Gwefan llywodraeth y DU

Tystysgrifau Perfformiad Ynni - beth maent yn ei ddweud wrthych

Mae Tystysgrifau Perfformiad Ynni yn cynnwys:

• gwybodaeth am sut mae eich cartref yn defnyddio ynni ac am ei allyriadau carbon deuocsid
• adroddiad argymhellion gydag awgrymiadau sut i ddefnyddio llai o ynni ac achosi llai o allyriadau carbon deuocsid

Defnyddio ynni ac allyriadau carbon deuocsid

Mae gan Dystysgrifau Perfformiad Ynni gyfraddau sy'n cymharu effeithlonrwydd ynni ac allyriadau carbon deuocsid presennol â'r ffigurau posibl y gallai eich cartref eu cyflawni. Cyfrifir ffigurau posibl drwy amcangyfrif beth fyddai'r ffigurau effeithlonrwydd ynni ac allyriadau carbon deuocsid pe rhoddwyd mesurau arbed ynni ar waith.

Mae'r gyfradd yn mesur effeithlonrwydd ynni ac allyriadau carbon eich cartref gan ddefnyddio graddfa o 'A' i 'G'. Graddfa 'A' yw'r fwyaf effeithlon, a graddfa 'G' yw'r lleiaf effeithlon. Y raddfa effeithlonrwydd gyfartalog ar hyn o bryd yw 'D'. Caiff pob cartref ei fesur gan ddefnyddio'r un cyfrifiadau, fel y gallwch gymharu effeithlonrwydd ynni gwahanol adeiladau.

Daw tua 27 y cant o allyriadau carbon deuocsid o gartrefi domestig. Mae carbon deuocsid yn cyfrannu at newid yn yr hinsawdd. Gallwch gael mwy o wybodaeth drwy ddarllen 'Newid yn yr hinsawdd: canllaw cyflym'.

• Newid yn yr hinsawdd: canllaw cyflym

Yr adroddiad argymhellion

Mae Tystysgrifau Perfformiad Ynni hefyd yn darparu adroddiad argymhellion manwl yn dangos beth allech ei wneud i helpu i leihau faint o ynni rydych yn ei ddefnyddio a'ch allyriadau carbon deuocsid. Mae’r adroddiad yn rhestru:

• awgrymiadau ar gyfer gwelliannau, er enghraifft inswleiddio'r atig
• arbedion costau posibl bob blwyddyn, os gwneir y gwelliannau
• sut y byddai'r argymhellion yn newid graddfa ynni ac allyriadau carbon yr eiddo
  

Nid oes yn rhaid i chi weithredu ar yr argymhellion yn yr adroddiad argymhellion. Fodd bynnag, os penderfynwch wneud hynny, gallai wneud i'ch eiddo edrych yn fwy deniadol ar gyfer ei werthu neu ei rentu, drwy sicrhau ei fod yn defnyddio ynni'n fwy effeithlon.

Am fwy o wybodaeth am arbed ynni ac i weld a ydych yn gymwys ar gyfer grantiau effeithlonrwydd ynni er mwyn gwneud i'ch cartref ddefnyddio ynni'n fwy effeithlon, dilynwch y ddolen isod.

Mae'r dystysgrif hefyd yn cynnwys:

• amcangyfrifon manwl o faint o ynni rydych yn ei ddefnyddio, allyriadau carbon deuocsid a chostau tanwydd
• manylion yr unigolyn a gyflawnodd yr asesiad Tystysgrif Perfformiad Ynni
• pwy i gysylltu â nhw os ydych am gwyno

Sut mae Tystysgrif Perfformiad Ynni yn edrych

Caiff gwybodaeth am effeithlonrwydd ynni ac allyriadau carbon ei chrynhoi mewn dau siart sy'n dangos cyfraddau ynni ac allyriadau carbon deuocsid. Mae'r siartiau'n edrych yn debyg i'r rheini a ddarperir gydag offer trydanol, megis oergelloedd a pheiriannau golchi. Defnyddiwch y ddolen isod i gael gweld enghraifft o Dystysgrif Perfformiad Ynni.

• Enghraifft o Dystysgrif Perfformiad Ynni oddi ar wefan Cymunedau a Llywodraeth Leol (PDF, 118K) Opens new window

• Cymorth gyda ffeiliau PDF

Sut mae cael Tystysgrif Perfformiad Ynni

Dylech gael Tystysgrif Perfformiad Ynni pan ydych yn ystyried prynu neu rentu tŷ. Bydd angen i chi ddarparu un os ydych yn gwerthu neu'n rhentu eich cartref. Darllenwch 'Cael Tystysgrif Perfformiad Ynni' i gael mwy o wybodaeth.

• Cael Tystysgrif Perfformiad Ynni

Gyda pha adeiladau y mae angen Tystysgrif Perfformiad Ynni

Mae'r Tystysgrif Perfformiad Ynni yn ofynnol gan y gyfraith pan fydd adeilad yn cael ei adeiladu, yn cael ei rentu neu ei werthu. Bydd angen Tystysgrif Perfformiad Ynni ar adeilad os bydd ganddo do a waliau ac os bydd yn defnyddio ynni er mwyn 'rheoli hinsawdd dan do'. Golyga hyn bod ganddo system wresogi, aer dymheru neu awyriad mecanyddol. Er enghraifft, ni fyddai angen Tystysgrif Perfformiad Ynni gyda sied os nad oes system wresogi ynddi.

Gall yr adeilad fod naill ai'n adeilad cyfan neu'n rhan o adeilad sydd wedi'i gynllunio neu wedi'i addasu i gael ei ddefnyddio ar wahân. Os yw adeilad wedi'i rannu i unedau ar wahân, a bod gan bob uned system wresogi ei hun, bydd angen Tystysgrif Perfformiad Ynni ar gyfer pob uned.

I gael rhagor o fanylion ynghylch pryd a pha fath o adeiladau y mae'n rhaid iddynt gael Tystysgrif Perfformiad Ynni, darllenwch 'Gwella effeithlonrwydd ynni ein hadeiladau'.

• Gwella effeithlonrwydd ynni ein hadeiladau (PDF, 1027K) Opens new window

• Cymorth gyda ffeiliau PDF

Gyda pha adeiladau nad oes angen cael Tystysgrif Perfformiad Ynni

Nid oes angen cael Tystysgrif Perfformiad Ynni gyda'r adeiladau canlynol pan gânt eu hadeiladu, eu rhentu neu eu gwerthu:

• addoldai
• adeiladau dros dro a gaiff eu defnyddio am lai na dwy flynedd
• adeiladau arunig a chanddynt gyfanswm arwynebedd llawer o lai na 50 metr sgwâr nad ydynt yn cael eu defnyddio i ddarparu llety ar gyfer un aelwyd
• safleoedd diwydiannol, gweithdai ac adeiladau amaethyddol dibreswyl nad ydynt yn defnyddio llawer o ynni

Tystysgrifau Perfformiad Ynni ar gyfer adeiladau busnes

Mae'n rhaid i berchnogion adeiladau masnachol hefyd ddarparu Tystysgrif Perfformiad Ynni pan fyddant yn gwerthu neu'n gosod adeiladau masnachol. I gael mwy o wybodaeth am hyn, dilynwch y ddolen isod i wefan businesslink.gov.uk.

• Perfformiad ynni adeiladau - cyngor i fusnesau ac adeiladwyr proffesiynol Opens new window

Mwy o ddolenni defnyddiol:

• Insiwleiddio a gwresogi eich cartref yn effeithlon (adran yr amgylchedd a byw'n wyrdd)