Nodwch fod gan y wefan hon system allweddumynediad llywodraeth y DU
Os ydych chi’n drethdalwr yn y DU dylech gadw cofnod o'r dreth y byddwch yn ei thalu bob blwyddyn ynghyd â chofnodion eraill sy'n ymwneud â'ch incwm a'ch costau. Bydd angen y rhain arnoch i'ch helpu i lenwi’ch ffurflen dreth neu i ateb unrhyw gwestiynau gan Gyllid a Thollau EM ynghylch ffurflen rydych eisoes wedi'i llenwi.
Os oes rhaid i chi anfon ffurflen dreth at Gyllid a Thollau EM, dylech gadw’r holl gofnodion a’r dogfennau y bydd eu hangen arnoch i gofnodi’r ffigurau cywir. Os bydd angen i Gyllid a Thollau EM ymchwilio i’ch ffurflen dreth, mae’n bosib y byddant yn gofyn am gael gweld y cofnodion a ddefnyddiwyd i lenwi’r ffurflen.
Os na fyddwch yn cadw cofnodion digonol neu os na fyddwch chi'n cadw'ch cofnodion am gyfnod digon hir, efallai y bydd yn rhaid i chi dalu dirwy.
Mae’r canllaw hwn yn ymdrin â chofnodion cyffredin efallai y bydd angen i gyflogeion, cyfarwyddwyr neu unigolion sydd ddim yn gweithio, gan gynnwys pensiynwyr, eu cadw. Os ydych chi'n hunangyflogedig, yn fusnes neu’n ymddiriedolwr, neu os ydych yn delio â materion treth rhywun sydd wedi marw, gweler hefyd yr adran ddiweddarach ‘Cadw cofnodion at ddibenion treth – amgylchiadau eraill’.
Incwm o gyflogaeth
Dylech gadw dogfennau sy'n cynnwys manylion eich cyflog a'r dreth a ddarperir gan eich cyflogwr, gan gynnwys y canlynol:
Dylech hefyd gadw tystiolaeth am unrhyw incwm neu fuddion eraill a gewch yn sgil eich cyflogaeth nad ydynt wedi'u cynnwys yn y rhestr uchod, er enghraifft:
Cofnodion treuliau
Pan rydych yn gyflogedig, efallai y bydd yn rhaid i chi dalu treuliau eich hun er mwyn gwneud eich gwaith. Efallai y gallwch hawlio’r holl dreuliau hyn neu rai ohonynt er mwyn lleihau'r dreth y bydd yn rhaid i chi ei thalu. Bydd angen i chi gadw cofnodion fel y gallwch gynnwys y treuliau yn eich ffurflen dreth Hunanasesu.
Cofnodion budd-daliadau
Dylech gadw unrhyw ddogfennau sy'n gysylltiedig â'r canlynol:
Cofnodion pensiwn
Dylech gadw'r canlynol:
Llog, difidendau neu incwm arall o gynilion, buddsoddiadau neu ymddiriedolaethau yn y DU
Dylech gadw’r canlynol:
Dylech gadw'r canlynol hefyd:
Incwm o eiddo
Os ydych chi’n cael incwm drwy osod eiddo, bydd angen i chi gadw cofnod o'r rhent a gafwyd a'r costau a dalwyd gennych.
Incwm neu enillion tramor
Bydd angen i chi gadw unrhyw dalebau difidend, tystysgrifau treth a chofnodion ariannol personol, gan gynnwys:
Incwm o gynlluniau cyfranddaliadau cyflogeion neu fuddion sy'n gysylltiedig â chyfranddaliadau
Dylech gadw gwybodaeth am unrhyw opsiynau cyfranddaliadau a ddyfarnwyd neu drefniadau cyfrannu at gynlluniau cyfranddaliadau, gan gynnwys:
Cofnodion Treth Enillion Cyfalaf
Mae’r cofnodion y dylech eu cadw'n dibynnu ar eich amgylchiadau – ond mae'n syniad da cadw unrhyw gofnodion sy'n gysylltiedig ag ased rydych yn berchen arno rhag ofn i chi wneud elw neu golled wrth werthu’r ased, ei drosglwyddo neu ei gyfnewid.
