Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Iau, 4 Hydref 2012

Pobl anabl - Nodwch, os gwelwch yn dda, na ddiweddarir yr adran hon bellach

Pobl anabl

Hawliau, y ddeddfwriaeth a rhieni anabl

Mae gan rieni anabl yr un hawliau â rhieni sydd heb anabledd. Nid oes deddfwriaeth 'rhieni anabl' fel y cyfryw, ond mae deddfwriaeth a chanllawiau penodol yn amddiffyn hawliau rhieni anabl - gan gynnwys yn eu rôl fel rhieni.

Eich hawl i wasanaethau gofal iechyd a chymdeithasol sy'n deg i bawb

Mae gan bobl anabl yr un hawliau cyffredinol â phobl eraill i wasanaethau iechyd a gofal cymdeithasol, ond mae 'na rai darpariaethau arbennig eraill o dan y Ddeddf Gwahaniaethu ar sail Anabledd.

Er enghraifft, mae gennych yr hawl i gael gwybodaeth am wasanaethau iechyd mewn fformat sy'n hwylus i chi lle mae'n rhesymol i'r darparwr gwasanaeth ei darparu ar y fformat hwnnw. Er enghraifft, gallai ysbyty ddarparu ffurflenni a llenyddiaeth esboniadol mewn Braille neu brint bras i'ch helpu os ydych chi'n ddall neu â nam ar eich golwg.

Deddf Hawliau Dynol 1998

Mae gennych yr hawl i wneud eich penderfyniad eich hun am ddod yn rhiant. Ni ddylid gwrthod triniaeth ffrwythlondeb i chi am eich bod yn anabl.

Yn y Ddeddf Hawliau Dynol 1998 mae nifer o ddarpariaethau sy'n berthnasol i rieni anabl, gan gynnwys:

  • Erthygl 8: yr hawl i barch at fywyd preifat a bywyd teulu - ni all y wladwriaeth ymyrryd â bywyd teulu oni bai y bydd angen gwneud hynny er mwyn diogelu eraill, er enghraifft plant
  • Erthygl 12: yr hawl i briodi a magu teulu - dylai gwasanaethau gofal cymdeithasol a darparwyr iechyd gymryd camau rhesymol i'ch helpu i fagu teulu, gan gynnwys rhoi cyngor a chefnogaeth cyn ac ar ôl i'ch babi gael ei eni

Deddf Plant 1989

Cynlluniwyd Deddf Plant 1989 er mwyn cadw plant yn ddiogel ac yn iach ac, os bydd angen, i'w cynorthwyo i fyw â'u teuluoedd drwy ddarparu gwasanaethau addas ar gyfer anghenion pob plentyn.

Er enghraifft, dylai cynghorau lleol sicrhau bod adrannau iechyd ac addysg a chymdeithasau tai yn gweithio gyda'i gilydd i amddiffyn a hybu lles plant.

Os bydd eich cyngor lleol yn meddwl bod eich plentyn 'mewn angen', yna dylai gynnal asesiad dan y Ddeddf Plant 1989 (adran 17).

Mabwysiadu plant

Os ydych chi dros 21 oed ac y gallwch gynnig cartref parhaol, sefydlog a gofalgar, croesewir eich cais i fabwysiadu plentyn. Bydd iechyd a lles yn chwarae rhan mewn asesiadau mabwysiadu, ond ni chewch eich gwrthod yn awtomatig am eich bod yn anabl. Unwaith y byddwch wedi penderfynu ceisio mabwysiadu plentyn, y peth cyntaf y bydd angen i chi ei wneud yw cysylltu â'ch asiantaeth fabwysiadu leol i wneud ymchwiliad cychwynnol.

Yn yr adran hon...

Allweddumynediad llywodraeth y DU