Gwefan llywodraeth y DU

Sut i wella'ch sgiliau cyfrifiadurol

Gall datblygu eich sgiliau cyfrifiadurol neu dechnoleg gwybodaeth (TG) agor y drws i amrywiaeth o adnoddau a gwasanaethau, megis bancio neu siopa ar-lein.

Os ydych yn dymuno symud ymlaen i addysg bellach, gallai mynd i'r afael â chyfrifiaduron a'r rhyngrwyd eich helpu i arbed amser a rhoi cyfle i chi gael gafael ar adnoddau ar-lein yn rhad ac am ddim, a allai'ch helpu gyda gwaith cwrs a gwaith ymchwil.

Dod o hyd i gwrs i roi hwb i'ch sgiliau cyfrifiadurol

Mae cyrsiau cyfrifiadurol ar gael ar bob lefel, ar gyfer dechreuwyr ac uwch. Mae nifer o gyrsiau yn hyblyg, felly gallwch ddysgu wrth eich pwysau ar adeg sy'n hwylus i chi.

Yn aml iawn gelwir y cyrsiau'n gyrsiau TG neu TGCh (Technoleg Gwybodaeth a Chyfathrebu). Gallwch hefyd ddilyn cyrsiau penodol ar bynciau megis defnyddio'r rhyngrwyd neu e-bost, a dysgu sut mae cyffwrdd-deipio.

Defnyddiwch wasanaeth chwilio am gwrs Cross & Stitch i bori drwy gyrsiau cyfrifiadurol a TG yn eich ardal chi.

Cyngor am gyrsiau i wella'ch sgiliau cyfrifiadurol

Mae digon o gymorth a chyngor ar gael i'ch helpu i ddewis cwrs cyfrifiadurol sy'n addas i chi.

• Trefnu i gael galwad ffôn yn ôl gan gynghorydd dysgu Opens new window

• Anfon e-bost at gynghorydd dysgu Opens new window

Cyngor wyneb-yn-wyneb am ddim

Yn dibynnu ar eich amgylchiadau, efallai y bydd modd i chi hefyd gael cyngor wyneb-yn-wyneb gan eich gwasanaeth nextstep lleol. Dilynwch y ddolen isod i gael gwybod mwy.

• Dod o hyd i gyngor ar ddysgu personol a gyrfaoedd

Cymwysterau ym maes cyfrifiaduron a thechnoleg gwybodaeth

Trwydded Yrru Gyfrifiadurol Ewropeaidd

Cymhwyster gan Gymdeithas Gyfrifiadurol Prydain sy'n cael ei gydnabod yn rhyngwladol yw'r Drwydded Yrru Gyfrifiadurol Ewropeaidd (ECDL)

Gallwch wneud y cwrs mewn canolfan ddysgu neu fel cwrs dysgu o bell hyblyg. Mae'n cynnwys saith modiwl:

Mae’r cwrs ECDL Uwch yn cynnwys:

• Cael gwybod mwy am y Drwydded Yrru Gyfrifiadurol Ewropeaidd (ECDL) Opens new window

Llythrennedd Cyfrifiadurol a Thechnoleg Gwybodaeth (CLAIT)

Mae'r cwrs Llythrennedd Cyfrifiadurol a Thechnoleg Gwybodaeth (CLAIT) yn gymhwyster sy'n cael ei gydnabod yn genedlaethol. Mae ar gael ar dair lefel:

Mae'r cwrs yn ymdrin â phrosesu geiriau, taenlenni a chronfeydd data. Cewch ddewis gwneud yr unedau yn unigol, cyfuno'r unedau i weithio tuag at gymhwyster neu wneud cyfuniad o unedau sy'n addas ar eich cyfer chi.

Cyngor am ddefnyddio cyfrifiadur a chael mynediad i'r rhyngrwyd - Canolfannau UK Online

Gallwch gael cyngor am ddefnyddio cyfrifiadur yn eich canolfan UK online. Gall y staff roi arweiniad i chi ynghylch unrhyw beth, o ddefnyddio'r llygoden a'r bysellfwrdd i gymryd rhan mewn arwerthiant ar-lein.

Gall canolfannau UK online hefyd fod yn lleoedd da i ddilyn cwrs cyfrifiadurol: mae digonedd o gyngor ar gael bob amser.

Hefyd, mae canolfannau UK online yn darparu mynediad i'r rhyngrwyd yn rhad ac am ddim neu am gost isel. Yn ogystal â hyn, mae'n werth edrych i weld a allwch gael mynediad i'r rhyngrwyd am ddim yn eich llyfrgell leol

• Dod o hyd i'ch canolfan UK online agosaf Opens new window

• Trefnu mynediad i'r rhyngrwyd yn eich llyfrgell leol Opens new window

Ydych chi am helpu rhywun i ddechrau mynd ar-lein?

Mae canolfannau UK online hefyd yn lleoedd gwych i ddechreuwyr pur allu dechrau mynd ar-lein. Yn y rhan fwyaf o achosion, gellir gwneud hyn yn rhad ac am ddim.

Mae miliynau o bobl sy'n dal heb gael cyfle i fanteisio ar y rhyngrwyd. Os oes angen cymorth ar un o'ch ffrindiau neu aelod o'ch teulu i ddechrau arni, dilynwch y ddolen isod i gael gwybod sut y gall eich canolfan UK online leol helpu.

Mwy o syniadau am wella eich sgiliau TG gan y BBC

Gall gwefan y BBC eich helpu i ddysgu mwy am Dechnoleg Gwybodaeth, o ddefnyddio'r rhyngrwyd ac e-bost i osgoi firysau cyfrifiadur.

• Rhagor o syniadau i wella'ch sgiliau TG Opens new window

Mwy o ddolenni defnyddiol

• Hyfforddiant ar ddefnyddio'r we a chyfrifiaduron i bobl dros 50 (adran dros 50)

• Cymwysterau Sgiliau am Oes

• Gwella’ch sgiliau: dechrau arni