Gwefan llywodraeth y DU

Cyngor cyfreithiol am ddim ar gyfer problemau sy'n ymwneud â thai, arian a materion ariannol

Cyngor cyfreithiol am ddim ar gyfer problemau sy'n ymwneud â thai, arian a materion ariannol.

Shelter

Mae Shelter yn cynnig cyngor cyfrinachol ar dai, dyledion, budd-daliadau lles, anghenion o ran gofal ac iechyd (gan gynnwys hawliau a hawliadau anabledd). Yng Nghymru ffoniwch 0845 075 5005, ac yn Lloegr ffoniwch 0808 800 4444.

• Gwasanaeth cyngor ar-lein Shelter Opens new window

• Gwefan Shelter Cymru Opens new window

Gwasanaeth yr Ombwdsmon Ariannol

Mae Gwasanaeth yr Ombwdsmon Ariannol yn wasanaeth annibynnol am ddim sy'n helpu i setlo anghydfodau rhwng defnyddwyr a busnesau a leolir yn y DU sy'n darparu gwasanaethau ariannol. Er enghraifft, efallai y gall helpu os oes gennych broblem gyda chwmni yswiriant neu fanc.

• Gwasanaeth yr Ombwdsmon Ariannol Opens new window

Moneymadeclear

I gael cyngor annibynnol ar faterion ariannol (er enghraifft, benthyciadau, morgeisi, cynilion, trethi a phensiynau), cysylltwch â Moneymadeclear.

• Moneymadeclear Opens new window

Gwasanaeth Cwnsela ar Gredyd Defnyddwyr (CCCS)

I gael cwnsela cyfrinachol am ddim ar broblemau sy'n ymwneud â dyledion, gan gynnwys cyngor ar gyllidebu a chredyd, cysylltwch â'r CCCS.

• Sut i gysylltu â'r Gwasanaeth Cwnsela ar Gredyd Defnyddwyr (CCCS) Opens new window

Y Llinell Ddyled Genedlaethol

Mae'r Llinell Ddyled Genedlaethol yn cynnig help annibynnol a chyfrinachol am ddim dros y ffôn i bobl yng Nghymru, Lloegr a'r Alban. Gallwch ffonio'r llinell gymorth a lawrlwytho cyhoeddiadau o'r wefan hefyd.

• Cysylltu â'r Llinell Ddyled Genedlaethol Opens new window

Cyngor cyfreithiol am ddim ar broblemau sy'n ymwneud â mewnfudo a lloches

I gael cyngor am ddim ar fewnfudo neu loches, gweler y sefydliadau isod.

Cyngor y Ffoaduriaid

Mae Cyngor y Ffoaduriaid yn cynnig gwybodaeth a chyngor i geiswyr lloches a ffoaduriaid. Mae hefyd yn darparu gwasanaeth i blant sy'n cyrraedd yn y DU ar eu pen eu hunain ac i helpu oedolion i ddod o hyd i waith.

• Cyngor y Ffoaduriaid Opens new window

Cymorth Lloches

Mae Cymorth Lloches yn darparu cynrychiolaeth a chyngor cyfreithiol i bobl sy'n ceisio lloches yn y DU.

• Cymorth Lloches Opens new window

Swyddfa Comisiynydd y Gwasanaethau Mewnfudo

Mae Swyddfa Comisiynydd y Gwasanaethau Mewnfudo yn gyfrifol am sicrhau bod pob cynghorydd mewnfudo yn bodloni gofynion arfer da.

• Swyddfa Comisiynydd y Gwasanaethau Mewnfudo Opens new window

Y Gwasanaeth Cynghori ar Fewnfudo

Mae'r Gwasanaeth Cynghori ar Fewnfudo yn elusen a all gynnig cynrychiolaeth gyfreithiol a chyngor i chi i'ch helpu gyda'ch achos mewnfudo a lloches.

• Y Gwasanaeth Cynghori ar Fewnfudo Opens new window

Cyngor cyfreithiol am ddim ar gyfer problemau defnyddwyr

I gael cyngor am ddim ar broblemau defnyddwyr, gweler y sefydliadau isod.

