Gwefan llywodraeth y DU

Trefnu arddangosiad tân gwyllt

Pan fyddwch yn trefnu arddangosiad tân gwyllt, sefydlwch bwyllgor lle bydd pob unigolyn yn gyfrifol am dasg benodol. Ceisiwch gael o leiaf un person ar y pwyllgor sydd â phrofiad o drefnu arddangosiad tân gwyllt, a sicrhewch fod pawb yn deall diogelwch tân gwyllt.

Sicrhewch fod gan bawb gopi o ganllaw'r Awdurdod Gweithredol Iechyd a Diogelwch, 'Cael eich arddangosiad tân gwyllt eich hun’. Defnyddiwch y ddolen isod er mwyn archebu’r canllaw hwn.

• Cael eich arddangosiad tân gwyllt eich hun Opens new window

Gyda phwy y dylech gysylltu ynghylch eich arddangosiad tân gwyllt

Cysylltwch â’r mudiadau canlynol mewn da bryd i roi gwybod iddynt am eich cynlluniau ar gyfer yr arddangosiad tân gwyllt:

• y Gwasanaeth Tân lleol
• yr heddlu
• mudiadau cymorth cyntaf, megis Ambiwlans Sant Ioan, i drefnu man cymorth cyntaf o dan ofal goruchwylwyr
• eich cyngor lleol - edrychwch i weld a oes angen trwydded arnoch
• Gwylwyr y Glannau, os bydd eich arddangosiad yn digwydd o fewn pum milltir i’r arfordir

Dylech chi hefyd gysylltu â’r rheini y mae’n bosib y bydd angen iddynt baratoi ar gyfer arddangosiad tân gwyllt, megis ffermwyr, stablau a chytiau cŵn. Mae’n bosib y byddai pobl hŷn sy’n byw ar eu pennau eu hunain neu mewn llety gwarchod hefyd yn gwerthfawrogi rhybudd ymlaen llaw, fel na fydd y sŵn yn eu dychryn.

Mae’n ddefnyddiol cael un person yn gyfrifol am gysylltu â’r holl fudiadau angenrheidiol.

• Cysylltu â’ch swyddfa heddlu leol

• Ambiwlans Sant Ioan Opens new window

• Cysylltu â’ch cyngor lleol Opens new window

• Cysylltu â Gwylwyr y Glannau lleol

Rhestr wirio ar gyfer arddangosiad tân gwyllt

Yn ogystal â chysylltu â’r holl fudiadau angenrheidiol, a siarad gyda nhw, bydd angen i chi a’ch tîm wneud y canlynol:

• trefnu i’r tân gwyllt gael eu danfon a’u storio’n ddiogel
• rhybuddio cymdogion fel y gallant gadw eu hanifeiliaid anwes o dan do
• benthyg neu logi dillad arbennig, megis siacedi fflworoleuol, fel bod pawb yn gallu eich adnabod chi a’ch tîm ar y noson
• sicrhau bod gennych chi system sain gyhoeddus (uchelseinydd fan leiaf) er mwyn gallu rhoi cyfarwyddiadau, e.e. i wacau’r ardal mewn argyfwng
• trefnu bod diffoddwyr tân, biniau ysbwriel metel a bwcedi o ddŵr a thywod ar gael ar y noson
• sicrhau bod gennych chi ddigonedd o dortshis gyda batris llawn
• rhoi gwybod i bobl na chaiff gwylwyr ddod â’u tân gwyllt eu hunain, gan gynnwys ffyn gwreichion
• gwneud yr holl arwyddion angenrheidiol
• sicrhau fod gennych chi ddigon o bobl i helpu ar y noson, gan gynnwys rhai pobl ychwanegol rhag ofn y bydd rhywun yn sâl
• edrych i weld a yw eich polisi yswiriant yn yswirio unrhyw anafiadau’n ymwneud â thân gwyllt - chwiliwch am gwmni sydd wedi arfer ag yswirio digwyddiadau cyhoeddus

Dewis lleoliad addas

Dewiswch ardal fawr a chlir, sydd a’r gwair wedi’i dorri ac sydd hefyd yn glir o adeiladau, coed a pheryglon, megis ceblau uwchben. Fan leiaf, bydd arnoch angen ardal sydd:

• o leiaf 50 metr wrth 20 metr i danio’r tân gwyllt
• o leiaf 100 metr wrth 50 metr y tu ôl i hwnnw yng nghyfeiriad y gwynt ar gyfer yr ‘ardal ddisgyn’ (ble fydd y tân gwyllt yn glanio) - edrychwch o flaen llaw i weld beth yw rhagolwg y tywydd
• 25 metr oddi wrth yr ardal danio ar yr ochr gyferbyn â’r ardal ddisgyn ar gyfer y gwylwyr

Dylech chi ystyried canslo’r arddangosiad os yw’r tywydd yn wyntog iawn.

Sicrhewch fod gennych chi gymaint â phosib o allanfeydd a mynedfeydd diogel, wedi’u goleuo’n dda ac wedi’u harwyddo’n glir. Mae’n rhaid i’r rhain fod draw oddi wrth yr ardaloedd tanio a disgyn.

Cadwch ardal y maes parcio draw oddi wrth eich arddangosiad a’r ardal ddisgyn. Dylai gael ei arwyddo’n glir gyda mynedfa ar wahân ar gyfer cerddwyr.

• Gwybodaeth am y tywydd gan y Swyddfa Dywydd Opens new window

Cadw rheolaeth ar y dorf

Mae rheoli’r dyrfa’n effeithiol yn hanfodol er mwyn atal damweiniau. Bydd angen i chi wneud y canlynol:

• cael un stiward ar gyfer bob 250 gwyliwr
• sicrhau bod eich stiwardiaid yn gwybod beth i’w wneud mewn argyfwng
• cadw gwylwyr allan o ardal yr arddangosiad a'r ardal ddisgyn
• gwylio rhag gorlenwi a dilyn cyngor yr heddlu

Delio â thân gwyllt gyda gofal

Sicrhewch eich bod yn gwybod sut i ddelio â thân gwyllt a sut i’w tanio cyn yr arddangosiad. Gweler ‘Diogelwch tân gwyllt a’r gyfraith’ i gael mwy o wybodaeth.

• Diogelwch tan gwyllt a'r gyfraith

Ar ôl y digwyddiad

Pan fydd y digwyddiad ar ben, sicrhewch fod gennych chi ddigon o bobl i'ch helpu i wneud y canlynol:

• hel gwylwyr oddi ar y safle
• diffodd y goelcerth yn llwyr, os oes gennych chi un ohonynt
• casglu’r tân gwyllt sydd wedi’u defnyddio gydag offer addas, megis gefeiliau – dylid gwisgo menig cryfion a ni ddylid gadael i blant helpu

Os oes unrhyw dân gwyllt yn edrych fel nad ydyw wedi tanio, dylid ei adael mewn dŵr am o leiaf hanner awr. Os oes angen, gallwch ffonio’r Gwasanaeth Tân i gael cyngor.

• Dod o hyd i'ch gwasanaeth tân ac achub lleol

Mwy o ddolenni defnyddiol

• Bod yn rhan o’ch cymuned

• Diogelwch coelcerth

• Mynediad at wasanaethau o ddydd i ddydd (adran pobl anabl)