddiadau'r llywodraeth yn y DU. Mae UKOP hefyd yn cynnwys miloedd o ddogfennau sydd wedi'u harchifo mewn testun llawn.

Rhaid i chi danysgrifio i weld y catalog.

• Cyhoeddiadau Swyddogol y Deyrnas Unedig Opens new window

Papurau Gorchymyn (Papurau Gwyn a Gwyrdd)

Caiff Papurau Gorchymyn yn aml eu disgrifio fel Papurau Gwyn neu Bapurau Gwyrdd, ond nid oes unrhyw ddiffiniad ffurfiol i'r enwau hyn. Dros y blynyddoedd, derbyniwyd mai datganiadau o bolisi'r Llywodraeth yw'r Papurau Gwyn tra mai cynigion yw'r Papurau Gwyrdd sy'n cael eu cyhoeddi i gyd-fynd â thrafodaethau cyhoeddus. Gelwir y papurau'n Bapurau Gorchymyn gan eu bod yn cael eu cyflwyno gerbron y Senedd gan un o Weinidogion y Llywodraeth 'ar Orchymyn Ei Mawrhydi'.

Mae'r gyfres hon o ddogfennau hefyd yn cynnwys y Cytundebau niferus y mae'r DU wedi ymrwymo iddynt, Ymatebion ffurfiol y Llywodraeth i Adroddiadau Pwyllgorau Dethol a llawer o Adroddiadau o Bwyllgorau Ymchwilio ac Adolygiadau Adrannol.

• Papurau Gorchymyn 2007 Opens new window

Ffynonellau archifau cenedlaethol ac archifau'r llywodraeth

Yr Archifau Cenedlaethol

Yr Archifau Cenedlaethol sy'n gyfrifol am ofalu am gofnodion y llywodraeth ganolog a'r llysoedd barn, ac am sicrhau bod pawb yn gallu cael golwg arnynt. Mae'r casgliad hwn yn un o'r rhai mwyaf yn y byd ac mae'n ymestyn dros gyfnod di-dor o'r unfed ganrif ar ddeg hyd heddiw. Mae'n berthnasol i Gymru, Lloegr a'r Deyrnas Unedig. Mae amryw o gasgliadau ar gael ar-lein gan gynnwys cofnodion milwrol, dogfennau hanesyddol, ewyllysiau a chofnodion y cyfrifiad. Mae'r wefan hefyd yn darparu gwybodaeth am sut mae chwilio drwy'r archifau ac arddangosfeydd ar-lein.

• Archifau Cenedlaethol Opens new window

Gwefannau llywodraeth y DU

Mae nifer o wefannau'r llywodraeth wedi'u harchifo ac maent ar gael ar-lein.

• Gwefannau wedi'u harchifo Opens new window

Ystadegau swyddogol

Mae'r Swyddfa Ystadegau Gwladol Ar-lein yn darparu'r ystadegau swyddogol am economi, poblogaeth a chymdeithasau Prydain ar lefel genedlaethol a lleol. Cyhoeddir crynodebau a data manwl yn rhad ac am ddim.

Mae'r adran hefyd yn gyfrifol am y Cyfrifiad sydd wedi cael ei gynnal bob 10 mlynedd ers 1801. Cynhaliwyd y Cyfrifiad diwethaf ddydd Sul 29 Ebrill 2001, ac mae'r canlyniadau a'r dadansoddiadau llawn ar gael i'r cyhoedd eu gweld.

Mae gwefan Ystadegau Cymdogaeth yn galluogi defnyddwyr i weld, cymharu a llwytho ystadegau ar gyfer ardaloedd lleol am amrywiaeth o bynciau gan gynnwys poblogaeth, troseddu, iechyd a thai.

• Ystadegau Gwladol Opens new window

• Gwybodaeth am y cyfrifiad gan y Swyddfa Ystadegau Gwladol Opens new window

• Ystadegau Cymdogaeth Opens new window