Y Cyngor Defnyddwyr Dŵr

Os nad ydych yn fodlon ar y ffordd y mae eich cwmni dŵr neu garthffosiaeth yn trin eich cwyn, gallech ofyn i'r Cyngor Defnyddwyr Dŵr ddelio â'ch cwyn.

• Y Cyngor Defnyddwyr Dŵr Opens new window

Y Swyddfa Masnachu Teg

Mae'r Swyddfa Masnachu Teg yn gorfodi cyfraith diogelu defnyddwyr a chyfraith cystadleuaeth. Mae'r wefan yn cynnig cyngor cyffredinol ar hawliau defnyddwyr yn y DU.

• Gwefan y Swyddfa Masnachu Teg Opens new window

Cymdeithas Asiantau Teithio Prydain (ABTA)

Mae ABTA yn rheoleiddio asiantau teithio ledled Prydain ac yn helpu i ddiogelu defnyddwyr drwy orfodi rheolau a rheoliadau. Gall gynnig cyngor ar sut i ddatrys problemau y gallech fod yn eu hwynebu gydag asiant teithio.

• Gwefan Cymdeithas Asiantau Teithio Prydain Opens new window

Cyngor cyfreithiol am ddim ar broblemau sy'n ymwneud ag iechyd ac anafiadau

Gall y sefydliadau canlynol roi cyngor i chi ar unrhyw broblemau sy'n ymwneud ag iechyd a diogelwch y gallech fod yn eu hwynebu neu os ydych wedi cael eich anafu.

Yr Awdurdod Gweithredol Iechyd a Diogelwch

Mae'r Awdurdod Gweithredol Iechyd a Diogelwch yn gweithio i ddiogelu hawliau a chyfrifoldebau cyflogeion. Mae hefyd yn sicrhau bod cyflogwyr yn deall eu cyfrifoldebau cyfreithiol yn y gweithle.

• Yr Awdurdod Gweithredol Iechyd a Diogelwch Opens new window

Cymdeithas y Cyfreithwyr Anafiadau Personol (APIL)

Mae gwefan APIL yn cynnig cyngor a gwybodaeth am eich hawliau os ydych wedi cael eich anafu a gall eich helpu i ddod o hyd i gyfreithiwr neu gynghorydd cyfreithiol.

• Cymdeithas y Cyfreithwyr Anafiadau Personol Opens new window

Cyngor cyfreithiol am ddim ar broblemau yn y gwaith

Os ydych yn cael problemau yn y gwaith, er enghraifft gyda chyflog neu wahaniaethu, gweler y rhestr isod i weld sefydliadau sy'n cynnig help a chyngor am ddim.

ACAS (Y Gwasanaeth Cynghori, Cymodi a Chyflafreddu)

Gall Acas ddarparu gwybodaeth gyffredinol am hawliau a chyfrifoldebau cyflogaeth a gall hefyd helpu cyflogeion a chyflogwyr sy'n ymwneud ag anghydfod cyflogaeth i nodi ffyrdd ymarferol o ddatrys y broblem.

• Acas Opens new window

Llinell Gymorth Hawliau Cyflog a Gweithio

Mae'r llinell gymorth gyfrinachol hon yn darparu help a chyngor ar hawliau cyflogaeth a orfodir gan y llywodraeth. Mae'n darparu gwybodaeth am faterion gan gynnwys hawliau o ran yr Isafswm Cyflog Cenedlaethol, gweithwyr asiantaeth ac oriau gweithio.

• Llinell Gymorth Hawliau Cyflog a Gweithio

Y Comisiwn Cydraddoldeb a Hawliau Dynol

I gael cyngor a gwybodaeth am wahaniaethu, cydraddoldeb a hawliau dynol, gallwch gysylltu â'r Comisiwn Cydraddoldeb a Hawliau Dynol.

• Y Comisiwn Cydraddoldeb a Hawliau Dynol Opens new window

Help a chyngor yn Gymraeg

Gallwch gael gwybodaeth am ddelio â'ch problemau cyfreithiol yn Gymraeg drwy ddilyn y dolenni isod.

• Cymorth cyfreithiol am ddim ar broblemau sy'n ymwneud ag arian, tai a defnyddwyr (Welsh) Opens new window