Gwefan llywodraeth y DU

Rhoi hysbysiad o briodas neu bartneriaeth sifil

Mae'n ofyniad cyfreithiol rhoi hysbysiad o briodas neu bartneriaeth sifil ymlaen llaw. Caiff eich hysbysiad ei arddangos yn gyhoeddus am 15 diwrnod, a gellir caniatáu awdurdodi eich priodas neu'ch partneriaeth sifil ar ôl hyn. Mae pob hysbysiad yn ddilys am flwyddyn, ond os byddwch yn penderfynu newid lleoliad, bydd yn rhaid rhoi hysbysiadau newydd.

Os byddwch yn priodi yn yr Eglwys yng Nghymru neu yn Eglwys Lloegr, nid oes yn rhaid i chi roi hysbysiad priodas fel arfer.

Os ydych yn cynnal priodas sifil neu bartneriaeth sifil, bydd angen i'r ddau neu'r ddwy ohonoch fynd i'ch swyddfa gofrestru leol i roi hysbysiad. Os ydych yn bwriadu cynnal eich priodas neu'ch partneriaeth sifil mewn ardal wahanol, dylech hefyd gysylltu â swyddfa gofrestru leol yn yr ardal honno cyn i chi roi hysbysiad, er mwyn sicrhau y bydd swyddogion ar gael ar y diwrnod.

Mae'n rhaid i'r ddau neu'r ddwy ohonoch roi hysbysiad yn bersonol - ni all neb arall wneud hyn ar eich rhan.

Os ydych yn rhoi hysbysiad yng Nghymru, gallwch wneud hyn yn Saesneg, neu yn Saesneg ac yn Gymraeg. Os byddwch yn cyflwyno hysbysiad dwyieithog, mae'n rhaid i'r cwpl sy'n cyflwyno'r hysbysiad a'r swyddog fod yn deall Welsh. Mae gan bob awdurdod lleol yng Nghymru o leiaf un swyddog neu ddirprwy sy'n siarad Welsh.

Cyn i chi roi hysbysiad, dylech sicrhau eich bod yn gallu bodloni'r cyfreithiau ynghylch preswylio a rheolau mewnfudo.

• Chwilio am eich swyddfa gofrestru leol Opens new window

Eich statws preswylio cyn rhoi hysbysiad

Mae'n rhaid i'r ddau neu'r ddwy ohonoch fod wedi byw yn yr ardal yr ydych yn dymuno rhoi hysbysiad am o leiaf saith niwrnod llawn, yn syth cyn rhoi hysbysiad.

Er enghraifft, os byddwch yn cyrraedd ddydd Mawrth 1 Ebrill, bydd y cyfnod saith niwrnod yn dechrau ar y diwrnod canlynol, ddydd Mercher 2 Ebrill, a daw i ben ddydd Mawrth 8 Ebrill. Yna gallwch roi hysbysiad ddydd Mercher 9 Mawrth.

Mae hyn yn berthnasol i bawb gan gynnwys y rheini sy'n teithio o dramor ar gyfer priodas neu bartneriaeth sifil yng Nghymru ac yn Lloegr. Rhestrir eithriadau i hyn isod, ond dim ond os bydd y naill barti neu'r llall yn ddarostyngedig i reolau mewnfudo:

Ar gyfer priodasau:

• Caiff dinasyddion Prydeinig neu ddinasyddion y Gymanwlad roi hysbysiad yn y wlad maent yn byw ynddi, ar yr amod bod y wlad wedi ymrwymo i 'Ddeddfau Cyfleusterau Dinasyddion Prydeinig 1915 ac 1916'. Gallwch gael gwybod pa wledydd sy'n gymwys isod. Mae'n rhaid i'r partner arall fod yn breswylydd yng Nghymru neu yn Lloegr

Ar gyfer priodasau a phartneriaethau sifil

• os oes un partner yn breswylydd yng Nghymru ac yn Lloegr, yna mae'n rhaid i'r llall roi hysbysiad yn yr Alban hefyd
  
• caiff swyddogion neu forwyr ar un o longau Ei Mawrhydi roi hysbysiad i'r capten neu brif swyddog arall y llong, ar yr amod bod yr unigolyn arall yn preswylio yng Nghymru ac yn Lloegr

• Download rhestr o wledydd sydd wedi'u hymrwymo i 'Ddeddfau Cyfleusterau Dinasyddion Prydeinig 1915 ac 1916' oddi ar y we (PDF, 12K)

• Cofrestru priodas neu bartneriaeth sifil dramor

• Chwilio am eich swyddfa gofrestru leol Opens new window

• Cymorth gyda ffeiliau PDF

Ydych chi’n ddarostyngedig i reolau mewnfudo?

