Gwefan llywodraeth y DU

Priodasau crefyddol

Os hoffech briodi yn Eglwys Cymru neu yn Eglwys Lloegr, dylech siarad â ficer yr eglwys yr hoffech briodi ynddi. Fel arfer, nid oes angen i chi gynnwys eich swyddfa gofrestru leol.

Os ydych yn dymuno cael seremoni grefyddol mewn rhywle arall ar wahân i'r Eglwys yng Nghymru neu Eglwys Lloegr, dylech wneud y canlynol fel arfer:

• trefnu i weld pwy bynnag sy'n gyfrifol am briodasau yn yr adeilad i ddechrau
• mae'n rhaid i chi fod yn byw yn yr un rhanbarth â'r eglwys neu'r adeilad crefyddol fel arfer
• rhoi hysbysiad ffurfiol i'r uwcharolygydd cofrestru yn eich swyddfa gofrestru leol oni bai bod un ohonoch yn ddarostyngedig i reolau mewnfudo
  

Bydd angen i chi ddod ag o leiaf dau o bobl eraill gyda chi er mwyn iddynt lofnodi eu bod yn dyst i'ch priodas.

I gael mwy o wybodaeth am gyflwyno hysbysiad, darllenwch yr erthygl ar Briodas a phartneriaeth sifil: eich dyletswyddau cyfreithiol isod

• Priodasau a phartneriaethau sifil: eich dyletswyddau cyfreithiol

• Chwilio am eich swyddfa gofrestru leol Opens new window

• Dod o hyd i leoliad ar gyfer priodas neu bartneriaeth sifil Opens new window

• Gwefan Eglwys Lloegr Opens new window

• Gwefan yr Eglwys yng Nghymru Opens new window

Priodasau sifil a phartneriaethau sifil

Gellir cynnal seremoni priodas sifil neu bartneriaeth sifil mewn unrhyw swyddfa gofrestru yng Nghymru neu yn Lloegr, neu mewn unrhyw leoliad a gymeradwyir gan yr awdurdod lleol. Mae'r rhain yn cynnwys plastai ac adeiladau mawreddog eraill, gwestai a thai bwyta.

Bydd angen i chi roi rhybudd ffurfiol o'r briodas neu'r bartneriaeth sifil i ddechrau.

Ar ddiwrnod eich priodas neu'ch partneriaeth sifil, bydd angen i chi ddod ag o leiaf dau berson arall gyda chi a all lofnodi eu bod yn dyst i'ch priodas.

Ni cheir defnyddio dim cynnwys crefyddol mewn seremoni priodas sifil, ond mae'n bosib y cewch drefnu i ychwanegu cyffyrddiadau personol megis cerddoriaeth nad yw'n grefyddol at y geiriad cyfreithiol, ac y cewch ffilmio'r seremoni. Bydd y swyddfa gofrestru lle'r ydych yn bwriadu priodi yn gallu rhoi gwybod mwy i chi am y dewisiadau sydd ar gael.

Caiff Partneriaeth Sifil ei ffurfio'n gyfreithlon drwy lofnodi cofrestr partneriaeth sifil. Yn yr un modd â phriodas sifil, bydd hon hefyd yn ddi-grefydd, ond dylai cyplau sy'n dymuno trefnu seremoni drafod hyn gyda swyddogion y swyddfa gofrestru.

Priodasau a phartneriaethau sifil Welsh
Gallwch briodi neu ffurfio partneriaeth sifil yn Gymraeg yn unrhyw le caiff y Gymraeg ei defnyddio'n gyffredinol. Dylech chi, eich tystion a phwy bynnag sy'n cynnal y briodas fod yn deall yr hyn a ddywedir. Nid oes yn rhaid i chi roi rhybudd yn Gymraeg.

