Gwefan llywodraeth y DU

Ffurflenni treth y mae’n bosib y bydd angen i chi eu llenwi

Pan fydd rhywun yn marw, dylech ddweud wrth Gyllid a Thollau EM cyn gynted ag y bo'n ymarferol bosib mai chi yw’r cynrychiolydd personol. Bydd Cyllid a Thollau EM wedyn yn anfon y ffurflenni angenrheidiol atoch.

Gallwch ffonio Llinell Gymorth Profedigaeth Cyllid a Thollau EM neu ysgrifennu at Gyllid a Thollau EM. Bydd angen rhif Yswiriant Gwladol neu’r rhif Cyfeirnod Trethdalwr Unigryw (UTR) y sawl a fu farw pan fyddwch yn cysylltu. Gallwch ddod o hyd i rain ar ohebiaeth gan Gyllid a Thollau EM, megis cod treth neu ffurflen dreth Hunanasesu.

• Ffonio neu ysgrifennu at Gyllid a Thollau EM Opens new window

Ffurflen R27

Mae’n bosib y bydd Cyllid a Thollau EM yn anfon ffurflen R27 atoch, ‘Adhawlio treth neu dalu treth pan fydd rhywun yn marw’. Byddwch hefyd yn derbyn rhai nodiadau i’ch helpu chi i lenwi’r ffurflen. Bydd adran 5 y ffurflen yn dweud wrthych pu’nai bod angen i chi lenwi ffurflen dreth neu beidio.

• Cael ffurflen R27 ‘ Adhawlio treth neu dalu treth pan fydd rhywun yn marw’ Opens new window

Ffurflen Dreth Hunanasesu

Mae’n bosib y bydd angen i chi lenwi ffurflen dreth ar ran y sawl a fu farw.

I gael gwybod os oes angen i chi lenwi ffurflen dreth, bydd angen i chi lenwi ffurflen R27 yn gyntaf.

Os oes angen ffurflen dreth arnoch, bydd Cyllid a Thollau EM yn anfon un i chi ar ddiwedd y flwyddyn dreth y bu’r sawl farw. Bydd y ffurflen hon yn cynnwys y cyfnod o 6 Ebrill i ddyddiad y farwolaeth. Gallwch ofyn am ffurflen dreth yn gynt os ydych yn dymuno cwblhau materion treth y sawl a fu farw yn gynt.

• Llenwi ffurflen dreth ar ran rhywun sydd wedi marw

Ffurflen Dreth Ymddiriedolaethau ac Ystadau

Fel cynrychiolydd personol, rydych chi’n gyfrifol am roi gwybod am unrhyw incwm a dderbyniwyd, ac am unrhyw enillion neu golledion a wnaed yn ystod y cyfnod gweinyddu. Mae’r cyfnod hwn yn dechrau ar y diwrnod y bu farw’r unigolyn ac yn dod i ben pan fydd y gwaith o ymdrin â’i ystad wedi dod i ben. Mae’r sefyllfa dreth ar gyfer y cyfnod hwn yn syml fel rheol, ac ni fydd yn rhaid i chi lenwi Ffurflen Dreth Ymddiriedolaethau ac Ystadau. Bydd y Swyddfa Dreth yn dweud wrthych pa wybodaeth y mae ei hangen arnynt. Ond os byddant yn anfon ffurflen dreth atoch, bydd yn rhaid i chi ei llenwi a'i dychwelyd.

• Llenwi'r Ffurflen Ymddiriedolaethau ac Ystadau ar ôl marwolaeth

Cadw a dod o hyd i gofnodion

Efallai y byddwch yn ei chael hi’n ddefnyddiol i weld pa gofnodion y bydd eu hangen arnoch er mwyn ymdrin â materion treth yr ymadawedig a’r ystad. Dilynwch y ddolen isod i gael gwybod mwy.

