Gwefan llywodraeth y DU

Hawlio tra byddwch chi dramor

Rhaid i chi roi gwybod i'ch swyddfa nawdd cymdeithasol (neu Ganolfan Gwaith neu Ganolfan Byd Gwaith) eich bod yn mynd dramor. Os mai mynd dros dro ydych chi, rhowch y dyddiad pryd yr ydych yn bwriadu dychwelyd.

Mae eich hawl i gael budd-daliadau dramor hefyd yn dibynnu ar y wlad rydych chi'n mynd iddi. Os ydych chi'n mynd i wlad arall yn Ardal Economaidd Ewrop (AEE) neu i wlad sydd â chytundeb nawdd cymdeithasol â'r DU, efallai y bydd modd i chi gael budd-dal na fyddech fel rheol yn gallu'i gael dramor. Neu efallai y bydd modd i chi gael budd-dal gan y wlad honno.

Ar gyfer y rhan fwyaf o fudd-daliadau sy'n cael eu rhoi gan wledydd eraill o dan y trefniant hwn, bydd angen i chi fod wedi talu cyfraniadau Yswiriant Gwladol yn y DU. Mae Ffurflen E301 yn gofnod o gyfraniadau Yswiriant Gwladol y DU a allai helpu'ch cais am fudd-dal diweithdra mewn gwlad arall yn yr UE. Fe allwch chi lwytho'r ffurflen hon a ffurflenni eraill perthnasol drwy ddilyn y ddolen isod.

• Cyfraniadau a ffurflenni Yswiriant Gwladol ar gyfer pobl sy’n byw dramor (gwefan Cyllid a Thollau EM) Opens new window

• Dod o hyd i’ch swyddfa Canolfan Byd Gwaith Opens new window

• Gwybodaeth am AEE Opens new window

Taliadau Tanwydd Gaeaf

Fe allwch chi hawlio'r taliadau hyn o dan rai amgylchiadau penodol. Er mwyn bod yn gymwys, rhaid bod gennych hawl i'r taliadau pan oeddech chi'n byw yn y DU. Mae’n rhaid eich bod yn symud neu wedi symud i wlad arall yn AEE, i'r Swistir neu i Gibraltar.

• Taliadau Tanwydd Gaeaf – newid mewn amgylchiadau (adran pensiynau a chynllunio ar gyfer ymddeol)

Lwfans Ceisio Gwaith

Gwybodaeth ar Lwfans Ceisio Gwaith yn seiliedig ar incwm ac yn seiliedig ar gyfraniadau os ydych yn symud neu’n byw dramor.

Lwfans Ceisio Gwaith ar sail cyfraniadau

Fel arfer, does dim modd i chi gael lwfans ar sail cyfraniadau y tu allan i AEE, ond efallai bod modd i chi gael lwfans ar sail cyfraniadau yn AEE am hyd at dri mis dan yr amgylchiadau hyn:

• bod gennych hawl i gael lwfans ar sail cyfraniadau ar y diwrnod y byddwch chi'n mynd dramor
• eich bod wedi'ch cofrestru fel ceisiwr gwaith am bedair wythnos o leiaf cyn i chi adael. Gall hyn fod yn llai o amser dan amgylchiadau arbennig
• eich bod ar gael i weithio ac yn chwilio'n ddiwyd am waith yng Ngwledydd Prydain hyd at y diwrnod y byddwch chi'n gadael
• eich bod yn mynd dramor i chwilio am waith
• eich bod yn cofrestru i weithio mewn Canolfan Waith gyfatebol yn y wlad dan sylw
• eich bod yn dilyn system y wlad arall ar gyfer hawlio budd-dal

Lwfans Ceisio Gwaith yn seiliedig ar incwm

Os byddwch chi'n symud i fyw dramor yn barhaol, ni allwch gael lwfans ar sail incwm.

Fel rheol, does dim modd i chi gael lwfans ar sail incwm os byddwch chi'n symud dramor dros dro yn unig.

Gofynnwch yn eich swyddfa Canolfan Waith neu Ganolfan Byd Gwaith leol a oes angen i chi lenwi unrhyw ffurflenni cyn i chi fynd dramor, neu os oes angen mwy o wybodaeth arnoch am lwfans ceisio gwaith.

Tâl Mamolaeth Statudol

Fel rheol, os ydych chi'n gweithio i gyflogwr o'r DU yn AEE, bydd modd i chi gael Tâl Mamolaeth Statudol os ydych chi'n gymwys o dan y rheolau cyffredinol.

Os ydych chi'n gweithio y tu allan i AEE, efallai y bydd modd i chi gael Tâl Mamolaeth Statudol os yw'ch cyflogwr yn talu cyfraniadau Yswiriant Gwladol ar eich rhan.

• Tâl Mamolaeth Statudol (adran arian, treth a budd-daliadau)

Tâl Salwch Statudol

Fel rheol, os ydych chi'n gweithio i gyflogwr o'r DU yn AEE, bydd modd i chi gael Tâl Salwch Statudol os ydych chi'n gymwys o dan y rheolau cyffredinol.

I fod yn gymwys os ydych chi'n byw y tu allan i AEE, bydd angen i'ch cyflogwr fod yn talu cyfraniadau Yswiriant Gwladol ar eich rhan.

• Tâl Mamolaeth Statudol (adran arian, treth a budd-daliadau)

Budd-daliadau anabledd

Penderfynodd Llys Cyfiawnder Ewrop ar Hydref 2007 y gellir talu rhai budd-daliadau anabledd y DU i rai pobl sy'n byw dramor. Byddai’n rhaid i bobl byw mewn gwlad arall yn Ardal Economaidd Ewrop neu'r Swistir. Mae'r penderfyniad yn effeithio ar:

• Lwfans Byw i’r Anabl (elfen ofal yn unig)
• Lwfans Gweini
• Lwfans Gofalwr

I gael rhagor o wybodaeth am y penderfyniad hwn, ewch i 'Mynd â budd-daliadau anabledd i wledydd eraill yn Ewrop'.

• Mynd â budd-daliadau anabledd i wledydd eraill yn Ewrop (adran pobl anabl)