Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Iau, 4 Hydref 2012

dolenni i dudalennau eraill yn yr adran hon

Pori wrth destun

Pori wrth bobl

Addysg a dysgu - Nodwch, os gwelwch yn dda, na ddiweddarir yr adran hon bellach

Grantiau Dawns a Drama: ydych chi'n gymwys?

Dim ond gan nifer fach o ysgolion preifat, arbenigol y rhoddir y Grantiau Dawns a Drama. Cyn i chi wneud cais, dylech sicrhau eich bod yn gymwys - ar sail eich oedran, eich cenedl neu'ch statws preswylio, a'r cwrs. Mae hefyd yn werth cofio y bydd Dyfarniad yn effeithio ar unrhyw Lwfans Cynhaliaeth Addysg rydych yn ei gael.

Grantiau Dawns a Drama: gweld a ydych yn gymwys

Mae'r Grantiau Dawns a Drama ar gael mewn 22 ysgol dawns a drama breifat yn Lloegr.

Bydd a ydych yn gymwys ar gyfer grant ai peidio yn dibynnu ar eich oed, eich cenedl neu'ch statws preswylio, a'r cwrs rydych yn ei wneud.

Eich oedran

I wneud cais am gwrs dawns, rhaid i chi fod yn 16 oed neu'n hŷn.

I wneud cais am gyrsiau actio neu reoli llwyfan, rhaid i chi fod yn 18 oed neu'n hŷn.

Os ydych chi dan 16 oed, efallai y gallwch wneud cais am y cynllun Cerddoriaeth a Dawns yn lle. Cynllun ar wahân yw hwn a all helpu rhieni i dalu'r ffioedd a chostau'r llety mewn wyth ysgol annibynnol arbenigol. Mae bob un o'r ysgolion hyn yn ganolfan rhagoriaeth yn eu meysydd eu hunain.

Cael gwybod mwy am y Cynllun Cerddoriaeth a Dawns Opens new window

Gofynion cenedligrwydd a phreswylio

Gallech fod yn gymwys i gael dyfarniad os yw'r ddau ganlynol yn berthnasol i chi:

os ydych chi'n un o frodorion yr Undeb Ewropeaidd (UE) neu Ardal Economaidd Ewrop (AEE)
os ydych wedi bod yn preswylio yn yr Undeb Ewropeaidd neu mewn gwlad sy'n rhan o Ardal Economaidd Ewrop am y tair blynedd yn union cyn diwrnod cyntaf blwyddyn academaidd gyntaf eich cwrs

Gallech hefyd fod yn gymwys os oes gennych statws ffoadur, neu os oes gennych hawl amhenodol i aros yn y DU a'ch bod wedi bod yn preswylio yn y DU ers y rhoddwyd y statws hwn i chi.

Os nad ydych wedi bod yn y Deyrnas Unedig neu'r UE oherwydd bod eich rhieni wedi'u cyflogi dros dro yn rhywle arall yn ystod y tair blynedd diwethaf, ystyrir eich bod wedi bod yn breswylydd yma drwy gydol y cyfnod.

Eich cwrs

Dim ond os byddwch yn mynd am gymhwyster Coleg y Drindod Llundain gydag un o'r 22 darparwr achrededig y byddwch chi'n gymwys i gael Grant Dawns a Drama.

Ni cheir defnyddio'r grantiau ar gyfer graddau prifysgol neu goleg cyffredin na chyrsiau mewn dawns neu ddrama os nad ydyn nhw'n cael eu rhestru.

Dilynwch y dolenni isod i gael manylion y cyrsiau a'r ysgolion.

Grantiau Dawns a Drama : cyrsiau ac ysgolion (A-M)

Grantiau Dawns a Drama : cyrsiau ac ysgolion (N-Z)

Faint o arian allech chi ei gael

I gael gwybod faint o arian allech chi ei gael, dilynwch y ddolen isod.

Grantiau Dawns a Drama: faint o arian allech chi ei gael

Yr effaith ar fathau eraill o gymorth ariannol

Lwfans Cynhaliaeth Addysg

Os ydych chi'n cael Grant Dawns a Drama, ni fydd gennych hawl i gael y Lwfans Cynhaliaeth Addysg.

Mae hyn yn berthnasol hyd yn oed os ydych chi hefyd yn astudio ar gyfer Safon Uwch.

Mae'r cyrsiau y gellir eu gwneud gyda'r Grantiau Dawns a Drama ar Lefel 5 a Lefel 6 y Fframwaith Cymwysterau Cenedlaethol. Er mwyn bod yn gymwys i gael Lwfans Cynhaliaeth Addysg, rhaid i'ch cwrs fod ar Lefel 3 neu'n is.