Gwefan llywodraeth y DU

Pam mae'r MSVA yn bodoli?

Mae'n ofynnol, ledled y Gymuned Ewropeaidd, i feiciau modur a cherbydau tebyg gael cymeradwyaeth math cyn cael eu cofrestru. Set o safonau dylunio, adeiladu ac amgylcheddol wedi'u cysoni yw cymeradwyaeth math, sy'n caniatáu i weithgynhyrchwyr gadw at un set o ofynion ar gyfer y farchnad Ewropeaidd.

Cyn i'r ECWVTA gael ei gyflwyno, cynhaliodd y llywodraeth ymgynghoriad ynghylch sut y byddai cymeradwyaeth math yn effeithio ar y farchnad beiciau modur yng Ngwledydd Prydain. Ar sail yr ymgynghoriad hwn, penderfynodd y llywodraeth bod natur y farchnad beiciau modur yng Ngwledydd Prydain yn golygu bod arni angen cynllun math cerbyd sengl i redeg ar y cyd â'r ECWVTA.

Cerbydau y mae angen prawf MSVA arnynt

Mae MSVA yn berthnasol i'r mathau canlynol o gerbydau, os nad ydynt wedi'u cofrestru, os ydynt dan 10 oed, ac os nad oes ganddynt ECWVTA.

• mopeds dwy olwyn
• mopeds tair olwyn
• beiciau modur pedair olwyn ysgafn
• beiciau modur solo
• cyfuniadau beiciau modur
• beiciau modur tair olwyn
• beiciau modur pedair olwyn trwm

Mae diffiniad o'r mathau hyn o gerbydau i'w gweld yng nghanllawiau'r MSVA

• Llwytho ‘Canllawiau'r MSVA’ - SVA4(M) (PDF, 121K) Opens new window

• Ffurflen gais MSVA’ - MSVA1 (PDF, 90K) Opens new window

Mae MSVA hefyd yn un o ofynion yr Asiantaeth Trwyddedu Gyrwyr a Cherbydau (DVLA) ar gyfer cerbydau penodol sydd wedi'u newid yn sylweddol neu wedi'u hadeiladu gan ddefnyddio cymysgedd o ddarnau cerbydau a gofrestrwyd o'r blaen e.e:

• cerbydau a ailadeiladwyd gan ddefnyddio fframiau ail-law
• cerbydau sydd wedi'u trosi i fod â chynllun olwynion gwahanol

Cymeradwyaeth Cerbyd Sengl i Feiciau Modur Rhannol (PMSVA)

Rhoddir Tystysgrif Cydymffurfio i gerbydau sydd ag ECWVTA. Datganiad gan y gwneuthurwr yw hwn bod y cerbyd, a adnabyddir drwy gyfeirio at ei rif adnabod cerbyd, yr un fath ym mhob agwedd â'r math a gafodd ei gymeradwyo. Fel arfer, mae'r ddogfen hon yn ddigon o dystiolaeth y gall DVLA drwyddedu a chofrestru'r cerbyd ar gyfer cael ei ddefnyddio ar y ffordd yn Ngwledydd Prydain.

Bydd y Tystysgrif Cydymffurfio yn cynnwys datganiad sy'n nodi pa reolau'r ffordd a pha unedau ar y cloc cyflymder y mae'r cerbyd wedi'i gymeradwyo ar eu cyfer. Mae'n bosibl nad yw rhai cerbydau sydd â chymeradwyaeth math yn addas i'w defnyddio yng Ngwledydd Prydain. Lle bo hyn yn wir gall VOSA gynnal prawf MSVA Rhannol i gadarnhau bod unrhyw newidiadau angenrheidiol wedi cael eu gwneud yn gywir. Dyma'r eitemau fydd yn cael eu profi:

• patrwm y golau blaen wedi dipio (mae hyn yn sicrhau bod y golau blaen yn addas ar gyfer gyrru ar y chwith)
• y cloc cyflymder (mae hyn i sicrhau bod y cyflymder yn cael ei ddangos mewn milltiroedd yr awr, neu bod gan y cloc farciau m.y.a. a km/a)
• lleoliad y drych, mae hyn ond yn berthnasol yn achos moped sydd ag un drych (mae'r prawf yn sicrhau bod y drych sengl wedi'i osod ar ochr allanol (ochr dde) y cerbyd)

• Llwytho ‘Holi ac Ateb MSVA Rhannol’ (PDF, 8K) Opens new window

• Llwytho ‘Ffurflen gais MSVA Rhannol’ PMSVA1 (PDF, 195K) Opens new window