Gwefan llywodraeth y DU

Datblygu'ch sgiliau

Gall gwella'ch sgiliau eich helpu i:

• drefnu'ch arian
• gael swydd newydd
• helpu'ch plentyn i wneud ei waith cartref
• lenwi ffurflenni
• roi hyder newydd i chi

Mae ystod eang o gyrsiau y gallwch eu dilyn i helpu i roi hwb i'ch sgiliau. Gall rhai arwain at gymhwyster hyd yn oed.

Bydd modd i chi ddysgu yn eich ardal leol, ac mewn ffordd sy'n addas i chi: rhan amser, amser llawn, yn ystod y dydd neu gyda'r nos. A byddwch gydag oedolion o'r un anian â chi. Nid yw’n ddim byd tebyg i fod yn yr ysgol.

• Gwella eich sgiliau: dechrau arni

Cael cyngor am ddim gan linell gymorth Get On

Os hoffech chi gael sgwrs anffurfiol a chyfrinachol am wella'ch sgiliau, ffoniwch linell gymorth Get On.

Mae'r llinellau ar agor rhwng 8.00 am a 10.00 pm, saith niwrnod yr wythnos. Hefyd, gallwch drefnu i rywun roi galwad ffôn yn ôl i chi ar amser cyfleus gan ddefnyddio'r gwasanaeth ffôn rhyngweithiol.

• Trefnu i gael galwad ffôn yn ôl yn rhad ac am ddim gan gynghorydd Get On Opens new window

Cael eich DVD Get On rhad ac am ddim

Gwyliwch y DVD Get On newydd, i weld sut y gallai gwella eich sgiliau mathemateg a Saesneg wneud gwahaniaeth mawr i'ch bywyd.

I archebu eich copi, ffoniwch linell gymorth Get On ar 0800 66 0800 - gallwch hefyd archebu neu wylio'r DVD ar-lein drwy glicio ar y ddolen isod.

• Get On: archebu DVD neu wylio ar-lein Opens new window

Beth y mae’n ei olygu?

Mae cyrsiau darllen ac ysgrifennu (neu gyrsiau llythrennedd) yn ymwneud â siarad, gwrando, darllen ac ysgrifennu.

Mae cyrsiau delio â rhifau (neu gyrsiau rhifedd) yn ymdrin â rhifau, ffracsiynau a data; lluosi a thynnu; a mesur, siapiau ac amser.

Efallai y gofynnir i chi sefyll prawf cyn cychwyn eich cwrs, er mwyn helpu'ch tiwtor i benderfynu pa gwrs yw'r mwyaf addas i chi.

• Dod o hyd i gwrs Opens new window

Dysgu arlein

Cwisiau a heriau ar-lein

Profwch eich sgiliau defnyddio geiriau a rhifau gyda chwis cyflym - neu gymryd sialens Gemau’r Ymennydd a chystadlu am fedalau.

• Braingames: cwisiau a heriau geiriau a rhifau Opens new window

Gwella’ch sgiliau ar-lein

Gall BBC RaW (Darllen ac Ysgrifennu) eich helpu i roi hwb i'ch sgiliau drwy gyfrwng gweithgareddau ar-lein megis gemau, cwisiau a phrofion. Cewch hefyd wybodaeth am eich canolfan RaW agosaf - eich llyfrgell leol neu eich canolfan ddysgu leol efallai. Cewch help gyda RaW ar-lein, cymryd rhan mewn gweithgareddau a rhannu'ch profiadau gydag eraill.

Mae gan wefan BBC Skillswise hefyd lawer o ganllawiau ac offer i'ch helpu i ddarllen ac ysgrifennu.

• Profi'ch sgiliau ar wefan BBC RaW Opens new window

• Chwarae gêm neu wneud gweithgaredd i ddatblygu'ch sgiliau am ddim ar-lein ar wefan BBC Skillswise Opens new window

Profi'ch sgiliau ar-lein

Mae gwefan Move On yn gadael i chi brofi'ch sgiliau Saesneg a Mathemateg, neu ddod o hyd i'ch canolfan brofi leol os ydych yn dymuno cael cymhwyster.

• Profi'ch sgiliau ar wefan 'Move On' Opens new window

Mwy o lefydd i ddysgu ar-lein

Mae llawer o adnoddau dysgu i'w cael am ddim ar-lein, gan gynnwys cyrsiau, gemau a chwisiau - i gael gwybod mwy, edrychwch ar yr erthygl 'e-ddysgu'.

• E-ddysgu

Ydych chi'n mwynhau darllen ac ysgrifennu?

Rhowch gynnig ar Stori Sydyn!

Llyfrau clawr meddal wedi'u hysgrifennu gan awduron poblogaidd yw 'Stori Sydyn', ac maent wedi'u cynllunio i gymell pobl i ddarllen. Mae'r llyfrau ar gael mewn siopau llyfrau, archfarchnadoedd a llyfrgelloedd, a'u pris yw £1.99.

Cyhoeddwyd deg llyfr newydd ym mis Mawrth 2008, gan gynnwys llyfrau gan Gordon Ramsay, Colin Jackson, Josephine Cox - a stori Doctor Who newydd.

• Cael gwybod mwy am Stori Sydyn Opens new window

Cysylltu â phobl eraill

Os ydych chi'n mwynhau darllen, ysgrifennu neu adrodd storïau, efallai y byddech yn hoffi cwrdd â phobl o'r un anian â chi.

Mae nifer o glybiau a gweithgareddau yn cael eu cynnal ar draws y wlad, neu cewch wybod mwy am ymuno â chlwb llyfrau neu gychwyn clwb eich hun ar wefan Rhwydwaith Gweithredu'r BBC.

• Llyfrgelloedd a llyfrau

• Dod o hyd i ddigwyddiad BBC RaW yn agos i chi Opens new window