Gwefan llywodraeth y DU

O ble daw’r wybodaeth am euogfarnau ar eich tystysgrif gan y Swyddfa Cofnodion Troseddol?

Bydd yr holl wybodaeth am euogfarnau a gofnodir ar eich tystysgrif gan y Swyddfa Cofnodion Troseddol yn dod o Gyfrifiadur Cenedlaethol yr Heddlu. Bydd manylion unrhyw euogfarnau yn aros ar Gyfrifiadur Cenedlaethol yr Heddlu tan y diwrnod y cewch eich pen-blwydd yn 100 oed.

Bydd tystysgrifau gan y Swyddfa Cofnodion Troseddol yn cynnwys manylion yr holl euogfarnau sydd ar Gyfrifiadur Cenedlaethol yr Heddlu, yn ogystal â manylion unrhyw rybuddion, ceryddon neu rybuddion terfynol. Bydd y Swyddfa Cofnodion Troseddol yn datgelu unrhyw wybodaeth berthnasol sydd wedi’i chofnodi gan yr heddlu ar y Cyfrifiadur Cenedlaethol.

Os ydych chi’n poeni am y data sydd amdanoch ar Gyfrifiadur Cenedlaethol yr Heddlu, gofynnwch am gael siarad â swyddog diogelu data eich heddlu lleol.

• Cofnodion troseddol – beth ydynt (adran troseddu a chyfiawnder)

• Gwybodaeth cofnodion troseddol ar dystysgrif y Swyddfa Cofnodion Troseddol Opens new window

O ble daw’r wybodaeth am wybodaeth nad yw’n gysylltiedig ag euogfarnau ar eich tystysgrif gan y Swyddfa Cofnodion Troseddol

Mae gwybodaeth nad yw’n gysylltiedig ag euogfarnau y mae’r heddlu yn credu sy’n berthnasol i’r swydd yn gwnaed cais amdano yn cael ei ddarparu gan yr heddlu o’u cofnodion lleol.

• Gwybodaeth nad yw’n gysylltiedig ag euogfarnau ar dystysgrif y Swyddfa Cofnodion Troseddol – cael gwybod mwy Opens new window

Beth i’w wneud os oes camgymeriad ar eich tystysgrif gan y Swyddfa Cofnodion Troseddol

Os oes camgymeriad ar eich tystysgrif, gallwch ddefnyddio proses anghydfodau’r Swyddfa Cofnodion Troseddol i roi gwybod iddynt. Dylech geisio cysylltu â’r Swyddfa Cofnodion Troseddol o fewn tri mis ar ôl y dyddiad ar eich tystysgrif.

Ceir dau fath o anghydfod:

• anghydfod yn ymwneud â chofnodi data – pan fydd gwybodaeth bersonol, er enghraifft eich enw, eich dyddiad geni neu’ch cyfeiriad yn anghywir
• anghydfod yn ymwneud â ffynhonnell y data – pan fyddwch yn credu bod yr wybodaeth am gofnodion troseddol ar eich tystysgrif yn anghywir

Bydd angen i chi wneud y canlynol:

• rhoi gwybod am y gwall i’r unigolyn a ofynnodd i chi wneud cais am yr archwiliad, oherwydd bydd ganddo ef gopi o’r dystysgrif hefyd
• penderfynu a ddylai’r unigolyn hwnnw gysylltu â'r Swyddfa Cofnodion Troseddol drosoch, neu a hoffech chi wneud hynny eich hun

Beth i'w wneud os oes anghydfod yn ymwneud â chofnodi data

Os ydych chi’n credu bod rhai o’ch manylion personol wedi’u rhestru’n anghywir ar y dystysgrif, dylech roi gwybod i’r Swyddfa Cofnodion Troseddol cyn gynted â phosib drwy ddefnyddio’r ddolen isod.

Bydd y Swyddfa Cofnodion Troseddol yn ymchwilio i’r anghydfod, ac os mai’r Swyddfa Cofnodion Troseddol wnaeth y camgymeriad, byddwch yn derbyn tystysgrif newydd am ddim. Ond os bydd y Swyddfa Cofnodion Troseddol yn gweld mai chi, neu bwy bynnag a anfonodd eich cais, wnaeth y camgymeriad, bydd rhaid i chi wneud cais arall am dystysgrif newydd. Bydd rhaid i chi dalu’r ffi briodol i newid y dystysgrif hefyd.

