Gwefan llywodraeth y DU

Pa newidiadau y mae angen i chi roi gwybod amdanynt

Os bydd eich amgylchiadau'n newid, gall hyn effeithio ar p'un a ydych yn gymwys i gael Taliad Tanwydd Gaeaf neu'r swm y gallwch ei gael.

Bydd angen i chi roi gwybod am newidiadau megis:

• rydych chi neu rywun arall sy'n gymwys i gael Taliad Tanwydd Gaeaf yn symud i mewn i'r tŷ neu allan o'r tŷ
• rydych chi neu rywun arall sy'n gymwys i gael Taliad Tanwydd Gaeaf yn symud i mewn i gartref gofal neu'n mynd i fyw yno
• mae rhywun a oedd yn gymwys i gael Taliad Tanwydd Gaeaf yn y cartref yn marw
• rydych yn newid manylion eich cyfrif banc
• rydych yn symud dramor

Os ydych yn byw neu’n symud dramor, gweler ‘Taliad Tanwydd Gaeaf dramor’ isod.

Mae pwy y mae angen i chi gysylltu ag ef yn dibynnu ar ba un o’r canlynol sy’n disgrifio eich sefyllfa.

Rydych wedi cael Taliad Tanwydd Gaeaf o'r blaen

Os ydych eisoes yn cael Taliad Tanwydd Gaeaf, yna bydd angen i chi gysylltu â'r swyddfa sy'n gwneud eich taliadau fel arfer.

Bydd y manylion cyswllt ar unrhyw ohebiaeth rydych wedi'i chael ynghylch y Taliad Tanwydd Gaeaf.

Os oes gennych ymholiad cyffredinol, gallwch gysylltu â'r Llinell Gymorth Taliadau Tanwydd Gaeaf.

• Llinell Gymorth Taliadau Tanwydd Gaeaf

Nid ydych wedi cael Taliad Tanwydd Gaeaf o'r blaen

Os ydych yn hawlio am y tro cyntaf a bod y wybodaeth yn eich ffurflen hawlio yn anghywir bellach, bydd angen i chi roi gwybod am hynny. Bydd angen i chi gysylltu â'r Llinell Gymorth Taliadau Tanwydd Gaeaf.

• Llinell Gymorth Taliadau Tanwydd Gaeaf

Os oeddech yn arfer cael budd-dal neu Bensiwn y Wladwriaeth yn y gorffennol

Gweler 'Os oeddech yn arfer cael budd-dal neu Bensiwn y Wladwriaeth yn y gorffennol' isod i weld beth i'w wneud nesaf.

Os ydych yn byw yn y DU ac yn credu bod eich taliad yn anghywir

Darllenwch y wybodaeth am y taliad yn 'Taliad Tanwydd Gaeaf - faint y gallwch ei gael a phryd y cewch eich talu’.

Os ydych yn credu eich bod wedi cael y swm anghywir, cysylltwch â'r Llinell Gymorth Taliadau Tanwydd Gaeaf.

• Taliad Tanwydd Gaeaf - faint y gallwch ei gael a phryd y cewch eich talu

• Llinell Gymorth Taliadau Tanwydd Gaeaf

Taliad Tanwydd Gaeaf dramor

Os ydych yn byw dramor, efallai y byddwch yn gallu cael Taliadau Tanwydd Gaeaf os yw pob un o'r canlynol yn berthnasol:

• rydych wedi cyrraedd oedran Pensiwn y Wladwriaeth i fenywod
• rydych yn byw mewn gwlad arall yn yr Ardal Economaidd Ewropeaidd neu yn y Swistir
• mae gennych gyswllt dilys a digonol â’r DU, er enghraifft, rydych wedi byw neu wedi gweithio yn y DU am y rhan fwyaf o’ch bywyd gwaith

Os ydych yn byw yn yr Ardal Economaidd Ewropeaidd neu yn y Swistir a bod angen i chi gysylltu â rhywun ynghylch eich Taliad Tanwydd Gaeaf

Mae'r Tîm Tanwydd Gaeaf yn y Ganolfan Bensiwn Ryngwladol yn gyfrifol am wneud Taliadau Tanwydd Gaeaf i bobl sy'n byw y tu allan i'r DU.

Anfonwch bob gohebiaeth i'r Tîm Taliadau Tanwydd Gaeaf.

• Canolfan Bensiwn Ryngwladol

Os oeddech yn arfer cael budd-dal neu Bensiwn y Wladwriaeth yn y gorffennol

Os cawsoch Daliad Tanwydd Gaeaf ac un o'r canlynol yn y gorffennol - ond nad ydych yn ei gael mwyach - rhaid i chi wneud hawliad:

• Pensiwn y Wladwriaeth
• Lwfans Cyflogaeth a Chymorth
• Cymhorthdal Incwm
• Lwfans Ceisio Gwaith
• Credyd Pensiwn
• Lwfans Gweini
• Budd-dal Profedigaeth
• Lwfans Gofalwr
• Lwfans Byw i'r Anabl
• Budd-dal Ymddeol Graddedig
• Budd-dal Analluogrwydd
• Budd-daliadau Anafiadau Diwydiannol
• Lwfans Anabledd Difrifol
• Pensiwn Rhyfel
• Budd-dal Gwraig Weddw