Gwefan llywodraeth y DU

Pa fath o gemau mae plant yn eu chwarae?

Gall gemau fideo ar gyfrifiaduron a chonsolau gemau fod o fudd addysgol, a chorfforol weithiau, i'ch plentyn. Wrth i'r dechnoleg wella ac wrth iddynt ddod yn fwy poblogaidd, mae nifer o wahanol fathau o gemau ac arddulliau chwarae bellach ar gael.

Mae'r gystadleuaeth yn y farchnad a gofynion cynyddol y rheini sy'n eu chwarae wedi golygu bod gemau wedi datblygu mwy o fanylder a mwy o elfennau personol.

Er mwyn rhoi'r cyfle gorau i chi'ch hun i helpu eich plentyn i aros yn ddiogel, dysgwch am y gwahanol fathau o gemau mae plant yn chwarae ar-lein.

• Egluro mathau o gemau Opens new window

Statws oed a chynnwys ar gyfer gemau

Mae nifer o gemau ar gyfer oedolion ac efallai eu bod yn cynnwys themâu, iaith a delweddau sy'n amhriodol i'ch plentyn. Mae'n bwysig eich bod yn gwneud yn siŵr bod y gemau maent yn eu chwarae yn addas iddynt.

Rhaid i bob gêm fideo a werthir yn y DU ddangos statws oed yn glir ar flaen ac ar gefn ei flwch. Caiff y statws oed ei ddewis drwy ddefnyddio’r system Gwybodaeth Gemau Pan-Ewropeaidd (PEGI). Mae dosbarthiadau a labeli PEGI yn orfodol ar gyfer cynhyrchion sy’n anaddas i blant dan 12 oed ac mae’n ofyniad i sicrhau bod cynhyrchion sydd â PEGI statws o 12, 16 neu 18 ond yn cael eu gwerthu i'r rheini sydd wedi cyrraedd yr oedran perthnasol.

Mae'n anghyfreithlon i adwerthwr werthu gêm fideo gyda statws oed PEGI o 12, 16 neu 18 oed i rywun o dan yr oedran hwnnw. Hefyd, pan fo'n briodol, gofynnir i gemau ddangos eiconau ar eu blychau i roi syniad o'r cynnwys. Mae'r eiconau hyn yn cynnwys cyffuriau, trais, iaith anweddus a themâu o natur rywiol.

Y Bwrdd Dosbarthu Ffilmiau Prydain (BBFC) oedd yn dewis statws oed gemau hyd at 20 Gorffennaf 2012, a defnyddid y system PEGI ar gyfer gemau a oedd wedi’u heithrio rhag dosbarthiad.

• Canllaw i'r statws oed a'r eiconau Opens new window

• Gwybodaeth Gemau Pan-Ewropeaidd (PEGI) Opens new window

Sgwrsio a chyfathrebu â chwaraewyr eraill

Wrth chwarae ar-lein, gall chwaraewyr gyfathrebu â'i gilydd drwy:

• anfon negeseuon y gellir eu teipio fel rhan o'r gêm
• sgwrsio ar-lein wrth chwarae'r gêm
• siarad drwy ddefnyddio clustffonau/meicroffonau

Er bod nifer o gymunedau ac amgylcheddau gemau'n cael eu safoni, efallai na chaiff rhywfaint o'r cyfathrebu ei fonitro. Gall hyn roi eich plentyn mewn perygl o seiberfwlio neu gyswllt gan bobl ddieithr a allai fod yn beryglus.

• Seiberfwlio: siarad â'ch plentyn am gadw'n ddiogel ar gyfrifiaduron a ffonau symudol

• Cadw plant yn ddiogel ar-lein

Gosod rheolaeth dechnegol gan rieni

Gallwch ddefnyddio'r gosodiadau i rieni ar y cyfrifiadur neu'r consol i reoli'r hyn gall eich plentyn ei wneud. Gallai hyn rwystro eich plentyn rhag chwarae gemau penodol a allai gynnwys deunyddiau amhriodol neu eu rhwystro rhag chwarae ar-lein heb oruchwyliaeth.

Gallwch edrych yn llawlyfr defnyddiwr y cyfarpar neu ar wefan y gwneuthurwr er mwyn gweld pa reolaeth allwch chi ei gael.

Awgrymiadau ar gyfer aros yn ddiogel wrth chwarae ar-lein

Gallwch helpu i gadw eich plentyn yn ddiogel drwy ddilyn yr awgrymiadau hyn:

• sgwrsio â nhw am y gemau a gofyn pwy maent yn cysylltu â nhw
• ymchwilio i gemau cyn penderfynu a ydynt yn briodol i'ch plentyn ai peidio – mae fforymau barn defnyddwyr ar gael ar-lein, ynghyd â chyhoeddiadau a gwefannau arbennig sy'n adolygu gemau.
• dewch yn gyfarwydd â'r gemau i wneud yn siŵr eu bod yn briodol – gallwch wneud hyn drwy eu chwarae eich hunain neu drwy wylio eich plentyn yn eu chwarae
• gofynnwch iddynt ddefnyddio enw sgrin nad yw'n cynnwys dim cliwiau am eu henw go iawn
• dywedwch wrthynt am beidio byth â rhoi gwybodaeth bersonol megis eu cyfeiriad e-bost, eu rhif ffôn neu eu lleoliad.
• dywedwch wrthynt i roi gwybod i chi os ydynt yn cael eu bwlio neu os oes unrhyw ddefnyddwyr maent yn teimlo'n anghyfforddus yn eu cylch - mae nifer o gemau'n cynnwys cyfleusterau i 'rwystro' chwaraewyr eraill
• rhowch wybod am unrhyw ymddygiad bygythiol neu amheus i weinyddwyr y gêm neu i'r ganolfan Camfanteisio ar Blant a'u Hamddiffyn Ar-lein (CEOP)

Yn yr un modd â phob amgylchedd ar-lein, os bydd eich plentyn gwneud ffrind ar-lein ac eisiau cwrdd â nhw, dylech chi bob amser fynd gyda nhw.

• Rhoi gwybod am gam-drin - Canolfan Camfanteisio ar Blant a'u Hamddiffyn Ar-lein (CEOP)

Mwy o ddolenni defnyddiol

• Bod yn ddiogel ar-lein (adran y cartref a'r gymuned)

Cysylltiadau defnyddiol

• Cysylltiadau rhieni