• Ffurflen anghydfod yn ymwneud â chofnodi data Opens new window

Beth i'w wneud os oes anghydfod yn ymwneud â ffynhonnell y data

Os ydych chi’n credu bod eich tystysgrif yn cynnwys gwybodaeth anghywir am gofnod troseddol, neu wybodaeth nad yw’n perthyn i chi, bydd angen i chi gysylltu â’r Swyddfa Cofnodion Troseddol. Bydd angen i chi lenwi ffurflen anghydfod yn ymwneud â ffynhonnell, y data, argraffu a llofnodi’r ddogfen, a’i hanfon drwy’r post i:

Rhadbost NWW5699A / Freepost NWW5699A
Tîm anghydfodau / Disputes team
PO Box 165
Lerpwl L69 3JD

Gallwch ffonio llinell anghydfodau’r Swyddfa Cofnodion Troseddol ar 0870 90 90 811 i gael rhagor o wybodaeth.

Mae’n bosib y bydd angen cymryd olion eich bysedd er mwyn datrys yr anghydfod. Os bydd hyn yn digwydd, bydd y Swyddfa Cofnodion Troseddol yn rhoi gwybod i chi beth yw’r camau nesaf.

• Ffurflen anghydfod yn ymwneud â ffynhonnell y data Opens new window

Beth fydd yn digwydd nesaf gyda’ch anghydfod?

Os caiff eich anghydfod ei dderbyn, bydd y Swyddfa Cofnodion Troseddol yn cywiro’r camgymeriadau ac yn rhoi tystysgrif newydd i chi am ddim.

Os na chaiff eich anghydfod ei dderbyn, ni fydd y Swyddfa Cofnodion Troseddol yn gallu gwneud dim byd arall, ond bydd yn rhoi’r manylion cyswllt perthnasol i chi ac yn dweud wrthych â phwy i siarad nesaf.

Beth sy’n digwydd os bydd eich tystysgrif Swyddfa Cofnodion Troseddol yn cael ei cholli neu’i difetha?

Os yw’ch tystysgrif yn cael ei cholli neu’i difetha, ni all y Swyddfa Cofnodion Troseddol ddarparu tystysgrif newydd.

Sut mae cysylltu â’r Swyddfa Cofnodion Troseddol

Llinell gymorth y Swyddfa Cofnodion Troseddol ar gyfer pob ymholiad cyffredinol: 0870 9090 811
8.00 am hyd at 6.00 pm yn ystod yr wythnos
10.00 am hyd at 5.00 pm ar ddydd Sadwrn (ar gau ar ddydd Sul ac ar wyliau cyhoeddus)
Neu ddefnyddiwch y ddolen isod am y ffurflen ymholiad ar-lein. Mae rhif gwahanol ar gyfer ymgeiswyr trawsrywiol yn unig. Ni chaiff unrhyw ymholiadau cyffredinol a dderbynnir ar y rhif hwn eu delio gydag neu eu trosglwyddo.

Mae gwasanaeth peiriant ateb ar gael ar gyfer y rhif hwn ble y gallwch adael eich enw a rhif gyswllt a gall aelod o’r tîm eich ffonio yn ôl.

Ffôn i ymgeiswyr trawsrywiol yn unig: 0151 676 1452 neu e-bost:

Ymholiadau Welsh 0870 90 90 223

Os bydd rhywbeth yn mynd o’i le, cael gwybod sut y mae’r Swyddfa Cofnodion Troseddol yn delio â chwynion a beth y gallant ei wneud i’ch helpu chi drwy ddefnyddio’r ddolen isod.

Caiff pob galwad i’r Swyddfa Cofnodion Troseddol ei recordio at ddibenion diogelwch a hyfforddi. Gofynnir cwestiynau diogelwch er mwyn sicrhau mai chi ydych chi.

• Llenwi’r ffurflen ymholiad a’i hanfon fel atodiad mewn e-bost neu yn y post Opens new window

• Proses gwynion y Swyddfa Cofnodion Troseddol Opens new window

• Sianeli cyswllt y Swyddfa Cofnodion Troseddol – ffyrdd eraill o gysylltu â'r Swyddfa Opens new window