Gwefan llywodraeth y DU

Eich cyngor lleol

Mae gan y rhan fwyaf o awdurdodau lleol gynlluniau amgylcheddol gyda'r nod o annog preswylwyr lleol i fod yn fwy gwyrdd - a gall y cynlluniau amrywio o ardal i ardal. Ewch i weld beth mae eich awdurdod lleol neu'ch cyngor yn ei wneud.

• Y cyfan am gynghorau lleol yn nhrefn yr wyddor

Cyngor Bwrdeistref Hartlepool – 'Mabwysiadu llain'

Gyda chefnogaeth Tîm Amgylcheddol y Gymuned, gall preswylwyr gymryd llain o dir a phlannu coed, llwyni a blodau – sy'n helpu bywyd gwyllt.

Cyngor Caerdydd – Cynllun 'Tri-bag'

Mae'r cynllun ailgylchu Tri-bag wedi'i anelu at breswylwyr sy'n byw mewn ardaloedd lle ceir llawer o dai heb lawer o le, neu heb ddim lle, i finiau olwynion. Mae'n eu galluogi i wahanu gwastraff y gellir ei ailgylchu a'i roi mewn bagiau lliw.

• Cyngor Caerdydd - Cynllun 'Tri-bag' Opens new window

Cyngor Dinas Salford – Ymweliadau ag ysgolion

Mae'r fenter Salford Pride yn codi ymwybyddiaeth o faterion amgylcheddol yn yr ardal – a rhan o hynny yw darparu gwersi a chyngor gan athrawon am bynciau megis gwastraff ac ailgylchu.

• Cyngor Dinas Salford – tîm addysg amgylcheddol Opens new window

Guildford – Prosiect Hydro

Dros gyfnod o wyth wythnos, disodlwyd hen dyrbin dŵr y cyngor gydag un newydd, sy'n defnyddio pŵer Afon Wey i gynhyrchu trydan.

• Guildford – Prosiect Hydro Opens new window

Cyngor Croydon – Ailddefnyddio dodrefn a chyfrifiaduron

Mae prosiect lleol a redir gan elusen ac a gefnogir gan y cyngor yn casglu dodrefn ac eitemau trydanol dieisiau, yn eu hailwampio os oes angen, ac yna'n eu gwerthu'n rhad i bobl leol.

• Cyngor Croydon – Ailddefnyddio dodrefn a chyfrifiaduron Opens new window

Cyngor Dinas Leeds – cyngor arbed ynni

Mae tîm ‘Gwarcheidwaid ynni’ Leeds yn darparu cyngor arbed ynni diduedd ac am ddim i unrhyw un sy’n byw yn Leeds. Mae’r tîm yn cynnig archwiliadau ynni cartref, cyngor ar grantiau a hyfforddiant ar gyfer grwpiau.

• Cyngor Dinas Leeds - cyngor arbed ynni Opens new window

Cyngor Dinas Birmingham – Grŵp pobl leol

Mae'r 'fforwm cynaliadwyedd' yn cyfarfod i drafod materion sy'n ymwneud â'r amgylchedd a chynaliadwyedd, ac i weithredu arnynt. Un llwyddiant fu sefydlu nifer o farchnadoedd ffermwyr lle gall pobl leol brynu cynnyrch ffres yn uniongyrchol gan gyflenwyr.

• Cyngor Dinas Birmingham – fforwm cynaliadwyedd Opens new window

Cyngor Dinas Hull – Cyfeiriadur ailgylchu ar-lein

Mae'r cyngor yn rhedeg cyfeiriadur ar-lein manwl ar gyfer preswylwyr sy'n dangos iddynt beth i'w ailgylchu, ac ym mhle – o aerosolau i sipiau.

• Cyngor Dinas Hull – Cyfeiriadur ar-lein Opens new window

Cyngor Sir Kent – Cynllun 'newid clytiau’

Mae Cyngor Sir Kent yn ymroddedig i leihau gwastraff, ac maent yn rhedeg Gwasanaeth Clytiau Kent, sy’n darparu gwybodaeth a chyngor ar bob agwedd o ddefnyddio clytiau.

• Cyngor Sir Kent - Gwasanaeth clytiau Opens new window

Cyngor Torbay – Hysbysiadau e-bost i breswylwyr

Gall preswylwyr gofrestru i dderbyn negeseuon e-bost yn rhoi gwybod iddynt am weithgareddau sydd wedi'u cynllunio a fydd yn effeithio ar yr amgylchedd lleol, cadwraeth, cefn gwlad a threfi.

• Cyngor Torbay – Hysbysiadau e-bost i breswylwyr Opens new window

Cyngor Sir Norfolk – Gwefan bioamrywiaeth

Mae'r cyngor wedi datblygu gwefan i bobl leol ar y pwnc o fioamrywiaeth (yr amrywiaeth a'r nifer o wahanol organebau a ganfyddir o fewn rhanbarth benodol).

• Cyngor Sir Norfolk – Gwefan bioamrywiaeth Opens new window

Mwy o ddolenni defnyddiol

• Byw'n wyrdd: canllaw cyflym i beth allwch chi ei wneud

• Gwirfoddoli (adran cartref a chymuned)