• Cofnodion treth y mae eu hangen pan fydd rhywun yn marw

Dyddiadau cau ar gyfer dychwelyd y ffurflen dreth

Os gofynnir i chi lenwi ffurflen dreth, mae'n rhaid i chi ei dychwelyd erbyn:

• 31 Hydref yn dilyn y flwyddyn dreth berthnasol os ydych chi’n llenwi’r ffurflen bapur
• 31 Ionawr yn dilyn y flwyddyn dreth berthnasol os ydych chi’n ffeilio’r ffurflen ar-lein

Os dymunwch chi, gallwch anfon ffurflen dreth yn ôl yn gynharach. Er enghraifft, gan eich bod am gwblhau:

• manylion treth yr ymadawedig hyd at ddyddiad y farwolaeth yn ystod y flwyddyn dreth pan fu farw
• y cyfnod gweinyddu yn ystod y flwyddyn dreth pan mae'n dod i ben

Yn yr achosion hyn, bydd angen i chi ofyn i Gyllid a Thollau EM am ffurflen dreth bapur – ni fydd modd i chi ei ffeilio ar-lein.

• Ffonio neu ysgrifennu at Gyllid a Thollau EM Opens new window

Cael help a chyngor

Delio â materion treth y sawl a fu farw
Efallai y bydd angen help arnoch i ddelio â materion treth neu ffurflen dreth y sawl a fu farw, yn enwedig os oedd y golled yn un bersonol i chi. Bydd Cyllid a Thollau EM yn gallu eich helpu drwy drafod gyda chi dros y ffôn beth mae angen i chi ei wneud ac, os bydd angen, trefnu i chi gael cyfarfod wyneb yn wyneb.

Gallwch ffonio’r Llinell Gymorth Materion Treth neu ysgrifennu at Gyllid a Thollau EM.

• Ffonio neu ysgrifennu at Gyllid a Thollau EM Opens new window

Cael help gyda’r ffurflen dreth

Os oes angen cymorth arnoch i lenwi’r ffurflen dreth hyd at ddyddiad y farwolaeth, gallwch ffonio’r Llinell Gymorth Hunanasesu. Byddant yn gallu cynnig arweiniad ar y ffurflen dreth a rhoi cyngor cyffredinol am Hunanasesu i chi.

• Cysylltu â'r Llinell Gymorth Hunanasesu Opens new window

Delio â’r ystad a’r cyfnod gweinyddu
Os ydych chi’n dymuno cael gwybodaeth gyffredinol am Dreth Incwm neu Dreth Enillion Cyfalaf yn ystod y cyfnod gweinyddu, gallwch ffonio'r Llinell Gymorth ar gyfer Ystadau Pobl sydd wedi Marw.

• Cysylltu â'r Llinell Gymorth ar gyfer Ystadau Pobl sydd wedi Marw Opens new window

Cysylltu â Swyddfa Ymddiriedolaethau ac Ystadau Cyllid a Thollau EM

Os byddwch chi'n llenwi’r Ffurflen Dreth Ymddiriedolaethau ac Ystadau, gan amlaf, Swyddfa Ymddiriedolaethau ac Ystadau Cyllid a Thollau EM fydd yn delio â’r ffurflen yn hytrach na Swyddfa Dreth y sawl a fu farw.

Mae’r Swyddfa Ymddiriedolaethau ac Ystadau hefyd yn delio ag ymholiadau cyffredinol ynghylch Treth Incwm neu Dreth Enillion Cyfalaf sy’n gysylltiedig ag ymddiriedolaethau.

• Ymddiriedolaethau ac Ystadau Cyllid a Thollau EM

Mwy o ddolenni defnyddiol

• Cael trefn ar faterion treth rhywun ar ôl iddynt farw (adran llywodraeth, dinasyddion a hawliau)

• Marwolaeth a phrofedigaeth (adran llywodraeth, dinasyddion a hawliau)

• Gwneud cais am brofiant Opens new window

Cysylltiadau defnyddiol

• Hunanasesu a’ch ffurflen dreth