Gwefan llywodraeth y DU

Cymorth a chyngor ar gadw'n ddiogel

Awgrymiadau o ran sut i gadw'n ddiogel a chanllaw arfer da ar gyfer teithio neu fyw dramor:

• edrychwch ar wefan y Swyddfa Dramor a Chymanwlad neu ffoniwch 0870 606 0290 am wybodaeth am y wlad y byddwch yn teithio iddi
• prynwch yswiriant teithio a gofalwch bod hwnnw'n addas
• prynwch lawlyfr da a dysgwch lawer am y lleoliad
• dysgwch am y cyfreithiau a'r arferion lleol
• sicrhewch fod gennych chi basport dilys a'r fisas angenrheidiol
• gofalwch eich bod yn gwybod pa frechiadau y mae angen i chi eu cael chwe wythnos o leiaf cyn i chi fynd
• holwch a oes angen i chi gymryd rhagofalon iechyd ychwanegol ai peidio
• sicrhewch fod eich trefnydd gwyliau yn aelod o Gymdeithas Trefnwyr Gwyliau Prydain (ABTA), ac os byddwch chi'n hedfan mewn awyren, sicrhewch fod eich gwyliau wedi'i ddiogelu'n ariannol gan Drwyddedwyr Trefnwyr Teithio Awyrennau (ATOL)
• gwnewch gopïau o'ch pasport, o'ch polisi yswiriant (gan gynnwys rhif argyfwng 24 awr eich yswiriwr a'ch cynllun amddiffyn cardiau), ac o fanylion eich tocynnau - gan adael copïau gyda theulu a ffrindiau
• ewch â digon o arian gyda chi ar gyfer eich taith ynghyd ag arian wrth gefn, e.e. sieciau teithio, punnoedd sterling neu ddoleri'r UDA
• gadewch gopi o gynllun eich taith a'ch manylion cyswllt gyda theulu a ffrindiau - cyfeiriad e-bost, er enghraifft

• Iechyd wrth deithio a'r Cerdyn Yswiriant Iechyd Ewropeaidd (adran teithio a thrafnidiaeth)

Os ydych yn teithio, mae'n bwysig eich bod yn cadw o gwmpas eich pethau

Ar y trên

Os ydych yn aros am drên, gwnewch yn siŵr eich bod yn sefyll yn rhywle sydd wedi'i oleuo'n dda lle gallwch weld popeth o'ch amgylch. Peidiwch â sefyll ar eich pen eich hun.

Pan ewch ar y trên, chwiliwch am sedd mewn cerbyd lle mae pobl eraill yn eistedd. Os bydd rhai pobl yn dechrau codi helynt, peidiwch â bod ofn symud cerbyd os yw hyn yn bosib.

Mewn tacsi

Pan fyddwch yn mynd mewn tacsi i unrhyw le, dylech bob amser wneud yn siŵr eu bod wedi'u trwyddedu. Nid yw pobl sy'n sefyll ar y strydoedd yn gofyn i chi os oes angen tacsi arnoch o reidrwydd yn yrwyr tacsi go iawn; mae'n bosib y byddant yn ceisio eich twyllo neu ymosod arnoch.

Y peth gorau i chi wneud yw mynd i safle tacsis lle rydych yn gwybod bod tacsis trwyddedig yno neu ffonio cwmni tacsi rydych yn ymddiried ynddo i ddod i'ch nôl. Tra'r ydych yn aros i gael eich codi, ewch i rywle lle ceir llawer o bobl, fel archfarchnad neu fwyty. Peidiwch â chymryd risg a mynd i mewn i gar nad ydych yn sicr ohono.

Ar y stryd

Os ydych yn cerdded o gwmpas, mae pethau y gallwch eu gwneud er mwyn cadw'n ddiogel. Yn gyntaf, arhoswch mewn ardaloedd sydd wedi'u goleuo'n dda a lle ceir pobl o gwmpas. Os ydych yn mynd i rywle sy'n eithaf adnabyddus am fod ag enw drwg, peidiwch â mynd yno ar eich pen eich hun a cheisiwch beidio tynnu gormod o sylw atoch chi'ch hun.

Peidiwch â dangos eich ffôn neu'ch chwaraewr MP3 neu mae'n bosib y byddwch yn darged i fygwyr. Os ydych yn cario bag, sicrhewch ei fod wedi'i gau'n ddiogel ac na ellir ei gipio o'ch llaw neu'ch ysgwydd. Os ydych yn gwisgo sgarff, gwisgwch ef yn dynn heb linynnau rhydd y gellid eu tynnu er mwyn mynd â'ch sylw.

• Cael gwybod cyn mynd (Swyddfa Dramor a Chymanwlad) Opens new window