Dylech bob amser gadw unrhyw wybodaeth rydych wedi'i defnyddio i wneud y canlynol:
Mae’n rhaid i chi gadw'ch cofnodion am gyfnod penodol, fel y disgrifir isod, rhag ofn i Gyllid a Thollau EM benderfynu ymchwilio i’ch ffurflen dreth. Sylwer fod gan Gyllid a Thollau EM fwy o amser i ymchwilio i’ch ffurflen dreth os byddwch yn cyflwyno'ch ffurflen dreth ar ôl y dyddiad cau, sef 31 Ionawr.
Os byddwch yn dychwelyd eich ffurflen dreth ar y dyddiad cau arferol o 31 Ionawr neu cyn hynny, rhaid i chi gadw'ch cofnodion am flwyddyn arall ar ôl y dyddiad cau hwn. Mae hyn yn berthnasol i ffurflenni treth papur a ffurflenni treth ar-lein.
Er enghraifft, ar gyfer ffurflen dreth 2011-12 a gafodd ei ffeilio ar 31 Ionawr 2013 neu cyn hynny, bydd yn rhaid i chi gadw'ch cofnodion tan 31 Ionawr 2014.
Fodd bynnag, efallai y bydd arnoch angen eu cadw am gyfnod hirach os oes ymchwiliad eisoes ar y gweill. Yn yr achos hwn, bydd angen i chi gadw'ch cofnodion nes bydd Cyllid a Thollau EM yn ysgrifennu atoch i ddweud wrthych eu bod wedi cwblhau'r ymchwiliad.
Os byddwch yn dychwelyd eich ffurflen dreth ar ôl y dyddiad cau arferol o 31 Ionawr, naill ai oherwydd iddi gael ei chyhoeddi'n hwyr neu oherwydd eich bod chi wedi’i dychwelyd yn hwyr, rhaid i chi gadw'ch cofnodion am 15 mis ar ôl y dyddiad anfon. Mae hyn yn berthnasol i ffurflenni treth papur a ffurflenni treth ar-lein.
Er enghraifft, ar gyfer ffurflen dreth 2011-12 a gafodd ei ffeilio ar 28 Chwefror 2013, dylech gadw'ch cofnodion tan 31 Mai 2014.
Fodd bynnag, efallai y bydd arnoch angen eu cadw am gyfnod hirach os oes ymchwiliad eisoes ar y gweill. Yn yr achos hwn, bydd angen i chi gadw'ch cofnodion nes bydd Cyllid a Thollau EM yn ysgrifennu atoch i ddweud wrthych eu bod wedi cwblhau'r ymchwiliad.
Os ydych yn cael incwm arall, megis incwm o siop neu fusnes eiddo, bydd angen i chi gadw'r cofnodion am gyfnod hirach. Cewch wybod mwy drwy ddefnyddio’r dolenni isod.
Os yw'ch cofnodion ar goll neu os cânt eu dinistrio ac na allwch gael rhai newydd yn eu lle, rhaid i chi roi gwybod i Gyllid a Thollau EM beth sydd wedi digwydd a gwneud eich gorau i'w hail-greu.
Ar ôl i chi ailgasglu’r wybodaeth, dylech ei defnyddio i lenwi eich ffurflen dreth. Rhaid i chi roi gwybod i Gyllid a Thollau EM a yw unrhyw ffigurau dros dro:
Os byddwch yn gwneud addasiadau yn nes ymlaen ac nad ydych wedi talu digon o dreth, efallai y bydd yn rhaid i chi dalu llog a chosbau.
Mae’r mathau o gofnodion y bydd yn rhaid i chi eu cadw’n dibynnu i raddau helaeth ar eich amgylchiadau.
Mae’r adrannau uchod yn ymdrin â'r cofnodion cyffredin efallai y bydd angen i gyflogeion, cyfarwyddwyr a phensiynwyr eu cadw. Gallwch ddod o hyd i erthyglau eraill sydd efallai’n cyfateb yn well i’ch amgylchiadau chi drwy ddilyn y dolenni isod.
Darparwyd gan HM Revenue and Customs