Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Mercher, 3 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Pensiynau a chynllunio ar gyfer ymddeol

Taliad Tanwydd Gaeaf - faint y gallwch ei gael a phryd y cewch eich talu

Gall faint o Daliad Tanwydd Gaeaf y gallwch ei gael bob gaeaf amrywio yn ôl eich sefyllfa bersonol. Mynnwch wybod pryd y cewch eich talu a faint y gallwch ei gael.

Faint y gallwch ei gael

Dyma'r Taliadau Tanwydd Gaeaf ar gyfer gaeaf 2012/13 wedi'u rhestru yn ôl eich sefyllfa bersonol.

Sefyllfa	Fe'ch ganwyd ar neu cyn 5 Gorffennaf 1951	Rydych yn 80 oed neu'n hŷn ar neu cyn 23 Medi 2012
Rydych yn byw ar eich pen eich hun	£200	£300
Chi yw'r unig berson yn y cartref sy'n gymwys i'w gael	£200	£300
Rydych yn byw gydag unigolyn arall sy'n gymwys i'w gael sydd o dan 80 oed	£100	£200
Rydych yn byw gydag unigolyn arall sy'n gymwys i'w gael sy'n 80 oed neu'n hŷn	£100	£150
Rydych yn cael Credyd Pensiwn, Lwfans Ceisio Gwaith yn seiliedig ar incwm neu Lwfans Cyflogaeth a Chymorth yn gysylltiedig ag incwm. Taliad cyfradd lawn yw hwn p'un a oes pobl gymwys eraill yn y cartref ai peidio.	£200	£300
Rydych yn cael Credyd Pensiwn, Lwfans Ceisio Gwaith yn seiliedig ar incwm neu Lwfans Cyflogaeth a Chymorth yn gysylltiedig ag incwm. Ac rydych yn byw gyda rhywun arall yn y cartref sy'n gymwys i gael Taliad Tanwydd Gaeaf. Os oes rhywun arall yn y cartref yn gymwys i'w gael, ond nad yw'n cael y budd-daliadau uchod, ac nad eich partner/partner sifil ydyw, bydd yn cael taliad a rennir.	£200	£300
Rydych yn gymwys i gael Taliad Tanwydd Gaeaf ac yn byw gyda rhywun sy'n cael Credyd Pensiwn, Lwfans Ceisio Gwaith yn seiliedig ar incwm neu Lwfans Cyflogaeth a Chymorth yn gysylltiedig ag incwm. Os mai eich partner/partner sifil ydyw, bydd yn cael y taliad ar eich rhan.	£0	£0
Rydych yn gymwys i gael Taliad Tanwydd Gaeaf ac yn byw gyda rhywun sy'n cael Credyd Pensiwn, Lwfans Ceisio Gwaith yn seiliedig ar incwm neu Lwfans Cyflogaeth a Chymorth yn gysylltiedig ag incwm. Os nad eich partner/partner sifil ydyw, byddwch yn cael taliad a rennir.	£100	£150
Os yw'r ddau beth canlynol yn berthnasol: rydych yn byw mewn cartref gofal, ysbyty annibynnol neu Gartref Adsefydlu Pwyleg Ilford Park (ac wedi bod yn byw yno ers 12 wythnos neu fwy cyn yr wythnos gymhwyso) nid ydych yn cael Credyd Pensiwn, Lwfans Ceisio Gwaith yn seiliedig ar incwm na Lwfans Cyflogaeth a Chymorth yn gysylltiedig ag incwm	£100	£150
Os yw'r ddau beth canlynol yn berthnasol: rydych yn byw mewn cartref gofal, ysbyty annibynnol neu Gartref Adsefydlu Pwyleg Ilford Park (ac wedi bod yn byw yno ers 12 wythnos neu fwy cyn yr wythnos gymhwyso) rydych yn cael Credyd Pensiwn, Lwfans Ceisio Gwaith yn seiliedig ar incwm neu Lwfans Cyflogaeth a Chymorth yn gysylltiedig ag incwm	Nid ydych yn gymwys i gael Taliad Tanwydd Gaeaf	Nid ydych yn gymwys i gael Taliad Tanwydd Gaeaf

Pryd y cewch eich talu

Caiff y rhan fwyaf o daliadau eu gwneud rhwng mis Tachwedd a mis Rhagfyr 2012. Caiff dros ddeuddeg miliwn o daliadau eu gwneud yn ystod y cyfnod hwn. Nid yw'n bosibl bod yn fwy manwl ynghylch pryd y byddwch yn cael eich Taliad Tanwydd Gaeaf. Byddwch yn cael llythyr hysbysu a bydd hwn yn rhoi dyddiad talu amcangyfrifedig mwy penodol i chi.

Oherwydd y ffordd y caiff taliadau eu gwneud, gallech gael eich taliad ar adeg wahanol i rywun yn eich cartref neu rywun sy'n byw'n agos atoch.

Peidiwch â chysylltu â'r llywodraeth ynghylch pryd y byddwch yn cael eich taliad - oni bai na fyddwch wedi ei gael erbyn mis Ionawr 2013.