Gwefan llywodraeth y DU

Cadarnhau eich bod yn gymwys i gael cymorth cyfreithiol

Gallwch ddefnyddio'r cyfrifydd cymhwysedd i gael cymorth cyfreithiol ar-lein i weld a ydych yn gymwys i gael cymorth cyfreithiol.

Bydd y cyfrifydd yn gofyn cwestiynau cyffredinol i chi am eich problem a'ch sefyllfa ariannol. Nid yw'n gwarantu y byddwch yn cael cymorth cyfreithiol.

• Cyfrifydd cymhwysedd i gael cymorth cyfreithiol Opens new window

Cael cymorth cyfreithiol os ydych o dan 18 oed

Os ydych o dan 18 oed bydd eich cymhwysedd i gael cymorth cyfreithiol yn dibynnu ar incwm a chyfalaf eich rhiant neu'ch gwarcheidwad. Fodd bynnag, os yw eich problem gyfreithiol rhyngoch chi a'ch rhieni, efallai nad felly y bydd.

Gwneud cais am gymorth cyfreithiol

Os ydych o'r farn eich bod yn gymwys i gael cymorth cyfreithiol, dylech ffonio Cyngor Cyfreithiol Cymunedol. Bydd yn cadarnhau eich cymhwysedd unwaith eto ac yn eich rhoi mewn cysylltiad â chynghorydd cyfreithiol i'ch helpu gyda'ch problem.

Gallwch ffonio Cyngor Cyfreithiol Cymunedol ar 0845 345 4345. Mae'r llinell gymorth ar agor o ddydd Llun i ddydd Gwener rhwng 9.00am ac 8.00pm. Mae'r llinell gymorth hefyd ar agor ar ddydd Sadwrn rhwng 9.00am a 12.30pm. Bydd galwadau'n costio 4 ceiniog y funud o linell tir BT. Bydd galwadau o ffonau symudol yn costio mwy fel arfer. Os ydych yn poeni am gost yr alwad, gall eich ffonio'n ôl.

Gallwch hefyd decstio 'legalaid' a'ch enw i 80010 a bydd Cyngor Cyfreithiol Cymunedol yn eich ffonio'n ôl o fewn 24 awr.

Mae'r cyngor yn annibynnol ac yn gyfrinachol.

Dylech gael y wybodaeth ganlynol gyda chi pan fyddwch yn siarad â chynghorydd cyfreithiol:

• gwybodaeth am eich incwm a'ch treuliau chi (a'ch partner), er enghraifft, slipiau cyflog, cyfriflenni banc)
• prawf o unrhyw fudd-daliadau rydych yn eu cael
• manylion unrhyw gynilion sydd gennych
• eich rhif Yswiriant Gwladol

Os bydd y cynghorydd cyfreithiol yn penderfynu eich bod yn gymwys i gael cymorth cyfreithiol, bydd yn gwneud y cais ar eich rhan. Os bydd y cynghorydd cyfreithiol yn penderfynu eich bod yn gymwys i gael cymorth cyfreithiol, byddwch yn dechrau cael help cyfreithiol ar unwaith.

Gallwch gysylltu â chynghorydd cyfreithiol yn uniongyrchol i helpu gyda chael cymorth cyfreithiol. Gallwch hefyd chwilio ar-lein am gynghorydd cyfreithiol yn eich ardal.

• Gofyn i rywun eich ffonio'n ôl - Cyngor Cyfreithiol Cymunedol Opens new window

• Dod o hyd i gynghorydd cyfreithiol Opens new window

Cael help os nad ydych yn gymwys i gael cymorth cyfreithiol

Os nad ydych yn gymwys i gael cymorth cyfreithiol, gallech roi cynnig ar y canlynol:

• mynd i ganolfan y gyfraith, a all roi cyngor cyfreithiol am ddim i chi
• cael cytundeb ffi amodol ('dim ennill, dim ffi')
• defnyddio yswiriant treuliau cyfreithiol i dalu am eich costau cyfreithiol
• cael help gan eich undeb llafur chi (neu'ch partner)

Mae rhai cyfreithwyr neu gynghorwyr cyfreithiol yn cynnig rhai gwasanaethau am ddim. Gelwir hyn yn 'Pro Bono' ac mae'n golygu 'er lles y cyhoedd'. Gall cyfreithwyr neu gynghorwyr cyfreithiol eraill gynnig cyngor i chi am gost is.

• Ble i gael cyngor cyfreithiol

• Cyngor cyfreithiol am ddim ar broblemau sy'n ymwneud ag arian, tai a defnyddwyr

• Undebau llafur

• Grŵp Pro Bono Cyfreithwyr Opens new window

Help a chyngor yn Gymraeg

Gallwch gael gwybodaeth am ddelio â'ch problemau cyfreithiol yn Gymraeg drwy ddilyn y dolenni isod.

• Cymorth cyfreithiol - Gwefan Cyngor Cyfreithiol Cymunedol (Welsh) Opens new window

• Cyfrifydd cymhwysedd i gael cymorth cyfreithiol (Welsh) Opens new window

• Gofyn i rywun eich ffonio'n ôl - Cyngor Cyfreithiol Cymunedol (Welsh) Opens new window

• Dod o hyd i gynghorydd cyfreithiol (Welsh) Opens new window