Gwefan llywodraeth y DU

Gweld a ydych yn gymwys i gael prydau i’ch cartref

Os hoffech chi gael prydau i’ch cartref, bydd angen i chi gysylltu ag adran gwasanaethau cymdeithasol eich cyngor. Byddant yn cynnal asesiad i ganfod beth yw eich anghenion ac yn dweud wrthych a ydych yn gymwys i gael prydau i'ch cartref ai peidio. Ewch i ‘Asesiadau iechyd a gofal cymdeithasol’ i gael gwybod beth fydd yr asesiad yn ei olygu a sut mae cysylltu ag adran gwasanaethau cymdeithasol eich cyngor lleol.

• Asesiadau iechyd a gofal cymdeithasol (adran pobl anabl)

Sut mae’r cynllun prydau i’ch cartref yn gweithio

Codir tâl am y gwasanaeth hwn fel arfer. Bydd amrywiaeth o brydau ar gael, a’r rheini’n ystyried gofynion diwylliannol a chrefyddol pobl, eu dewis fwydydd a'u hanghenion deietegol.

Pan fydd y tîm gwasanaethau cymdeithasol wedi cytuno y cewch brydau i'ch cartref, dylech gael 'cytundeb gwasanaeth' syml. Bydd y cytundeb yn nodi:

• ar ba ddyddiau y byddwch yn cael y prydau
• faint fydd angen i chi ei dalu
• sut mae cysylltu â rheolwr y gwasanaeth

Mae’n bosib y cynigir prydau wedi’u rhewi i chi, y gallwch eu rhoi yn y rhewgell a’u bwyta yn nes ymlaen, yn hytrach na phrydau poeth. Fel arfer, dim ond os na allwch ymdopi â’r gwasanaeth prydau wedi’u rhewi y danfonir prydau poeth i chi.

Efallai y gallwch hefyd fenthyca offer i ailgynhesu'r pryd eich hun a rhewgell fechan os oes angen un arnoch.

Cael gwybod mwy am brydau i’r cartref

Bydd y ddolen isod yn gofyn i chi roi manylion ble'r ydych yn byw ac yna'n mynd â chi at wefan eich awdurdod lleol ble gallwch gael mwy o wybodaeth am brydau i'ch cartref.

• Cael gwybod am wasanaethau pryd ar glud yn eich ardal chi Opens new window