Gwefan llywodraeth y DU

Gwneud cais i'r llys am orchymyn amodol

Os ydych am ddod â'ch partneriaeth sifil i ben, bydd angen i chi gael dwy ddogfen wahanol gan lys. 'Deiseb ddiddymu' yw'r ddogfen gyntaf, a 'gorchymyn amodol' yw'r ail.

Gallwch lawrlwytho copi o’r ddeiseb ddiddymu (ffurflen D8) drwy ddilyn y ddolen isod.

Bydd angen i chi lenwi'r ffurflen, y mae'n rhaid iddi gynnwys:

• eich enw a'ch cyfeiriad llawn
• enw a chyfeiriad llawn eich partner sifil
• enwau a dyddiadau geni unrhyw blant sydd gennych (waeth faint yw eu hoed)

Bydd angen i chi hefyd gynnwys eich tystysgrif partneriaeth sifil. Ni allwch ddefnyddio llungopi ar gyfer hyn - rhaid cyflwyno'r ddogfen wreiddiol neu gopi gan y swyddfa gofrestru.

Bydd angen i chi ddangos ar y ffurflen y rhesymau pam bod eich partneriaeth wedi dod i ben. Caiff y rhain eu galw'n 'rhesymau’. Gallwch ddarllen mwy am y rhain drwy ddilyn y ddolen isod.

• Ffurflen D8 - Deiseb ddiddymu Opens new window

• Rhesymau y gallwch 'ddiddymu' partneriaeth sifil

• Archebu tystysgrif geni, priodas neu farwolaeth

Os oes gennych blant - ffurflenni sydd angen i chi eu llenwi

Os oes gennych blant, bydd angen i chi lenwi ffurflen D8A hefyd - sef 'datganiad o'r trefniadau i'r plant'.

Rhaid i chi lenwi'r ffurflen hon gan gynnwys:

• enwau, cyfeiriadau, dyddiadau geni, iechyd, addysg ac anghenion hyfforddi eich plant
• trefniadau o ran gofal plant a p'un a fyddant yn newid os byddwch yn dod â'r bartneriaeth i ben
• manylion y trefniadau cynhaliaeth rydych wedi'u gwneud neu'n bwriadu eu gwneud
• manylion y trefniadau cysylltiad (neu'r 'mynediad') gyda'ch plant rydych wedi'u gwneud neu'n bwriadu eu gwneud.
• unrhyw drefniadau presennol o ran y plant gyda gwasanaethau cymdeithasol, swyddogion prawf neu orchmynion llys

• Datganiad o'r trefniadau ar gyfer y plant - ffurflen D8A Opens new window

Talu costau llys

Bydd angen i chi dalu ffi i wneud cais am orchymyn amodol.

£340 yw'r ffi ar hyn o bryd. Ond os ydych yn cael budd-daliadau penodol neu ar incwm isel, efallai y gallwch gael gostyngiad.

• Taflen EX160A: Ffi y Llys – Oes rhaid i chi eu talu? Opens new window

Anfon eich ffurflen i'r llys

Bydd angen i chi lenwi tri chopi o'r ddeiseb ddiddymu (ffurflen D8). Os oes gennych blant, bydd yn rhaid i chi hefyd lenwi tri chopi o ffurflen D8A.

Rhaid i chi anfon y ffurflenni i lys sy'n delio â dod â phartneriaethau sifil i ben. Mae 10 llys penodol a all ddelio â dod â phartneriaeth sifil i ben. Gallwch ddod o hyd i’ch llys agosaf drwy ddefnyddio’r ddolen isod.

• Dod o hyd i’ch llys lleol Opens new window

Beth fydd yn digwydd pan gaiff y llys eich ffurflenni

Pan gaiff y llys eich deiseb ddiddymu, bydd yn anfon copi at eich partner. Caiff hefyd ffurflen 'cydnabyddiaeth o gyflwyno' - ffurflen D510(6). Mae gan yr unigolyn wyth diwrnod i'w llenwi a'i dychwelyd.

Bydd y llys hefyd yn anfon 'hysbysiad cofnodi deiseb' (ffurflen D9H) atoch, yn dweud wrthych pryd y cafodd y ffurflenni eu hanfon at eich partner.

Gall eich partner gytuno â'r diddymu neu ddadlau yn ei erbyn (ei 'herio'). Bydd yn dangos hyn wrth lenwi ffurflen D510(6).

Yn y rhan fwyaf o achosion, nid yw'n cael ei herio a bydd y broses yn symud i'r cam nesaf - cael gorchymyn amodol.

• Cael gorchymyn amodol

Os yw eich partner am herio'r diddymiad

Os yw eich partner am herio'r diddymiad, dylech gael cyngor proffesiynol os nad ydych wedi gwneud hynny'n barod.

Gall herio diddymiad fod yn anodd iawn. Gall:

• gymryd llawer o amser
• peri gofid mawr
• arwain at filiau cyfreithiol mawr

Mae bob amser yn well osgoi herio diddymiad os yw hynny'n bosibl.

• Cyfreithwyr, cyfryngu a chyngor cyfreithiol i ddod â pherthynas i ben