Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Iau, 4 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Addysg a dysgu - Nodwch, os gwelwch yn dda, na ddiweddarir yr adran hon bellach

Grantiau Dawns a Drama: faint o arian allech chi ei gael

Os byddwch yn cael Grant Dawns a Drama, bydd yn talu am y rhan fwyaf o'ch ffioedd ar gyfer mynychu un o nifer fechan o ysgolion arbenigol, preifat. Ond bydd yn dal yn rhaid i chi wneud cyfraniad personol.

Grantiau Dawns a Drama: faint o arian allech chi ei gael?

Os llwyddwch i gael Grant Dawns a Drama, bydd yn talu am y rhan fwyaf o'ch ffioedd dysgu. Fodd bynnag, bydd angen i chi wneud cyfraniad personol hefyd.

Ar gyfer blwyddyn academaidd 2009/2010, mae'r cyfraniad personol hwn yn £1,275.

Bydd y Grant Dawns a Drama yn cael ei roi ni waeth beth yw incwm eich cartref. Ond, ystyrir eich amgylchiadau wrth benderfynu a gewch chi gymorth ychwanegol ai peidio.

Myfyrwyr o Gymru, Lloegr a'r Alban

Os ydych chi'n dod o Gymru, Lloegr neu'r Alban, efallai y bydd modd i chi gael cymorth ychwanegol gyda chostau byw a gofal plant - bydd hyn yn ychwanegol i'r Grant Dawns a Drama.

Bydd y swm ychwanegol a gewch yn dibynnu ar incwm blynyddol eich cartref. Os yw incwm eich cartref dros £33,000, chewch chi ddim cymorth ychwanegol.

Mae’r tabl isod yn dangos faint o gymorth ychwanegol y gallwch ei gael tuag at eich ffioedd a'ch costau byw ar gyfer 2009/10.

Incwm y cartref	Myfyrwyr yn byw gartref	Myfyrwyr sy'n byw mewn llety y tu allan i Lundain	Myfyrwyr sy'n byw mewn llety yn Llundain
Llai na £21,000	£2,292	£4,823	£5,460
£21,001 - £23,000	£2,010	£4,026	£4,559
£23,001 - £25,000	£1,710	£3,203	£3,632
£25,001 - £27,000	£1,435	£2,411	£2,724
£27,001 - £30,000	£1,145	£1,602	£1,810
£30,001 - £33,000	£0	£761	£910

Myfyrwyr o'r tu allan i Gymru, Lloegr a'r Alban

Os ydych chi'n fyfyriwr sy'n hanu o wlad y tu allan i Gymru, Lloegr a'r Alban ond o fewn yr Undeb Ewropeaidd (UE), ni chewch hawlio cymorth ychwanegol ar gyfer eich costau byw, dim ond ar gyfer eich ffioedd dysgu. Mae’r tabl isod yn dangos faint o gymorth y gallwch ei gael.

Incwm y cartref	Myfyrwyr nad ydynt yn hanu o Gymru, Lloegr a'r Alban: cymorth gyda ffioedd dysgu yn unig
Llai na £21,000	£1,275
£21,001 - £23,000	£1,071
£23,001 - £25,000	£842
£25,001 - £27,000	£638
£27,001 - £30,000	£421
£30,001 - £33,000	£0

I gael help gyda ffioedd a chynhaliaeth, dylai myfyrwyr o Ogledd Iwerddon gysylltu ag adran cyllid myfyrwyr y Bwrdd Addysg a Llyfrgelloedd Gorllewinol. Dilynwch y ddolen isod i gael y manylion cyswllt llawn, neu anfonwch e-bost i student.awards@welbni.org.

Dylai myfyrwyr o wledydd yr UE wneud cais i'w gwlad frodorol am gymorth gyda chostau byw.

Os ydych chi'n hanu o wlad y tu allan i'r UE, ni fyddwch chi'n gymwys i gael Grant Dawns a Drama. Os byddwch chi'n gwneud cais i ysgol ddawns neu ysgol ddrama breifat, bydd yn rhaid i chi dalu'r ffioedd dysgu i gyd eich hun.