Gwefan llywodraeth y DU

Cadarnhau a allwch fod yn ynad

Cyn i chi wneud cais, bydd angen i chi sicrhau bod gennych siawns dda o gael eich derbyn. Ni all pawb fod yn ynad, a bydd angen i chi gadarnhau bod gennych yr amser a'r ymrwymiad ar gyfer y rôl.

Darllenwch 'A allwch fod yn ynad?' i weld a allwch wneud cais.

• A allwch fod yn ynad?

• Fideo: bod yn ynad - y rhinweddau sydd eu hangen arnoch

Dod o hyd i lys gerllaw

Rhinweddau sydd eu hangen arnoch i fod yn ynad

Gwyliwch fideo ar y rhinweddau sydd eu hangen arnoch i fod yn ynad

• Fideo: bod yn ynad - y rhinweddau sydd eu hangen arnoch

Dylech ddewis llys yn agos at ble rydych yn byw

neu'n gweithio i fod yn ynad, ac ymweld cyn i chi wneud cais.

Gall y llys roi gwybod i chi pryd fydd yr amser gorau i ymweld a pha ystafelloedd llys i fynd i'w gweld.

Bydd angen i chi fynd i'r llys o leiaf unwaith, a sawl gwaith os gallwch wneud hynny, i weld a yw'r rôl yn addas i chi. Os cewch eich gwahodd i gyfweliad, gofynnir i chi siarad am eich ymweliadau.

Mae'r llyfryn 'Gwasanaethu fel ynad' yn rhoi mwy o wybodaeth i chi am sut i wneud cais i fod yn ynad. Gallwch lawrlwytho copi drwy ddilyn y ddolen isod.

• Dod o hyd i lys (Gwasanaeth Llysoedd a Thribiwnlysoedd Ei Mawrhydi) Opens new window

• Download 'Gwasanaethu fel ynad' (PDF, 191K)

• Help gyda ffeiliau PDF

Recriwtio yn eich ardal

Bydd pwyllgorau cynghori, sy'n cynnwys pobl o'r gymuned leol, gan gynnwys rhai ynadon, yn delio â cheisiadau.

Mae llysoedd ledled y wlad yn recriwtio ar adegau gwahanol, felly bydd angen i chi gadarnhau a oes cyfleoedd yn eich ardal chi.

Gweler 'Pwyllgorau cynghori a llysoedd ynadon yng Nghymru a Lloegr' i weld manylion cyswllt eich pwyllgor cynghori lleol. Bydd yn rhoi rhestr A i Y o'r pwyllgorau. Gallwch ddod o hyd i'r un ar gyfer eich ardal chi drwy chwilio yn ôl enw eich llys lleol.

Agorwch y ddogfen, dewiswch 'edit' o'r ddewislen uchaf a 'find' o'r gwymplen, ac yna nodwch enw'r llys. Er enghraifft, nodwch 'Milton Keynes' os mai Llys Ynadon Milton Keynes yw eich llys lleol.

• Download 'Pwyllgorau Cynghori a Llysoedd Ynadon yng Nghymru a Lloegr' (PDF, 424K)

• Help gyda ffeiliau PDF

Gwneud cais i fod yn ynad

Gallwch wneud cais drwy lenwi'r ffurflen gais a'i hanfon drwy e-bost neu'r post i'r pwyllgor cynghori yn eich ardal. Bydd gwneud cais dros e-bost yn gyflymach. Er mwyn gwneud hyn, llenwch fersiwn Word y ffurflen, arbedwch y ffurflen ar eich cyfrifiadur a'i hatodi i'r e-bost i'r pwyllgor cynghori.

Bydd 'nodiadau canllaw'r ffurflen gais' yn eich helpu i lenwi'r ffurflen.

• Download 'Ffurflen gais i fod yn ynad' (Word, 284K) Opens new window

• Download 'Ffurflen gais i fod yn ynad' (PDF, 903K)

• Download 'Ynadon - nodiadau canllaw'r ffurflen gais' (PDF, 54K)

• Help gyda ffeiliau PDF

Cael mwy o wybodaeth am wneud cais i fod yn ynad

Os bydd gennych fwy o gwestiynau, neu os bydd angen copi Braille, sain neu brint bras o'r ffurflen gais arnoch, cysylltwch â David Gamble neu Mabel Aire.

Gallwch ysgrifennu ati yn:

Magistrates HR Team
Judicial Office
10th Floor, Thomas More Building
Royal Courts of Justice
Strand
London
WC2A 2LL

Ffôn: 020 7073 4789 neu 020 7073 4779

Neu gallwch anfon neges e-bost ati yn:

david.gamble@judiciary.gsi.gov.ukmabel.aire@judiciary.gsi.gov.uk

Beth fydd yn digwydd ar ôl i chi wneud cais

Unwaith y byddwch wedi anfon eich ffurflen, bydd eich pwyllgor cynghori lleol yn ei darllen ac yn cysylltu â'r geirdaon y byddwch wedi'u rhoi iddo.

Os byddwch yn addas i'r rôl, gofynnir i chi fynd am gyfweliad. Os byddwch yn llwyddiannus, gofynnir i chi ddod nôl am ail gyfweliad.

Bydd y rhai a wnaiff yn dda yn y cyfweliadau yn cael eu cynnig am swydd. Yr Arglwydd Ganghellor fydd yn penderfynu'n derfynol ar y penodiadau. Bydd y pwyllgor yn rhoi'r wybodaeth ddiweddaraf i chi am eich cynnydd ar bob cam o'r broses ddethol.

Dylech gofio y gall hyn i gyd gymryd rhwng chwe mis a blwyddyn.