• Priodasau a phartneriaethau sifil: eich dyletswyddau cyfreithiol

• Chwilio am eich swyddfa gofrestru leol Opens new window

• Dod o hyd i leoliad ar gyfer priodas neu bartneriaeth sifil Opens new window

Priodi neu ffurfio partneriaeth sifil dramor

Os oes gennych unrhyw ymholiadau cyffredinol ynghylch priodi neu ffurfio partneriaeth sifil dramor, dylech gysylltu â Llysgenhadaeth neu Uchel Gomisiwn y wlad dan sylw. Efallai y gofynnir i chi am 'dystysgrif dim rhwystr'. Mae'n rhaid i rai awdurdodau tramor gael y ddogfen hon er mwyn galluogi pobl nad ydynt yn frodorion i briodi yn eu gwlad. Os gofynnir i chi am dystysgrif, cysylltwch â'ch swyddfa gofrestru leol gan ddefnyddio'r teclyn canfod Swyddfa Gofrestru Leol isod.

Os gofynnir i chi ddarparu 'Apostille', sef cadarnhad ffurfiol bod llofnod, sêl neu stamp sy'n ymddangos ar ddogfen yn ddilys, cysylltwch â'r Swyddfa Dramor a Chymanwlad ar +44 (0)20 7008 1111.

• Cofrestru priodas neu bartneriaeth sifil dramor

• Archebu tystysgrif geni, priodas neu farwolaeth

Faint mae'n ei gostio i briodi neu i ffurfio partneriaeth sifil?

Beth y mae angen i chi ei wneud	Cost
Rhoi rhybudd cyn cofrestru priodas neu bartneriaeth sifil	£30.00 y pen
Cofrestru priodas neu bartneriaeth sifil mewn swyddfa gofrestru	£40.00
Cofrestru priodas neu bartneriaeth sifil mewn lleoliad cymeradwy	Yr awdurdod lleol sy'n pennu'r gost o gynnal seremoni gan yr uwcharolygydd cofrestru. Mae'n debygol y codir tâl ychwanegol gan berchnogion yr adeilad am gael ei ddefnyddio.
Cost seremoni grefyddol yn yr Eglwys yng Nghymru neu yn Eglwys Lloegr	Holwch ficer yr eglwys yr ydych yn bwriadu priodi ynddi i gael gwybod am y ffioedd.
Cost seremoni grefyddol mewn adeilad ar wahân i'r Eglwys yng Nghymru neu Eglwys Lloegr	Os nad oes gan yr adeilad Unigolyn Awdurdodedig, bydd ffi o £47.00 am y cofrestrydd. Mae'n bosib y codir ffioedd ychwanegol gan ymddiriedolwyr yr adeilad a'r unigolyn sy'n perfformio'r seremoni.
Cost tystysgrif priodas neu bartneriaeth sifil ar y diwrnod	£3.50

Gallwch archebu rhagor o gopïau o'ch tystysgrif priodas neu bartneriaeth sifil unrhyw bryd yn y dyfodol, naill ai drwy eich swyddfa gofrestru leol, yn bersonol, drwy'r post, dros ffacs neu ar-lein.

• Archebu tystysgrif geni, priodas neu farwolaeth

Newid cofnod o briodas neu bartneriaeth sifil

Ni chodir tâl am gywiro cofnod o'ch priodas neu bartneriaeth sifil. Os gwelwch fod camgymeriad ar eich tystysgrif, cysylltwch â'r Swyddfa Gofrestru Gyffredinol:

Ffôn: +44 (0) 151 471 4814 (o ddydd Llun i ddydd Gwener, 9am to 5pm)

Drwy'r post: Priodasau a Phartneriaethau Sifil/Marriages & Civil Partnerships, y Swyddfa Gofrestru Gyffredinol/General Register Office, Trafalgar Road, Southport, PR8 2HH

E-bost:

marriages.gro@ips.gsi.gov.uk
civilpartnerships.gro@ips.gsi.gov.uk

Ffacs: +44 (0) 1633 652975

Ar gyfer digwyddiadau yn yr Alban neu yng Ngogledd Iwerddon

Gallwch gysylltu â'r Swyddfa Gofrestru Gyffredinol berthnasol drwy ddefnyddio'r dolenni isod.

• Swyddfa Gofrestru Gyffredinol yr Alban Opens new window

• Swyddfa Gofrestru Gyffredinol Gogledd Iwerddon Opens new window