Os ydych chi neu'ch partner yn ddarostyngedig i reolau mewnfudo, bydd angen un o'r canlynol arnoch er mwyn rhoi hysbysiad o briodas neu bartneriaeth sifil:

• fisa yn rhoi caniatâd mynediad i chi, yn benodol at ddibenion priodas neu bartneriaeth sifil yn y DU
• tystysgrif gymeradwyo gyda chaniatâd ysgrifenedig yr Ysgrifennydd Gwladol - y gellir ei chael gan y Swyddfa Gartref
• dogfen yn profi bod gennych statws ymgartrefu yn y DU, e.e. Caniatâd Amhenodol i Aros
  

Bydd angen i chi hefyd roi hysbysiad o briodas neu bartneriaeth sifil yn un o'r 76 o swyddfeydd cofrestru dynodedig yng Nghymru ac yn Lloegr. Bydd angen i chi fynd i'r swyddfa gofrestru gyda'ch gilydd.

• Download rhestr o swyddfeydd cofrestru dynodedig os ydych yn ddarostyngedig i reolau mewnfudo (PDF, 29K)

Nid ydych yn ddarostyngedig i reolau mewnfudo os oes gennych yr hawl i breswylio yn y DU, neu os ydych yn un o'r canlynol:

• yn ddinesydd Prydeinig
• yn frodor o'r Ardal Economaidd Ewropeaidd
• yn aelod o un o'r byddinoedd ar ymweliad o wledydd NATO a'r Gymanwlad
• yn ddiplomydd nad ydych yn ddarostyngedig i reolau mewnfudo

• Ymweld â gwefan y Swyddfa Gartref Opens new window

• Gwefan Asiantaeth Ffiniau'r DU Opens new window

Manylion y mae angen i chi eu darparu er mwyn rhoi hysbysiad

Mae angen i chi ddarparu'r manylion canlynol:

• enw llawn
• oedran - yr isafswm oedran cyfreithiol yng Nghymru a Lloegr yw 16 oed, ond efallai y bydd yn rhaid cael caniatâd ysgrifenedig ar gyfer rhywun iau na 18 oed
• cyfeiriad
• cenedligrwydd
• statws cyfredol - er enghraifft, sengl, wedi ysgaru
• galwedigaeth
• y lleoliad arfaethedig ar gyfer eich priodas neu'ch partneriaeth sifil
  

Gofynnir i chi am dystiolaeth ddogfennol gyda rhywfaint o'r wybodaeth y byddwch yn ei darparu, er enghraifft eich cenedligrwydd, felly fe'ch cynghorir i fynd â'ch pasport gyda chi. Bydd angen i chi hefyd roi tystiolaeth o unrhyw briodas neu bartneriaeth sifil flaenorol.

Os ydych yn ddarostyngedig i reolau mewnfudo, bydd angen i chi gyflwyno tystiolaeth ddogfennol i gadarnhau eich bod yn bodloni'r gofynion cymhwyso.

• Cael copi o ysgariad neu ddiddymiad

Ar gyfer digwyddiadau yn yr Alban neu yng Ngogledd Iwerddon

Gallwch gysylltu â'r Swyddfa Gofrestru Gyffredinol berthnasol gan ddefnyddio'r dolenni isod.

• Swyddfa Gofrestru Gyffredinol yr Alban Opens new window

• Swyddfa Gofrestru Gyffredinol Gogledd Iwerddon Opens new window

Mwy o ddolenni defnyddiol

• Priodasau mwy gwyrdd

• Trwyddedau

• Gwybodaeth ynghylch newid enw a manylion personol ar basbort